പൊലീസുകാരന് മർദനം; രണ്ടുപേർ അറസ്റ്റിൽ

വടശ്ശേരിക്കര: ജോലി കഴിഞ്ഞ്​ വീട്ടിലേക്ക്​ മടങ്ങുകയായിരുന്ന പെരുനാട് പൊലീസ് സ്റ്റേഷനിലെ സീനിയർ സിവിൽ പൊലീസ്​ ഓഫിസർ അനിൽ കുമാറിന്​​ തടിലോറിയുടെ ജീവനക്കാരിൽനിന്ന്​ മർദനമേറ്റു. സംഭവത്തിൽ അത്തിക്കയം സ്വദേശി അലക്‌സ്, സചിൻ എന്നിവരെ അറസ്റ്റ് ചെയ്തു. വെള്ളിയാഴ്ച രാത്രി മാമ്പാറക്കു സമീപം റോഡ് തടഞ്ഞ് തടിലോറി നിർത്തിയത് ചോദ്യം ചെയ്തതിനെത്തുടർന്നാണ് മർദനമെന്ന് പൊലീസ് പറഞ്ഞു. പരിക്കേറ്റ പൊലീസുകാരനെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പ്രതികളെ അറസ്റ്റ് ചെയ്യാൻ വന്ന പെരുനാട് സി.ഐക്ക് നേരെയും കൈയേറ്റം ഉണ്ടായതായി പറയുന്നു. -- പടം: അറസ്റ്റിലായ അലക്‌സ്, സചിൻ