പോത്തുപാറയിൽ നായെ പുലി കൊന്നു

കോന്നി: പോത്തുപാറ സണ്ണിമുക്കിൽ വളർത്തുനായെ പുലി കൊന്നു. പോത്തുപാറ കിഷോർ ഭവനത്തിൽ കിഷോറി‍ൻെറ വീട്ടിലെ വളർത്തുനായെയാണ് ആക്രമിച്ചത്. വീട്ടുമുറ്റത്ത് കെട്ടിയിട്ടിരുന്ന നായെ പുലി ആക്രമിച്ച് തലക്ക് പരിക്കേൽപിക്കുകയായിരുന്നു. നായെ തുടലിൽ കെട്ടിയിട്ടിരുന്നതിനാൽ കൊന്നതിനു ശേഷം പുലി ഓടിപ്പോവുകയും ചെയ്തു. വീട്ടുകാർ വനപാലകരെ വിവരം ധരിപ്പിച്ചതിനെ തുടർന്ന് പാടം ഫോറസ്റ്റ് ഡെപ്യൂട്ടി റേഞ്ച് ഓഫിസർ അനിൽ ബേബിയുടെ നേതൃത്വത്തിൽ ബീറ്റ് ഫോറസ്റ്റ് ഓഫിസർ ആതിര, ഡ്രൈവർ രാജ് ബാബു എന്നിവർ സ്ഥലത്തെത്തി പുലിയാണെന്ന് സ്ഥിരീകരിച്ചു. പ്രദേശത്ത് കാമറ സ്ഥാപിക്കുമെന്നും രാത്രികാല പട്രോളിങ്​ ശക്തമാക്കുമെന്നും വനപാലകർ അറിയിച്ചു.