ക​മ്പാ​ല​ത്ത​റ​യി​ൽ​നി​ന്ന് മീ​ങ്ക​ര ഡാ​മി​ലേ​ക്ക് വെ​ള്ളം തു​റ​ന്നു

മു​ത​ല​മ​ട: കു​ടി​വെ​ള്ളം മു​ട്ടാ​തി​രി​ക്കാ​ൻ ക​മ്പാ​ല​ത്ത​റ​യി​ൽ​നി​ന്നും മീ​ങ്ക​ര ഡാ​മി​ലേ​ക്ക് വെ​ള്ളം തു​റ​ന്നു. മീ​ങ്ക​ര ഡാ​മി​ൽ​നി​ന്ന് ര​ണ്ടാം വി​ള നെ​ൽ കൃ​ഷി​ക്കാ​യി ക​നാ​ൽ തു​റ​ന്ന​തോ​ടെ 20.9 അ​ടി​യി​ൽ ഉ​ണ്ടാ​യി​രു​ന്ന ജ​ല​നി​ര​പ്പ് 19.5 അ​ടി​യി​ലെ​ത്തി​യ​തി​നാ​ൽ കു​ടി​വെ​ള്ള വി​ത​ര​ണം സു​ഗ​മ​മ​ല്ലാ​താ​യി.

മൂ​ല​ത്ത​റ​യി​ൽ നി​ന്നു​ള്ള ജ​ലം ക​മ്പാ​ല​ത്ത​റ ഏ​രി​യി​ലെ​ത്തു​ക​യും അ​തു​വ​ഴി​യാ​ണ് മീ​ങ്ക​ര ഡാ​മി​ലേ​ക്കു​ള്ള ക​നാ​ൽ കെ. ​ബാ​ബു എം.​എ​ൽ.​എ​യു​ടെ സാ​നി​ധ്യ​ത്തി​ൽ തു​റ​ന്ന​ത്. ര​ണ്ടാ​മ​ത്തെ വി​ള​ക്കാ​യി ഡാ​മി​ലെ വെ​ള്ളം തു​റ​ക്കു​മ്പോ​ൾ ഡാ​മി​ലെ ജ​ല​നി​ര​പ്പ് താ​ഴ്ന്ന​തി​നാ​ൽ ക​ല​ങ്ങി​മ​റി​ഞ്ഞാ​ണ് ശു​ദ്ധ​ജ​ല വി​ത​ര​ണ​മു​ണ്ടാ​യ​ത്. മു​ത​ല​മ​ട, കൊ​ല്ല​ങ്കോ​ട്, എ​ല​വ​ഞ്ചേ​രി പ​ഞ്ചാ​യ​ത്തു​ക​ളി​ലെ 75,000 കു​ടും​ബ​ങ്ങ​ൾ മീ​ങ്ക​ര ശു​ദ്ധ​ജ​ല​മാ​ണ് ആ​ശ്ര​യി​ക്കു​ന്ന​ത്.

മീ​ങ്ക​ര​യി​ൽ നി​ല​വി​ലു​ണ്ടാ​യി​രു​ന്ന വെ​ള്ള​ത്തി​ന്റെ സ്ഥി​തി 28 അ​ടി​യി​ലെ​ങ്കി​ലും എ​ത്തി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. വേ​ന​ലി​നെ അ​തി​ജീ വി​ക്ക​ണ​മെ​ങ്കി​ൽ നി​ല​വി​ലു​ള്ള കു​ടി​വെ​ള്ള​ത്തെ പാ​ഴാ​ക്കാ​തി​രി​ക്കാ​ൻ എ​ല്ലാ​വ​രും ശ്ര​ദ്ധി​ക്ക​ണ​മെ​ന്ന് കെ. ​ബാ​ബു എം.​എ​ൽ.​എ ആ​വ​ശ്യ​പ്പെ​ട്ടു.

75,000 കു​ടി​വെ​ള്ള ക​ണ​ക്ഷ​നു​ക​ളു​ള്ള മൂ​ന്ന് പ​ഞ്ചാ​യ​ത്തി​ലു​ള്ള​വ​രു​ടെ കു​ടി​വെ​ള്ളം മു​ട്ടി​ക്കാ​തി​രി​ക്കാ​ൻ പി.​എ.​പി ക​രാ​റി​ലൂ​ടെ കൂ​ടു​ത​ൽ ജ​ലം വി​ട്ടു​ന​ൽ​കാ​ൻ ജ​ന​പ്ര​തി​നി​ധി​ക​ൾ ത​മി​ഴ്നാ​ടി​നോ​ട് ആ​വ​ശ്യ​പ്പെ​ട​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.