മദ്യവിൽപന: ഒരാൾ അറസ്റ്റിൽ

ബൈക്കിൽ കറങ്ങി മദ്യവിൽപന; ഒരാൾ അറസ്റ്റിൽ മല്ലപ്പള്ളി: വായ്പ്പൂര്, കോട്ടാങ്ങൽ പ്രദേശങ്ങളിൽ ബൈക്കിൽ കറങ്ങി മദ്യവിൽപന നടത്തിവന്നിരുന്നയാൾ പിടിയിൽ. കോട്ടാങ്ങൽ ചെറുതോട്ടുവഴി മധുരപ്ലാക്കൽ വീട്ടിൽ കെ.ബി. ബിജുവിനെ (കുട്ട ബിജു -46) മല്ലപ്പള്ളി എക്സൈസ് സർക്കിൾ ഇൻസ്പെക്ടർ ഐ. നൗഷാദിന്‍റെ നേതൃത്വത്തിലുള്ള എക്സൈസ് സംഘമാണ്​ അറസ്റ്റ്​ ചെയ്തത്. അരലിറ്റർ വീതമുള്ള 11 കുപ്പി മദ്യവും വിൽപന നടത്തി ലഭിച്ച 2450 രൂപയും ബൈക്കും കസ്റ്റഡിയിലെടുത്തു. ഇയാളെ കോടതിയിൽ ഹാജരാക്കി റിമാൻറ് ചെയ്തു. പ്രിവന്‍റിവ് ഓഫിസർ സുശീൽ കുമാർ, അസി. എക്സൈസ് ഇൻസ്പെക്ടർ, ഷിഹാബുദ്ദീൻ, സിവിൽ എക്സൈസ് ഓഫിസർമാരായ, മനീഷ്, അനന്ദു എന്നിവർ സംഘത്തിലുണ്ടായിരുന്നു. പരാതികളുടെ അടിസ്ഥാനത്തിൽ ഷാഡോ ടീമിനെ നിയോഗിച്ച്​ വിവരം ശേഖരിച്ചാണ് പ്രതിയെ പിടികൂടിയത്.