സാംബവ മഹാസഭ യൂനിയൻ സമ്മേളനം പൂങ്കാവിൽ

കോന്നി: സാംബവ മഹാസഭ സംസ്ഥാന സമ്മേളനത്തിന് മുന്നോടിയായുള്ള കോന്നി താലൂക്ക് യൂനിയൻ വാർഷിക സമ്മേളനം 27, 28, 29 തീയതികളിൽ പൂങ്കാവിൽ നടക്കും. 27ന് വിദ്യാർഥി സംഗമം കോന്നി പൊലീസ് സബ് ഇൻസ്‌പെക്ടർ ജി. അരുൺ ഉദ്​ഘാടനം ചെയ്യും. തുടർന്ന് വനിത സംഗമം കോന്നി ബ്ലോക്ക് പഞ്ചായത്ത് പ്രസിഡന്‍റ്​ ജിജി സജി ഉദ്​ഘാടനം ചെയ്യും. 28ന് സാംസ്കാരിക സമ്മേളനം കരകൗശല വികസന കോർപറേഷൻ ചെയർമാൻ പി. രാമഭദ്രൻ ഉദ്​ഘാടനം ചെയ്യും. അഡ്വ കെ.യു. ജനീഷ് കുമാർ എം.എൽ.എ മുഖ്യ പ്രഭാഷണം നടത്തും. 29ന് പ്രതിനിധി സമ്മേളനം സാംബവ മഹാസഭ സംസ്ഥാന ജനറൽ സെക്രട്ടറി രാമചന്ദ്രൻ മുല്ലശ്ശേരി ഉദ്​ഘാടനം ചെയ്യും. സമാപന സമ്മേളനം ആന്‍റോ ആന്‍റണി എം.പി ഉദ്​ഘാടനം ചെയ്യും. സ്വാഗതസംഘം ചെയർമാൻ സതീഷ് മല്ലശ്ശേരി, കൺവീനർ ഡി. മനോജ്‌കുമാർ, യൂനിയൻ പ്രസിഡന്‍റ്​ സി.കെ. ലാലു, യൂനിയൻ സെക്രട്ടറി സുനിൽ അട്ടച്ചാക്കൽ തുടങ്ങിയവർ വാർത്തസമ്മേളനത്തിൽ പങ്കെടുത്തു.