എ​ന്ന് കൃ​ഷി​യി​റ​ക്കാ​നാ​കും? ക​ർ​ഷ​ക​ർ കാ​ത്തി​രി​പ്പി​ൽ

മു​ണ്ടൂ​ർ: എ​ന്ന് കൃ​ഷി​യി​റ​ക്കാ​നാ​കു​മെ​ന്ന​റി​യാ​തെ​യു​ള്ള കാ​ത്തി​രി​പ്പി​ലാ​ണ് മു​ണ്ടൂ​ർ ഗ്രാ​മ​പ​ഞ്ചാ​യ​ത്തി​ലെ മൂ​ത്തേ​ടം -അ​രി​മ്പ്ര പാ​ട​ശേ​ഖ​ര​ങ്ങ​ളി​ലെ ക​ർ​ഷ​ക​ർ. തോ​ടു​വ​ര​മ്പ് ത​ക​ർ​ന്ന് വെ​ള്ളം കൃ​ഷി​യി​ട​ങ്ങ​ളി​ലേ​ക്ക് വ​ഴി​മാ​റി ഒ​ഴു​കി​യ​തു​മൂ​ലം ഏ​ക​ദേ​ശം 75 ഏ​ക്ക​ർ സ്ഥ​ല​ത്തെ കൃ​ഷി​യാ​ണ് ഇ​വി​ടെ മു​​ട​ങ്ങി​കി​ട​ക്കു​ന്ന​ത്.

കൃ​ഷി​യി​ട​ങ്ങ​ൾ​ക്ക് അ​രി​കി​ലൂ​ടെ​യു​ള്ള മ​ന്ന​ത്തു​പ​റ​മ്പ്, കൊ​യ​ങ്ങാ​ട്, ആ​ല​ക്ക​ൽ, മൂ​ത്തേ​ടം എ​ന്നി​വി​ട​ങ്ങ​ളി​ലെ കൈ ​ചാ​ലു​ക​ളി​ലെ വെ​ള്ളം ഒ​ഴു​കി​പോ​കു​ന്ന തോ​ടി​ന്റെ വ​ര​മ്പ് മ​ഴ​വെ​ള്ള​പ്പാ​ച്ചി​ലി​ലാ​ണ് ത​ക​ർ​ന്ന​ത്. മ​ഴ പെ​യ്താ​ൽ വെ​ള്ളം മു​ഴു​വ​ൻ കൃ​ഷി​സ്ഥ​ല​ങ്ങ​ളി​ലേ​ക്ക് ഒ​ഴു​കി​യെ​ത്തും. വി​ത്തും വ​ള​വും ഒ​ലി​ച്ചു​പോ​കും. വി​ള​വെ​ടു​ക്കാ​ൻ പാ​ക​മാ​യാ​ലും അ​ല്ലാ​ത്ത അ​വ​സ്ഥ​യി​ലും പാ​ട​ശേ​ഖ​ര​ങ്ങ​ൾ വെ​ള്ളം ക​യ​റി കൃ​ഷി ന​ശി​ക്കു​ന്ന അ​വ​സ്ഥ​യാ​ണെ​ന്ന് ക​ർ​ഷ​ക​ർ പ​രാ​തി​പ്പെ​ടു​ന്നു. ഇ​ങ്ങ​നെ സാ​ഹ​ച​ര്യം ഉ​ള്ള​തി​നാ​ൽ ഒ​രു​ത​രം കൃ​ഷി​യും ചെ​യ്യാ​നാ​കാ​ത്ത സ്ഥി​തി​യാ​ണെ​ന്ന് ക​ർ​ഷ​ക​ർ പ​റ​യു​ന്നു.

തോ​ട് വ​ര​മ്പി​ന്റെ അ​രി​ക് കെ​ട്ടി കൃ​ഷി​യി​ടം സം​ര​ക്ഷി​ക്ക​ണ​മെ​ന്നാ​വ​ശ്യ​പ്പെ​ട്ട് ന​വ​കേ​ര​ള സ​ദ​സി​ലും മു​ണ്ടൂ​ർ പ​ഞ്ചാ​യ​ത്ത് കൃ​ഷി ഭ​വ​നി​ലും ഉ​പ​ജീ​വ​ന​മാ​ർ​ഗം മു​ട്ടി​യ ക​ർ​ഷ​ക​ർ നി​വേ​ദ​നം സ​മ​ർ​പ്പി​ച്ചി​രു​ന്നു. സ്ഥ​ലം സ​ന്ദ​ർ​ശി​ച്ച പ​ഞ്ചാ​യ​ത്ത്‌ അം​ഗം എം. ​എ​സ്. മാ​ധ​വ​ദാ​സ് പാ​ർ​ശ്വ​ഭി​ത്തി നി​ർ​മി​ച്ച് ഇ​വി​ടെ കൃ​ഷി ചെ​യ്യാ​ൻ സൗ​ക​ര്യ​മൊ​രു​ക്ക​ണ​മെ​ന്ന് ആ​വ​ശ്യ​പ്പെ​ട്ടു.