കാ​ട്ടാ​ന ഭീ​തി​യൊ​ഴി​യാ​തെ മ​ല​യോ​ര മേ​ഖ​ല

നെ​ന്മാ​റ: അ​യി​ലൂ​ർ പ​ഞ്ചാ​യ​ത്തി​ലെ മ​ല​യോ​ര മേ​ഖ​ല​ക​ളാ​യ ച​ള്ള, പൂ​ഞ്ചേ​രി, ഓ​വു​പാ​റ, മ​ണ​ലൂ​ർ​ച്ച​ള്ള പ്ര​ദേ​ശ​ങ്ങ​ളി​ൽ രാ​ത്രി​യും പ​ക​ലും കാ​ട്ടാ​ന​ക്കൂ​ട്ടം വി​ല​സു​ന്നു. കൃ​ഷി​യി​ട​ങ്ങ​ളി​ലും വീ​ടു​ക​ൾ​ക്ക് സ​മീ​പ​വും വ​രു​ന്ന​ത് ജ​ന​ജീ​വി​ത​ത്തി​ന് ഭീ​ഷ​ണി​യാ​യി മാ​റി​യി​ട്ടു​ണ്ട്. വ്യാ​ഴാ​ഴ്ച വൈ​കീ​ട്ട് ഓ​വു​പാ​റ ഭാ​ഗ​ത്ത് സൗ​രോ​ർ​ജ വേ​ലി ത​ക​ർ​ത്ത് എ​ത്തി​യ കാ​ട്ടാ​ന​ക്കൂ​ട്ടം ഒ​ച്ച​വെ​ച്ചും കൃ​ഷി​യി​ട​ങ്ങ​ളി​ൽ ഇ​റ​ങ്ങി​യും പ്ര​ദേ​ശ​വാ​സി​ക​ളെ ഭീ​തി​യി​ലാ​ക്കി​യി​രു​ന്നു. വെ​ള്ളി​യാ​ഴ്ച രാ​വി​ലെ ഓ​വു​പാ​റ ഭാ​ഗ​ത്ത് കൃ​ഷി​യി​ട​ത്തി​ൽ കാ​ട്ടാ​ന എ​ത്തി​യ​തോ​ടെ പ്ര​ദേ​ശ​വാ​സി​ക​ൾ വ​നം വാ​ച്ച​ർ​മാ​രെ അ​റി​യി​ക്കു​ക​യും രാ​വി​ലെ ഒ​മ്പ​ത് മു​ത​ൽ പ​ട​ക്കം ഉ​പ​യോ​ഗി​ച്ച് കാ​ട്ടാ​ന​ക്കൂ​ട്ട​ത്തെ വ​ന​മേ​ഖ​ല​യി​ലേ​ക്ക് ക​യ​റ്റി​വി​ടാ​ൻ ശ്ര​മി​ക്കു​ക​യും ചെ​യ്തു.

കു​ട്ടി​യാ​ന ഉ​ൾ​പ്പെ​ടെ അ​ഞ്ചം​ഗ കാ​ട്ടാ​ന​സം​ഘം ര​ണ്ടു ഭാ​ഗ​ങ്ങ​ളി​ലേ​ക്കാ​യി പി​രി​ഞ്ഞാ​ണ് വ​ന​മേ​ഖ​ല​യി​ലേ​ക്ക് ക​യ​റി​യ​ത്. പൂ​ഞ്ചേ​രി​യി​ലു​ള്ള തേ​ക്ക് പ്ലാ​ന്റേ​ഷ​ന് സ​മീ​പം പ​ണി​യി​ലേ​ർ​പ്പെ​ട്ടി​രു​ന്ന തൊ​ഴി​ലു​റ​പ്പ് തൊ​ഴി​ലാ​ളി​ക​ൾ​ക്ക് സ​മീ​പം ഉ​ച്ച​ക്ക് ര​ണ്ടു മ​ണി​യോ​ടെ കാ​ട്ടാ​ന​ക​ൾ വീ​ണ്ടും പ്ര​ത്യ​ക്ഷ​പ്പെ​ട്ട​ത് നാ​ട്ടു​കാ​രെ ആ​ശ​ങ്ക​യി​ലാ​ക്കി. പ്ര​ദേ​ശ​വാ​സി​ക​ളും തൊ​ഴി​ലാ​ളി​ക​ളും ശ​ബ്ദ​മു​ണ്ടാ​ക്കി​യ​പ്പോ​ൾ കാ​ട്ടി​നു​ള്ളി​ലേ​ക്ക് ക​യ​റി​പ്പോ​യ​താ​യി വ​നം വാ​ച്ച​ർ​മാ​ർ പ​റ​ഞ്ഞു.

ക​ഴി​ഞ്ഞ​യാ​ഴ്ച ക​ൽ​ച്ചാ​ടി, നി​ര​ങ്ങ​മ്പാ​റ പ്ര​ദേ​ശ​ങ്ങ​ളി​ലെ കൃ​ഷി​യി​ട​ങ്ങ​ളി​ൽ ഇ​റ​ങ്ങി​യ കാ​ട്ടാ​ന​ക്കൂ​ട്ടം ത​ന്നെ​യാ​ണ് മൂ​ന്ന് കി​ലോ​മീ​റ്റ​ർ അ​പ്പു​റ​ത്ത് വീ​ണ്ടും എ​ത്തി​യ​തെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു. ക​ഴി​ഞ്ഞ​വ​ർ​ഷ​വും കാ​ട്ടാ​ന​ക്കൂ​ട്ടം വേ​ന​ൽ​ക്കാ​ല​മാ​യ​തോ​ടെ മ​രു​ത​ഞ്ചേ​രി ഉ​ൾ​പ്പെ​ടെ ജ​ന​വാ​സ മേ​ഖ​ല​യി​ൽ തു​ട​ർ​ച്ച​യാ​യി രാ​ത്രി​യി​ൽ എ​ത്തി​യ​ത് ഏ​റെ കൃ​ഷി​നാ​ശ​ത്തി​ന് വ​ഴി​വെ​ച്ചി​രു​ന്നു. കൊ​യ്ത്താ​വാ​റാ​യ നെ​ൽ​പ്പാ​ട​ങ്ങ​ളി​ലേ​ക്ക് കാ​ട്ടാ​ന​ക​ൾ ഇ​റ​ങ്ങു​ന്ന​ത് ത​ട​യാ​ൻ ആ​ർ.​ആ​ർ.​ടി. സം​ഘ​ത്തെ​യോ സ്ഥി​ര​മാ​യി വാ​ച്ച​ർ​മാ​രെ​യോ പ്ര​ദേ​ശ​ത്ത് നി​യോ​ഗി​ക്ക​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.