വാഹനങ്ങളിൽനിന്ന് ബാറ്ററി മോഷ്​ടിച്ച് വിൽക്കുന്ന യുവാക്കൾ പിടിയിൽ

വാളയാർ: നിർത്തിയിട്ട വാഹനങ്ങളിൽനിന്ന് ബാറ്ററി മോഷ്​ടിച്ച് വിൽപന നടത്തുന്ന രണ്ടുപേർ പിടിയിൽ. വിത്തനശേരി സ്വദേശികളായ അജീഷ് (22) രമേശ് (33) എന്നിവരെയാണ് കസബ പൊലീസ് പിടികൂടിയത്.

നെന്മാറയിൽനിന്ന് മോഷ്​ടിച്ച ബാറ്ററികളുമായി കഞ്ചിക്കോട് പോകുന്ന വഴി വാഹന പരിശോധനക്കിടെയാണ് പിടികൂടിയത്.

രാത്രിയിൽ നിർത്തിയിടുന്ന ലോറികളിൽനിന്ന് ബാറ്ററികൾ മോഷ്​ടിച്ച് വഴിയോര കച്ചവടക്കാർക്ക് കുറഞ്ഞ വിലയ്ക്ക് വിൽപന നടത്തുകയാണ് പതിവെന്ന് പൊലീസ് പറഞ്ഞു.

കസബ എസ്.ഐ വിബിൻ കെ. വേണുഗോപാൽ, ജൂനിയർ എസ്.ഐ ഷാഹുൽ, എസ്.ഐ സദാശിവൻ, സി.പി.ഒമാരായ കൃഷ്ണപ്രസാദ്, രാജൻ, മണികണ്ഠൻ, സേവ്യർ, സെൽവരാജ് എന്നിവരാണ് പ്രതികളെ പിടികൂടിയത്.