ഞാ​വ​ളി​ൻ​ക​ട​വ് മേ​ൽ​പാ​ലം എ​ന്ന് വ​രും?

പ​ത്തി​രി​പ്പാ​ല: ഒ​റ്റ​പ്പാ​ലം, ആ​ല​ത്തൂ​ർ താ​ലൂ​ക്കു​ക​ളെ ബ​ന്ധി​പ്പി​ക്കു​ന്ന അ​തി​ർ​കാ​ട് ഞാ​വ​ളി​ൻ​ക​ട​വിൽ ഭാരതപ്പുഴക്ക് കുറുകെ മേ​ൽ​പാ​ലം നിർമിക്കാനുള്ള ന​ട​പ​ടി​ക​ൾ എ​ങ്ങു​മെ​ത്തി​യി​ല്ല. 15 വ​ർ​ഷം മു​മ്പ് തു​ക വ​ക​യി​രു​ത്തി പ്രാ​ഥ​മി​ക ന​ട​പ​ടി​ക​ൾ ആ​രം​ഭി​ച്ചി​രു​ന്നെ​ങ്കി​ലും പാ​ലം നി​ർ​മാ​ണ​ത്തി​നു​വേ​ണ്ട ന​ട​പ​ടി​ക​ളൊ​ന്നും ആ​യി​ട്ടി​ല്ല. ആ​ദ്യ​ഘ​ട്ട​ത്തി​ൽ കൃ​ഷി​സ്ഥ​ലം വി​ട്ടു​ന​ൽ​കു​ന്ന​തു​മാ​യി ബ​ന്ധ​പ്പെ​ട്ട് ത​ർ​ക്കം നി​ല​നി​ൽ​ക്കു​ക​യും കേ​സ് കോ​ട​തി വ​രെ​യെ​ത്തു​ക​യും ചെ​യ്തു. എ​ന്നാ​ൽ, പി​ന്നീ​ട് അ​ധി​കാ​രി​ക​ൾ ക​ർ​ഷ​ക​രു​മാ​യി ന​ട​ത്തി​യ ച​ർ​ച്ച​യി​ൽ പ്ര​ശ്നം തീ​രു​ക​യും ചെ​യ്തു. ഇ​തേ തു​ട​ർ​ന്ന് കൃ​ഷി​സ്ഥ​ലം സ​ർ​വേ ന​ട​ത്ത​ലും മ​ണ്ണ് പ​രി​ശോ​ധ​ന​യും ന​ട​ന്ന​ത​ല്ലാ​തെ മ​റ്റു ന​ട​പ​ടി​ക​ളൊ​ന്നും ഉ​ണ്ടാ​യി​ല്ല.

കോ​ങ്ങാ​ട്, കേ​ര​ള​ശേ​രി അ​മ്പ​ല​പാ​റ, മ​ണ്ണൂ​ർ, ല​ക്കി​ടി പേ​രൂ​ർ, പ​ത്തി​രി​പ്പാ​ല പ്ര​ദേ​ശ​ങ്ങ​ളി​ലെ യാ​ത്ര​ക്കാ​ർ​ക്ക് പെ​രു​ങ്ങോ​ട്ടു​കു​ർ​ശി, കോ​ട്ടാ​യി, കു​ഴ​ൽ​മ​ന്ദം എ​ന്നി​വി​ട​ങ്ങ​ളി​ലേ​ക്ക് എ​ത്താ​നു​ള്ള എ​ളു​പ്പ​വ​ഴി​യാ​ണ്. നി​ര​വ​ധി ക​ച്ച​വ​ട​ക്കാ​രും വി​ദ്യാ​ർ​ഥി​ക​ളും ഇ​പ്പോ​ഴും ഈ ​വ​ഴി​ന​ട​ന്നു​വ​രു​ന്നു​ണ്ട്. പ​ത്തി​രി​പ്പാ​ല ടൗ​ണി​ൽ​നി​ന്ന് മൂ​ന്ന് കി​ലോ​മീ​റ്റ​ർ ന​ട​ന്നാ​ൽ പെ​രു​ങ്ങോ​ട്ടു​കു​ർ​ശി​യി​ലെ​ത്താം. ഇ​രു​ച​ക്ര വാ​ഹ​ന​ങ്ങ​ളി​ലാ​ണ​ങ്കി​ൽ അ​ഞ്ച് മി​നി​റ്റ് മ​തി. നി​ല​വി​ൽ ഇ​രു​ച​ക്ര​വാ​ഹ​ന​ങ്ങ​ൾ മാ​ത്രം ക​ഷ്ടി​ച്ചാ​ണ് മ​റു​ഭാ​ഗം ക​ട​ക്കു​ന്ന​ത്.

പു​ഴ​ക്ക് കു​റു​കെ​യു​ള്ള ന​ട​പ്പാ​ത​യി​ലൂ​ടെ സാ​ഹ​സി​ക​മാ​യി വേ​ണം പെ​രു​ങ്ങോ​ട്ടു​കു​ർ​ശി​യി​ലെ​ത്താ​ൻ. പു​ഴ​യി​ൽ വെ​ള്ളം കൂ​ടി​യാ​ൽ പി​ന്നെ ആ​ർ​ക്കും യാ​ത്ര ചെ​യ്യാ​നാ​കാ​ത്ത അ​വ​സ്ഥ​യാ​ണ്. ഇ​തേ തു​ട​ർ​ന്ന് 15 കി​ലോ​മീ​റ്റ​ർ ചു​റ്റി വ​രേ​ണ്ട അ​വ​സ്ഥ​യാ​ണ്. പു​ഴ​ക്ക് മു​ക​ളി​ലൂ​ടെ മേ​ൽ​പാ​ലം വേ​ണ​മെ​ന്ന​ത് ജ​ന​ങ്ങ​ളു​ടെ കാ​ല​ങ്ങ​ളാ​യു​ള്ള ആ​വ​ശ്യ​ങ്ങ​ളി​ലൊ​ന്നാ​ണ്. പു​ഴ​ക്ക് മ​റു​വ​ശ​ത്തു​ള്ള​വ​ർ പു​ഴ ക​ട​ന്നി​ട്ടാ​ണ് മൃ​ത​ദേ​ഹം പ​ള്ളി​യി​ൽ എ​ത്തി​ച്ച് സം​സ്ക​രി​ക്കു​ന്ന​ത്.

മേ​ൽ​പാ​ല​വു​മാ​യി ബ​ന്ധ​പ്പെ​ട്ട് എം.​എ​ൽ.​എ ഇ​ക്കാ​ര്യം നി​യ​മ​സ​ഭ​യി​ൽ ഉ​ന്ന​യി​ച്ചി​രു​ന്നെ​ങ്കി​ലും വ്യ​ക്ത​മാ​യ ഉ​റ​പ്പു​ക​ളൊ​ന്നും ല​ഭി​ച്ചി​ട്ടി​ല്ല. 15 വ​ർ​ഷ​ത്തോ​ള​മാ​യി പാ​ല​ത്തി​ന് വേ​ണ്ടി കാ​ത്തി​രി​പ്പ് തു​ട​രു​ക​യാ​ണ്. ഒ​റ്റ​പ്പാ​ലം എം.​എ​ൽ.​എ ഇ​ട​പെ​ട്ട് ന​ട​പ​ടി​ക​ൾ വേ​ഗ​ത്തി​ലാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.