കൂടൽ രാജഗിരി റോഡ് വേഗത്തിൽ പൂർത്തിയാക്കും -കെ.യു. ജനീഷ് കുമാർ എം.എൽ.എ

കോന്നി: കൂടൽ രാജഗിരി റോഡ് നിർമാണം വേഗത്തിൽ പൂർത്തിയാക്കുമെന്ന് കെ.യു. ജനീഷ്​കുമാർ എം.എൽ.എ പറഞ്ഞു. ഉദ്യോഗസ്ഥരോടും ജനപ്രതിനിധികളോടുമൊപ്പം റോഡ് നിർമാണ പുരോഗതി പരിശോധിച്ചു. നിലവിൽ റോഡി‍ൻെറ വീതി കൂട്ടുന്ന പ്രവൃത്തികളാണ് നടക്കുന്നത്​. പാടം മുതൽ കൂടൽ വരെ​ ആദ്യഘട്ട ടാറിങ് ഉടൻ നടക്കും. എം.എൽ.എയോടൊപ്പം കലഞ്ഞൂർ പഞ്ചായത്ത്‌ പ്രസിഡന്‍റ്​ ടി.വി. പുഷ്പവല്ലി, ബ്ലോക്ക് പഞ്ചായത്ത്‌ അംഗം സുജ അനിൽ, പഞ്ചായത്ത്‌ വികസനകാര്യ സ്ഥിരംസമിതി അംഗം സിബി ഐസക്, പൊതുമരാമത്ത്​ അസി. എക്സിക്യൂട്ടിവ് എൻജിനീയർ വി. ബിനു, അസി. എൻജിനീയർ അഭിലാഷ് എന്നിവരും കരാർ കമ്പനിയുടെ പ്രതിനിധികളും ഉണ്ടായിരുന്നു.