ചേറാട് ജനവാസ മേഖലയിൽ കാട്ടാനക്കൂട്ടം മതിൽ തകർത്തു

അ​ക​ത്തേ​ത്ത​റ: അ​ർ​ധ​രാ​ത്രി കാ​ടി​റ​ങ്ങി ജ​ന​വാ​സ മേ​ഖ​ല​യി​ലെ​ത്തി​യ കാ​ട്ടാ​ന​ക്കൂ​ട്ടം മ​തി​ൽ ത​ക​ർ​ക്കു​ക​യും കാ​ർ​ഷി​ക വി​ള​ക​ൾ ന​ശി​പ്പി​ക്കു​ക​യും ചെ​യ്തു. അ​ക​ത്തേ​ത്ത​റ ചേ​റാ​ട് ജോ​ൺ മാ​ത്യു​വി​ന്റെ പ​റ​മ്പി​ന്റെ മ​തി​ൽ ത​ക​ർ​ത്താ​ണ് കൊ​മ്പ​ൻ അ​ട​ക്ക​മു​ള്ള മൂ​ന്ന് ആ​ന​ക​ൾ എ​ത്തി​യ​ത്. ബു​ധ​നാ​ഴ്ച പു​ല​ർ​ച്ചെ ഒ​ന്നോ​ടെ​യാ​ണ് സം​ഭ​വം.

വീ​ട്ടു​കാ​ർ അ​റി​യി​ച്ച​തി​നെ തു​ട​ർ​ന്ന് എ​ത്തി​യ ദ്രു​ത​പ്ര​തി​ക​ര​ണ സേ​ന പ​ട​ക്കം പൊ​ട്ടി​ച്ച് എ​റി​ഞ്ഞാ​ണ് ആ​ന​ക​ളെ തു​ര​ത്തി​യ​ത്. പ​ട​ക്കം പ​റ​മ്പി​ലെ ഉ​ണ​ങ്ങി​യ പു​ല്ലി​ൽ വീ​ണ് തീ ​പ​ട​ർ​ന്നു. വ​ന​പാ​ല​ക​ർ എ​ത്തി മ​ര​ക്കൊ​മ്പു​ക​ൾ ഉ​പ​യോ​ഗി​ച്ച് അ​ടി​ച്ച് തീ ​അ​ണ​ച്ചു. ക​ഴി​ഞ്ഞ ദി​വ​സം തൊ​ട്ട​ടു​ത്ത പ​റ​മ്പി​ലെ മൂ​പ്പെ​ത്തി​യ വാ​ഴ​ക​ളും മ​റ്റ് വി​ള​ക​ളും കാ​ട്ടാ​ന ന​ശി​പ്പി​ച്ചി​രു​ന്നു. ഒ​രാ​ഴ്ച​യാ​യി ചേ​റാ​ടും പ​രി​സ​ര​ങ്ങ​ളി​ലും രാ​ത്രി​ക​ളി​ൽ കാ​ട്ടാ​ന​ക​ൾ എ​ത്താ​റു​ണ്ട്.

വ​ന​പാ​ല​ക​രും നാ​ട്ടു​കാ​രും ചേ​ർ​ന്ന് തു​ര​ത്തി​യാ​ലും തൊ​ട്ട​ടു​ത്ത ദി​വ​സം വീ​ണ്ടും എ​ത്തി നാ​ശം ഉ​ണ്ടാ​ക്കു​ന്നു. ധോ​ണി എ​ന്ന പി.​ടി-​ഏ​ഴി​നെ കൂ​ട്ടി​ലാ​ക്കി​യി​ട്ടും കാ​ട്ടാ​ന​ക്കൂ​ട്ടം ജ​ന​വാ​സ മേ​ഖ​ല​യി​ൽ വി​ല​സു​ന്ന​ത് നാ​ട്ടു​കാ​രു​ടെ ഉ​റ​ക്കം കെ​ടു​ത്തു​ക​യാ​ണ്. മി​ക്ക പ​റ​മ്പു​ക​ളി​ലും പു​ൽ​ച്ചെ​ടി​ക​ൾ ഉ​ണ​ങ്ങി​യ​തി​നാ​ൽ കാ​ട്ടാ​ന​ക​ളെ വി​ര​ട്ടാ​ൻ പ​ട​ക്കം എ​റി​ഞ്ഞാ​ൽ തീ ​പ​ട​രാ​നും സാ​ധ്യ​ത​യു​ണ്ട്.