കോമളം പാലം: ധർണ നടത്തി

മല്ലപ്പള്ളി: തകർന്ന് ഏഴു മാസം കഴിഞ്ഞിട്ടും കോമളം പാലം പുനഃസ്ഥാപിക്കാൻ നടപടി സ്വീകരിക്കാത്തതിലും ഗതാഗത പ്രശ്നങ്ങളിലും പ്രതിഷേധിച്ച് ജനകീയ സമിതി നേതൃത്വത്തിൽ കല്ലൂപ്പാറ പഞ്ചായത്ത് ഓഫിസ്​ പടിക്കൽ ധർണ നടത്തി. ഡോ.മാത്യൂ മാരേട്ട് ഉദ്ഘാടനം ചെയ്തു. ജനകീയ സമിതി പ്രസിഡന്റ് മോൻസൺ കുരുവിള അധ്യക്ഷത വഹിച്ചു. മല്ലപ്പള്ളി പഞ്ചായത്തംഗം പ്രകാശ് വടക്കേ മുറി, കല്ലൂപ്പാറ പഞ്ചായത്തംഗം ടി.ടി. മനു, ടി.കെ. ഉണ്ണികൃഷ്ണൻ, ടി. ഒ. എ​ബ്രഹാം, ജോസ് ഫിലിപ്പ്, വി.എം.ജി പണിക്കർ, പത്മകുമാർ പള്ളത്ത്, ഹരികുമാർ വാഴയിൽ എന്നിവർ സംസാരിച്ചു.