പന്തളം വലിയകോയിക്കൽ ക്ഷേത്രോപദേശക സമിതി: ജി. പൃഥ്വിപാൽ വീണ്ടും പ്രസിഡൻറ്

പന്തളം: പന്തളം വലിയകോയിക്കൽ ശ്രീധർമശാസ്ത ക്ഷേത്രോപദേശക സമിതി പ്രസിഡൻറായി ജി. പൃഥ്വിപാൽ വീണ്ടും തെരഞ്ഞെടുക്കപ്പെട്ടു. ആർ. മോഹനൻ വൈസ് പ്രസിഡൻറും ആഘോഷ് വി.സുരേഷിനെ സെക്രട്ടറിയുമായി. അഡ്മിനിസ്ട്രേറ്റിവ് ഓഫിസർ എം. ഗോപകുമാർ തെരഞ്ഞെടുപ്പിന്​ നേതൃത്വം നൽകി. 15 പേരാണ് ഉപദേശകസമിതിയിലുള്ളത്. ഭക്തരിൽനിന്ന്​ നറുക്കെടുക്കുന്ന 11പേർ കൂടാതെ പന്തളം കൊട്ടാരം നിർദേശിക്കുന്ന രണ്ടുപേരും ഉപദേശക സമിതി അംഗങ്ങളാണ്. ദേവസ്വം അസി. കമീഷണറും അഡ്മിനിസ്ട്രേറ്റിവ് ഓഫിസറുമാണ്​ മറ്റ്​ രണ്ടുപേർ. അഡ്മിനിസ്ട്രേറ്റിവ് ഓഫിസറാണു ട്രഷറർ. ഫോട്ടോ: ജി. പൃഥ്വിപാൽ (പ്രസി) സെക്രട്ടറി വി. സുരേഷ് (സെക്ര)