പൊതുവഴി വൃത്തിയാക്കിയവരെ ആക്രമിച്ചതായി പരാതി

വടശ്ശേരിക്കര: മാടത്തുംപടി ആറ്റുകോട്ടൂർ കടവ് റോഡ് വൃത്തിയാക്കാൻചെന്ന വാർഡ് അംഗത്തെയും പൗരസമിതി അംഗങ്ങളെയും സമീപവാസി ആക്രമിച്ചതായാണ് പരാതി. മഴക്കാലപൂർവ ശുചീകരണം നടത്തുന്നതിനിടെ പ്രദേശവാസിയായ മധുസൂദനൻ, ഭാര്യ മണി എന്നിവർ ശുചീകരണം തടഞ്ഞ്​ ആക്രമിച്ചെന്നാണ്​ പരാതി. മർദനമേറ്റ ബിന്ദു ഷാജി, തോമസ് എന്നിവർ റാന്നി താലൂക്ക് ആശുപത്രിയിൽ ചികിത്സ തേടി പെരുനാട് പൊലീസിൽ പരാതി നൽകി. നിലവിലുള്ള റോഡും കുളിക്കടവും പ്രദേശത്തെ നൂറിലധികം കുടുംബങ്ങൾ ആശ്രയിക്കുന്നതും പഞ്ചായത്തിന്‍റേതുമാണ്​. റോഡിനോട്​ ചേർന്ന വസ്തുവുമായി ഇവർക്ക്​ ഒരു ബന്ധവും ഇല്ലെന്ന്​ വാർഡ് അംഗം അരുൺ അനിരുദ്ധൻ പറഞ്ഞു.