പ്രവാചകനിന്ദക്കെതിരെ അടൂരിൽ റാലിയും യോഗവും

അടൂര്‍: പ്രവാചകനിന്ദക്കെതിരെ ഏഴംകുളം, പറക്കോട്, അടൂര്‍ മുസ്​ലിം ജമാഅത്തുകളുടെ നേതൃത്വത്തില്‍ അടൂരില്‍ പ്രതിഷേധ റാലിയും യോഗവും നടത്തി. വെള്ളിയാഴ്ച ഉച്ചകഴിഞ്ഞ് അടൂര്‍ ജുമാമസ്ജിദിന്​ മുന്നില്‍നിന്ന്​ ആരംഭിച്ച പ്രകടനം നഗരം ചുറ്റി കെ.എസ്.ആര്‍.ടി.സി ജങ്ഷനില്‍ സമാപിച്ചു. ഏഴംകുളം ജമാഅത്ത് പ്രസിഡന്‍റ്​ ഫിറോസ് ഉദ്ഘാടനം ചെയ്തു. അടൂര്‍ ടൗണ്‍ ജുമാമസ്ജിദ് ഇമാം പി.എം. അബ്ദുറഹീം മൗലവി പ്രാര്‍ഥന നടത്തി. അടൂര്‍ ഇമാം സൈനുദ്ദീന്‍ ബാഖവി മുഖ്യപ്രഭാഷണം നടത്തി. ഏഴംകുളം ഇമാം യൂസുഫ് ഖാസിമി, പറക്കോട് ഇമാം സലിം മൗലവി, അടൂര്‍ ജമാഅത്ത് പ്രസിഡന്‍റ്​ സലാഹുദ്ദീന്‍ കുരുന്താനത്ത്, സെക്രട്ടറി അന്‍സാരി, ഏഴംകുളം ജമാഅത്ത് സെക്രട്ടറി അല്‍ത്താഫ്, പറക്കോട് ജമാഅത്ത് പ്രസിഡന്‍റ്​ ഷാന്‍, സെക്രട്ടറി രാജാ കരീം എന്നിവര്‍ സംസാരിച്ചു. PTL ADR Jamaath പ്രവാചകനിന്ദക്കെതിരെ ഏഴംകുളം, പറക്കോട്, അടൂര്‍ മുസ്​ലിം ജമാഅത്തുകളുടെ നേതൃത്വത്തില്‍ അടൂരില്‍ നടന്ന പ്രതിഷേധറാലി