ജില്ലയിൽ കോവിഡ്​ ബാധിതർ പെരുകുന്നു; കലക്ടർക്ക്​ കോവിഡ്​

പത്തനംതിട്ട: ജില്ലയിൽ വീണ്ടും ​കോവിഡ്​ ബാധ പെരുകുന്നു. ശനിയാഴ്ച ജില്ലയിൽ കോവിഡ്​ ബാധിതരുടെ എണ്ണം 105 ആയി ഉയർന്നിരുന്നു. കോവിഡ്​ സ്ഥിരീകരിച്ചതോടെ കലക്ടർ ദിവ്യ എസ്​.അയ്യർക്ക്​ ക്വാറന്‍റീനിൽപോയി. ആരോഗ്യമന്ത്രി വീണ ജോർജിന്​ പനിബാധയുണ്ടെന്ന്​ അവരുടെ ഓഫിസ്​ വൃത്തങ്ങൾ അറിയിച്ചു. മന്ത്രി തിങ്കളാഴ്ച കോവിഡ്​ പരിശോധന നടത്തും. മന്ത്രിയും ക്വാറന്‍റീനിലാണ്​. ഞായറാഴ്ച ജില്ലയിൽ 65പേർക്ക്​ രോഗം സ്ഥിരീകരിച്ചു. പത്തനംതിട്ട ജനറൽ ആശുപത്രിയിൽ ചില ജീവനക്കാർക്കും രോഗബാധയുണ്ട്​. സംസ്ഥാനത്ത് 10 ദിവസത്തിനിടെ കോവിഡ് രോഗികളുടെ എണ്ണം ഇരട്ടിയായിട്ടുണ്ട്. രോഗസ്ഥിരീകരണ നിരക്ക്​ 11ശതമാനം കടന്നു. കൂടുതൽ രോഗികൾ എറണാകുളത്തും തിരുവനന്തപുരത്തുമാണ്. അതേസമയം, സംസ്ഥാനത്ത് ഇപ്പോൾ പടരുന്നത് ഒമിക്രോൺ വകഭേദമാണെന്ന്​ അധികൃതർ പറയുന്നു.