തീനാളമണഞ്ഞു; നിബിന്റെ കുടുംബത്തിന്റെ പ്രതീക്ഷകൾ ചാരമായി

ആ​ല​ത്തൂ​ർ: തൃ​ശൂ​ർ മു​ള​ങ്കു​ന്ന​ത്തു​കാ​വ് കോ​ഴി​ക്കു​ന്നി​ലെ വാ​ഹ​ന സ്പെ​യ​ർ പാ​ർ​ട്സ് സ്ഥാ​പ​ന ഗോ​ഡൗ​ണി​ലു​ണ്ടാ​യ ​ തീ​പി​ടി​ത്ത​ത്തി​ൽ മ​രി​ച്ച നി​ബി​ന്റെ വേ​ർ​പാ​ട് കു​ടും​ബ​ത്തി​നേ​ൽ​പ്പി​ച്ച ആ​ഘാ​തം മൂ​ച്ചി​ത​റ ഗ്രാ​മ​ത്തെ ക​ണ്ണീ​രി​ലാ​ഴ്ത്തി. ആ​ഴ്ച​യി​ലൊ​രി​ക്ക​ൽ വീ​ട്ടി​ൽ​വ​രു​ന്ന നി​ബി​ൻ മാ​താ​പി​താ​ക്ക​ൾ​ക്ക് വ​ലി​യ പ്ര​തീ​ക്ഷ​യും കു​ടും​ബ​ത്തി​ന് താ​ങ്ങു​മാ​യി​രു​ന്നു. 15 വ​യ​സ്സ് മു​ത​ൽ ജോ​ലി​ക്കു പോ​യ​ത് കു​ടും​ബ​സാ​ഹ​ച​ര്യം മ​ന​സ്സി​ലാ​ക്കി​യാ​യി​രു​ന്നു.

വൃ​ക്ക​രോ​ഗി​യാ​യ അ​മ്മ ബി​ന്ദു​വി​ന് നി​ബി​ൻ താ​ങ്ങാ​യി​രു​ന്നു. സ്ഥാ​പ​ന​ത്തി​ൽ ഓ​വ​ർ​ടൈം ജോ​ലി ചെ​യ്ത് കി​ട്ടു​ന്ന പൈ​സ സ്വ​രൂ​പി​Vehicle spare parts factory in fire in warehouseച്ച് ഓ​ണ​ത്തി​ന് ബൈ​ക്ക് വാ​ങ്ങ​ണ​മെ​ന്ന മോ​ഹം നി​ബി​നു​ണ്ടാ​യി​രു​ന്നു. ചെ​ന്നൈ​യി​ൽ ഫോ​ട്ടോ​ഗ്ര​ഫി കോ​ഴ്സ് പ​ഠി​ക്കു​ന്ന അ​നി​യ​ൻ ഷി​ബി​ന്റെ പ​ഠ​നം മു​ട​ങ്ങ​രു​തെ​ന്ന ആ​ഗ്ര​ഹ​വും വെ​ച്ചു​പു​ല​ർ​ത്തി​യി​രു​ന്നു. നി​ബി​ന്റെ​യും കു​ടും​ബ​ത്തി​ന്റെ​യും എ​ല്ലാ പ്ര​തീ​ക്ഷ​ക​ളും ആ​ളി​പ്പ​ട​ർ​ന്ന തീ​നാ​ളം നി​മി​ഷ​നേ​രം കൊ​ണ്ടാ​ണ് ചാ​ര​മാ​ക്കി​യ​ത്.

ആ​ല​ത്തൂ​ർ വാ​വു​ള്ള്യാ​പു​രം അ​മ്പ​ല​ക്കാ​ട് മൂ​ച്ചി​ത​റ വീ​ട്ടി​ൽ വേ​ലാ​യു​ധ​ൻ എ​ന്ന പൊ​ന്മ​ല​യു​ടെ മ​ക​ൻ നി​ബി​ൻ (22) ഇ​രു​ച​ക്ര​വാ​ഹ​ന​ങ്ങ​ളു​ടെ സ്പെ​യ​ർ​പാ​ർ​ട്സ് സൂ​ക്ഷി​ച്ചി​രു​ന്ന ​ഗോ​ഡൗ​ണി​ലു​ണ്ടാ​യ തീ​പി​ടി​ത്ത​ത്തി​ലാ​ണ് പൊ​ള്ള​ലേ​റ്റ് മ​രി​ച്ച​ത്. ചൊ​വ്വാ​ഴ്ച രാ​ത്രി​യാ​ണ് സം​ഭ​വം. തീ​പി​ടി​ച്ച സ​മ​യം നി​ബി​ൻ ശു​ചി​മു​റി​യി​ൽ​നി​ന്ന് വെ​ള്ള​മെ​ടു​ക്കാ​ൻ പോ​യ​താ​യി​രു​ന്നു. ഈ ​സ​മ​യം പ​ട​ർ​ന്നു​പി​ടി​ച്ച തീ​യി​ൽ അ​ക​പ്പെ​ടു​ക​യാ​യി​രു​ന്നു. ​ഗോ​ഡൗ​ണി​ലു​ണ്ടാ​യി​രു​ന്ന മ​റ്റു​ള്ള​വ​ർ ഓ​ടി​ര​ക്ഷ​പ്പെ​ട്ടു. അ​ഗ്നി​ശ​മ​ന സേ​ന നി​ബി​നെ ക​ണ്ടെ​ത്തി​യെ​ങ്കി​ലും ര​ക്ഷി​ക്കാ​നാ​യി​ല്ല.

പ്ര​ബി​ൻ, ബി​ബി​ൻ എ​ന്നി​വ​രാ​ണ് നി​ബി​ന്റെ മ​റ്റു സ​ഹോ​ദ​ര​ങ്ങ​ൾ. കൂ​ലി​പ്പ​ണി ചെ​യ്ത് ജീ​വി​ക്കു​ന്ന കു​ടും​ബ​മാ​ണ് ഇ​വ​രു​ടേ​ത്.

തൃ​ശൂ​ർ മെ​ഡി​ക്ക​ൽ കോ​ള​ജി​ലെ പോ​സ്റ്റ്മോ​ർ​ട്ട​ത്തി​ന് ശേ​ഷം ബു​ധ​നാ​ഴ്ച വൈ​കീ​ട്ട് 3.30ഓ​ടെ വീ​ട്ടി​ലെ​ത്തി​ച്ച മൃ​ത​ദേ​ഹം അ​ര​മ​ണി​ക്കൂ​ർ പൊ​തു​ദ​ർ​ശ​ന​ത്തി​ന് വെ​ച്ചു. ശേ​ഷം അ​ത്തി​പ്പൊ​റ്റ ഗാ​യ​ത്രി തീ​ര​ത്തെ പൊ​തു ശ്മ​ശാ​ന​ത്തി​ലെ​ത്തി​ച്ച് സം​സ്ക​രി​ച്ചു.