ചളിക്കുളമായി കടമ്മനിട്ട റോഡ്

പത്തനംതിട്ട: കാലവർഷം കനത്തതോടെ വെട്ടിപ്പുറം - കടമ്മനിട്ട റോഡ് ചളിക്കുളമായി മാറി. വെട്ടിപ്പുറം കരിമ്പനക്കൽ ക്ഷേത്രത്തിന്റെ മുൻഭാഗത്ത് 200 മീറ്ററോളം ചളിക്കുളമാണ്​. വാഹനങ്ങൾ ചളിയിൽ പുതയുന്നത് പതിവാണ്​. റോഡിന്റെ പുനർനിർമാണം ഏറ്റെടുത്ത കെ.എസ്.ടി.പി കാലവർഷത്തിന്റെ പേരിൽ പണികൾ മന്ദഗതിയിലാക്കിയിരിക്കുകയാണ്​. പഞ്ഞിമൂട് ജങ്​ഷൻ മുതൽ മുണ്ടുകോട്ടക്കൽ വരെ മാത്രമാണ് ഒന്നാം ഘട്ട ടാറിങ്​ നടത്തിയത്. റോഡ് ഉയർത്തുന്ന ഭാഗങ്ങളിൽ പച്ചമണ്ണിന് മുകളിൽ മെറ്റൽ വിതറാത്തതാണ് പ്രശ്നങ്ങൾക്ക് കാരണം. ജനങ്ങളുടെ ബുദ്ധിമുട്ടിന് അടിയന്തര പരിഹാരം കാണണമെന്ന് നഗരസഭ പ്രതിപക്ഷ നേതാവ് കെ. ജാസിം കുട്ടി അധികൃതരോട് ആവശ്യപ്പെട്ടു. Photi ചളിക്കുളമായ കടമ്മനിട്ട റോഡ്