വാളയാർ സമരം; പൊമ്പിളെ ഒരുമൈ നേതാവ്​ ഗോമതിയെ ആശുപത്രി​യിലേക്ക്​ മാറ്റി

പാലക്കാട്: വാളയാര്‍ സമരപന്തലില്‍ ഒമ്പതു ദിവസമായി നിരാഹാര സമരം നടത്തുന്ന പൊമ്പിളെ ഒരുമൈ നേതാവ് ഗോമതിയുടെ ആരോഗ്യനില മോശമായതിനെ തുടര്‍ന്ന് ​ശനിയാഴ്​ച രാവിലെ പതിനൊന്നോടെ പൊലീസെത്തി ജില്ല ആശുപത്രിയിലേക്ക് മാറ്റി.

ഗോമതിയെ ഐ.സി.യുവില്‍ പ്രവേശിപ്പിച്ചിരിക്കുകയാണ്. ഡി.എച്ച്.ആര്‍.എം അധ്യക്ഷ സലീന പ്രക്കാനം അനിശ്ചിതകാല നിരാഹാരം ആരംഭിച്ചു. വാളയാർ കേസ്​ അന്വേഷണ സംഘത്തിലുണ്ടായിരുന്ന ഡിവൈ.എസ്.പി സോജന്‍, വാളയാർ എസ്.ഐയായിരുന്ന ചാക്കോ എന്നിവര്‍ക്കെതിരെ സര്‍ക്കാര്‍ നടപടി സ്വീകരിക്കണമെന്നാവശ്യപ്പെട്ടാണ് സമരം നടത്തുന്നത്.