എഴുമറ്റൂർ ആശുപത്രിയുടെ പണി വേഗത്തിലാക്കണമെന്ന്

മല്ലപ്പള്ളി: എഴുമറ്റൂർ സാമൂഹികാരോഗ്യ കേന്ദ്രത്തിന്‍റെ പുനർനിർമാണം വേഗത്തിലാക്കമെന്ന് ആക്ഷൻ കൗൺസിൽ ആവശ്യപ്പെട്ടു. കാലതാമസം ഒഴിവാക്കാൻ പഞ്ചായത്ത് അംഗങ്ങളെയും എച്ച്.എം.സി അംഗങ്ങളെയും ഉൾപ്പെടുത്തി പുതിയ കെട്ടിടത്തിന്‍റെ നിർമാണം സംബന്ധിച്ച് വിദഗ്ധ സമിതി രൂപവത്​കരിക്കാനും യോഗം തീരുമാനിച്ചു. പഞ്ചായത്തംഗം സുഗതകുമാരി ഉദ്ഘാടനം ചെയ്തു. ജോർജ് വർഗീസ്, ചന്ദ്രമോഹൻ പിള്ള, പ്രിൻസ് ജോർജ്​, ലസിക എസ്. നായർ, സുരേഷ് നവദീപ്, പ്രദീപ്, ശ്രീകുമാർ എന്നിവർ സംസാരിച്ചു. സുഗതകുമാരിയെ കൺവീനറായി തെരഞ്ഞെടുത്തു. ---- അവധിക്കാല പഠന ക്യാമ്പ് മല്ലപ്പള്ളി: പുറമറ്റം ഗവ. വൊക്കേഷനൽ ഹയർ സെക്കൻഡറി സ്കൂളിൽ 25, 26 തീയതികളിൽ രാവിലെ ഒമ്പതു മുതൽ വൈകീട്ട് നാലു വരെ വിദ്യാർഥികൾക്കായി അവധിക്കാല പഠന ക്യാമ്പ് നടക്കും. കോവിഡാനന്തരം വിദ്യാർഥികളിലുണ്ടായ പഠനവിടവ്, അനുബന്ധ പ്രശ്നങ്ങൾ എന്നിവ കണ്ടെത്തി പരിഹരിക്കും. ഹൈസ്കൂൾ- വി.എച്ച്.എസ്.സി വിദ്യാർഥികൾക്കായി കരിയർ ഗൈഡൻസ് ക്ലാസുമുണ്ടാകും. മറ്റ് സ്കൂളുകളിലെ വിദ്യാർഥികൾക്കും ക്യാമ്പിൽ പങ്കെടുക്കാം.