മരക്കൊമ്പ്​ ബൈക്കിന്​ മേൽവീണ്​ സഹോദരങ്ങൾക്ക് പരിക്ക്

പന്തളം: റോഡരികിലെ മരക്കൊമ്പ്​ ബൈക്കി‍ൻെറ മുകളിൽവീണ്​ സഹോദരങ്ങൾക്ക് പരിക്ക്. തോട്ടകോണം ഗവ. ഹയർ സെക്കൻഡറി സ്കൂളിലെ പ്ലസ് വൺ വിദ്യാർഥി സബീൽ (17), ബൈക്ക് ഓടിച്ചിരുന്ന സഹോദരൻ സുഹൈൽ (22) എന്നിവർക്കാണ് പരിക്കേറ്റത്. പന്തളം ചേരിക്കൽ സുഹൈൽ മൻസിലിൽ ഷിബു സുലൈമാ‍ന്‍റെ മക്കളാണ്​. തലക്ക്​ഗുരുതര പരിക്കേറ്റ സബീലിനെ വിദഗ്ധ ചികിത്സക്കായി എറണാകുളം സ്വകാര്യ ആശുപത്രിയിൽ പ്രവേശിപ്പിച്ചു. പന്തളം-മാവേലിക്കര റോഡിൽ മുടിയൂർക്കോണം രക്തസാക്ഷി മണ്ഡപത്തിനു സമീപം കഴിഞ്ഞദിവസം രാവിലെ പതിനൊന്നരയോടെയായിരുന്നു അപകടം. അമിതവേഗത്തിൽ ഇടപ്പോൺ ഭാഗത്തേക്ക് പോവുകയായിരുന്ന ടിപ്പർ ലോറിയുടെ മുകൾഭാഗം മരത്തിൽതട്ടി പിന്നാലെവന്ന ബൈക്ക് യാത്രക്കാരുടെ തലയിലേക്ക്​ ഒടിഞ്ഞുവീഴുകയായിരുന്നു. റോഡരികിലെ അപകടകരമായ മരങ്ങൾ മുറിച്ചുമാറ്റാൻ അധികൃതർ ശ്രമിക്കുന്നില്ലെന്ന്​ ആക്ഷേപമുണ്ട്. ------------------------ ഫോട്ടോ: അപകടം നടന്ന മുടിയൂർക്കോണം രക്തസാക്ഷി മണ്ഡപത്തിനു സമീപം റോഡരികിലെ മരങ്ങൾ