നിയന്ത്രണം നഷ്ടപ്പെട്ട കാര്‍ വീടിന്‍റെ പോര്‍ച്ചില്‍ കിടന്ന കാറിനു മുകളിലേക്കു മറിഞ്ഞു

റാന്നി: നിയന്ത്രണം നഷ്ടപ്പെട്ട കാര്‍ വീടിന്‍റെ പോര്‍ച്ചില്‍ കിടന്ന കാറിനു മുകളിലേക്കു മറിഞ്ഞ്​ അഞ്ചുപേര്‍ക്ക്​ പരിക്ക്. മന്ദമരുതി-വെച്ചൂച്ചിറ റോഡില്‍ ആനമാടത്തിന് സമീപം പുത്തന്‍പുരക്കല്‍ മോഹന്‍ ജേക്കബിന്‍റെ വീടിന്‍റെ മുകളിലേക്കാണ് കാര്‍ പതിച്ചത്. ഇരുപഞ്ചടി താഴ്ചയിലേക്കാണ് കാര്‍ മറിഞ്ഞത്. കാറിലുണ്ടായിരുന്ന മൂന്നു മാസമായ കുട്ടിയെ പരിക്കേറ്റതിനെ തുടർന്ന്​ ഇരുപത്താറാം മൈലിലെ സ്വകാര്യ ആശുപത്രിയില്‍ പ്രവേശിപ്പിച്ചു. മണ്ണടിശാല മേരികോട്ടേജ് ലീലാമ്മ ഡിക്രൂസ്, മകന്‍ ബിബിന്‍ ഡിക്രൂസ്, ഇദ്ദേഹത്തിന്‍റെ ഭാര്യയും രണ്ടു മക്കളുമാണ് കാറിലുണ്ടായിരുന്നത്. കാറില്‍നിന്ന്​ തെറിച്ചുവീണ കുട്ടിയെ പോര്‍ച്ചില്‍നിന്നുമാണ് എടുത്തത്. രണ്ടു കാറും നിശ്ശേഷം തകര്‍ന്നു. ഞായറാഴ്ച രാത്രി 7.40നാണ്​ സംഭവം. റാന്നിയില്‍നിന്ന്​ വെച്ചൂച്ചിറക്ക് കയറ്റം കയറി വരുകയായിരുന്ന കാര്‍ നിയന്ത്രണം നഷ്ടപ്പെട്ട് കാറിനും വീടിനും മുകളിലേക്ക്​ വീഴുകയായിരുന്നു. Ptl rni_1 car accident ഫോട്ടോ: മന്ദമരുതി-വെച്ചൂച്ചിറ റോഡില്‍ ആനമാടത്തിന് സമീപം പുത്തന്‍പുരക്കല്‍ മോഹന്‍ജേക്കബിന്‍റെ വീടിന്‍റെ മുകളിലേക്ക് മറിഞ്ഞ കാർ