അയൽവാസിയെ വെട്ടിയ കേസിൽ പ്രതി അറസ്​റ്റിൽ

തിരുവല്ല: മുൻ വൈരാഗ്യത്തെ തുടർന്ന് അയൽവാസിയെ വെട്ടിപ്പരിക്കേൽപിച്ച സംഭവത്തിൽ പ്രതിയായ കവിയൂർ സ്വദേശിയായ യുവാവ് തിരുവല്ല പൊലീസ് പിടിയിലായി. കവിയൂർ മാറമല കോളനിയിൽ മനു എന്ന അനീഷ് മാത്യുവാണ്(30) പിടിയിലായത്. കവിയൂർ കൊണ്ടൂർ മേപ്പുറത്ത് വീട്ടിൽ ശ്രീരാജിനെ വെട്ടിപ്പരിക്കേൽപിച്ച സംഭവത്തിലാണ് അറസ്​റ്റ്. കഴിഞ്ഞ 17ന്​ രാത്രി 11മണിയേടെ ആയിരുന്നു സംഭവം. അക്രമണത്തിൽ ഗുരുതര പരിക്കേറ്റ ശ്രീരാജ്​ കോട്ടയം മെഡിക്കൽ കോളജ് ആശുപത്രിയിൽ ചികിത്സതേടിയിരുന്നു. കേസെടുത്തതിന് പിന്നാലെ ഒളിവിൽപോയ അനീഷിനെ വെള്ളിയാഴ്ച വൈകീട്ടോടെ തിരുവല്ല സി.ഐ പി.എസ്. വിനോദി​ൻെറ നേതൃത്വത്തിലുള്ള സംഘം ബന്ധുവീട്ടിൽ നിന്നുമാണ് പിടികൂടിയത്.