കാപ്പ ഉത്തരവ് ലംഘിച്ച ഗുണ്ട അറസ്റ്റിൽ

അടൂർ: കാപ്പ ചുമത്തി നാടുകടത്തിയെങ്കിലും വിലക്ക്​ ലംഘിച്ച്​ ജില്ലയിൽ പ്രവേശിച്ച പെരിങ്ങനാട് നെല്ലിമുകൾ മുകളുവിള വടക്കേതിൽ ജയകുമാറിനെ (45) അടൂർ പൊലീസ് അറസ്റ്റ്​ ചെയ്തു​. നിരവധി ക്രിമിനൽ കേസുകളിൽ പ്രതിയായ ഇയാളെ കഴിഞ്ഞമാസമാണ് കാപ്പ ചുമത്തി നാടുകടത്തിയത്​. രണ്ടുദിവസം മുമ്പ്​ ജില്ലയിൽ അതിക്രമിച്ചുകയറിയ ഇയാൾ ഭീഷണിപ്പെടുത്തിയതായി പരാതി ലഭിച്ചിരുന്നു. ഓടി രക്ഷപ്പെടാൻ ശ്രമിച്ച ഇയാളെ പൊലീസ് പിന്തുടർന്നാണ്​ പിടികൂടിയത്​. കോടതിയിൽ ഹാജരാക്കി റിമാൻഡ് ചെയ്തു. കാപ്പ നിയമപ്രകാരം ഒരുമാസത്തിനുള്ളിൽ അടൂർ പൊലീസ് സ്റ്റേഷൻ പരിധിയിൽ മൂന്ന് ഗുണ്ടകൾക്കെതിരെ നടപടി സ്വീകരിച്ചതായി പൊലീസ് പറഞ്ഞു. ---------------