നിരണത്ത്​ അവിശ്വാസം പരാജയപ്പെട്ടു

തിരുവല്ല: നിരണം പഞ്ചായത്ത് പ്രസിഡന്‍റ്​ കെ.പി. പുന്നൂസിനെതിരെ പ്രതിപക്ഷമായ എൽ.ഡി.എഫ് കൊണ്ടുവന്ന അവിശ്വാസം അഞ്ചിനെതിരെ ഏഴ് വോട്ടിന്​ പരാജയപ്പെട്ടു. പഞ്ചായത്ത് കോൺഫറൻസ് ഹാളിൽ വെള്ളിയാഴ്ച രാവിലെ 10ന്​ നടന്ന വോട്ടിങ്ങിൽ രണ്ട് സ്വതന്ത്രരുടെ പിന്തുണയോടെ ഭരണകക്ഷിയായ യു.ഡി.എഫിന് ഏഴ് വോട്ട്​ ലഭിച്ചു. എൻ.ഡി.എ സ്വതന്ത്രൻ വോട്ടിങ്ങിൽനിന്നു വിട്ടുനിന്നു. സ്വതന്ത്രരുടെ പിന്തുണയിൽ ഭരണം പിടിക്കാം എന്നതായിരുന്നു എൽ.ഡി.എഫിന്‍റെ കണക്കുകൂട്ടൽ.