പഠനം മുടങ്ങിയ കുട്ടികളെ കണ്ടെത്തും

റാന്നി: സ്കൂൾ തുറന്നിട്ടും ക്ലാസിൽ എത്താത്ത കുട്ടികളെത്തേടി റാന്നി ബി.ആർ.സി ടീം വനമേഖലയിലെത്തി. റാന്നി ബി.പി.സി ഷാജി എ. സലാമി‍ൻെറ നേതൃത്വത്തിൽ ക്ലസ്റ്റർ കോഓഡിനേറ്റർമാരാണ്​ വനമേഖലയിൽ എത്തിയത്​. പഠനം പാതിവഴിയിൽ മുടങ്ങിയ കുട്ടികളെ കണ്ടെത്തി സമഗ്രശിക്ഷ കേരള റാന്നി പെരുനാട് ആരംഭിച്ച റെസിഡൻഷ്യൽ ഹോസ്റ്റലിൽ എത്തിച്ച് പഠിപ്പിക്കുകയാണ് ലക്ഷ്യം. ശബരിമല വാർഡിലെ മഞ്ഞത്തോട്, പ്ലാച്ചേരി ഭാഗങ്ങളിലാണ് അന്വേഷണം നടത്തിയത്. ഹോസ്റ്റലി‍ൻെറ ചുമതലയുള്ള കോഓഡിനേറ്റർ ദിവ്യശ്രീ.എസ്, ഹോസ്റ്റൽ വാർഡൻ ബിബിൻമോൻ, മഹിള സമഖ്യ സേവിക രജനി എന്നിവരും ഒപ്പമുണ്ടായിരുന്നു. ----- Ptl rni_2 brc ചിത്രം റാന്നി ബി.പി.സി ഷാജി എ. സലാമി‍ൻെറ നേതൃത്വത്തിൽ ശബരിമല വനമേഖലയിലെ മഞ്ഞത്തോട്, പ്ലാച്ചേരി ഭാഗങ്ങളിൽ പഠനം മുടങ്ങിയ കുട്ടികളെത്തേടി​ എത്തിയപ്പോൾ