ബി.എസ്​.എൻ.എൽ ഓഫിസിലേക്ക് പി.ഡി.പി മാർച്ച്

പത്തനംതിട്ട: പി.ഡി.പി ജില്ല കമ്മിറ്റി നേതൃത്വത്തിൽ ബി.എസ്​.എൻ.എൽ ഓഫിസിലേക്ക് മാർച്ച് നടത്തി. മീഡിയവൺ ചാനൽ പ്രക്ഷേപണം തടഞ്ഞ കേന്ദ്രസർക്കാർ നടപടിയിലും രാജ്യത്ത് വർഗീയ ഫാഷിസം വളർത്തുന്നതിൽ പ്രതിഷേധിച്ചും മുസ്​ലിം, ക്രിസ്ത്യൻ, ദലിത്, ന്യൂനപക്ഷങ്ങൾക്കെതിരെയുള്ള ആർ.എസ്​.എസ്​ വർഗീയ അജണ്ട അവസാനിപ്പിക്കണമെന്ന് ആവശ്യപ്പെട്ടുമാണ്​ മാർച്ച്​ നടത്തിയത്​. പി.ഡി.പി സംസ്ഥാന സെക്രട്ടറി റസാഖ്​ മണ്ണടി മാർച്ച് ഉദ്​ഘാടനം ചെയ്തു. സി.എ.സി അംഗം ഹബീബ്​ റഹ്മാൻ, പി.ടി.യു.സി ജില്ല പ്രസിഡന്‍റ്​​ സിറാജ് ചുങ്കപ്പാറ, പി.എച്ച്​.എഫ്​ ജില്ല പ്രസിഡന്‍റ്​​ ഹക്കീം പമ്മം, അസീസ് പഴകുളം, അൻസാരി ഏനാത്ത്, ജോസ് അലക്സാണ്ടർ, ഏഴംകുളം മുജീബ് തുടങ്ങിയവർ സംസാരിച്ചു. ജില്ല സെക്രട്ടറി ജബ്ബാർ സ്വാഗതം പറഞ്ഞു. പടം: PTL42pdp പി.ഡി.പി ജില്ല കമ്മിറ്റി നേതൃത്വത്തിൽ ബി.എസ്​.എൻ.എൽ ഓഫിസിലേക്ക് നടത്തിയ മാർച്ച്​ സംസ്ഥാന സെക്രട്ടറി റസാഖ്​ മണ്ണടി ഉദ്​ഘാടനം ചെയ്യുന്നു