വെള്ളക്കെട്ട്​: റെയിൽവെ സംഘം സന്ദർശിച്ചു

തിരുവല്ല: കുറ്റൂർ, ഇരുവള്ളിപ്ര റെയിൽവേ അടിപ്പാതകളിൽ പതിവാകുന്ന വെള്ളക്കെട്ടിന് പരിഹാരം കാണുന്നതി‍ൻെറ ഭാഗമായി റെയിൽവേ ഉന്നത ഉദ്യോഗസ്ഥ സംഘം സന്ദർശനം നടത്തി. റെയിൽവേ സീനിയർ സെക്​ഷൻ എൻജിനീയർ ജെ.ആർ. അനിൽ, ഡിവിഷനൽ സെക്​ഷൻ ഓഫിസർ കുരുവിള ജോർജ് എന്നിവരടങ്ങുന്ന സംഘമാണ് സന്ദർശനം നടത്തിയത്. അടുത്ത ആഴ്ചയോടെ വെള്ളക്കെട്ട് ഒഴിവാക്കുന്നതിനായുള്ള നിർമാണ പ്രവർത്തനങ്ങൾ ആരംഭിക്കുമെന്ന് ഉദ്യോഗസ്ഥർ പറഞ്ഞു.