വനസംരക്ഷണ സമിതി വാർഷികവും സഹായ വിതരണവും

റാന്നി: കുടമുരുട്ടി വന സംരക്ഷണ സമിതിയുടെ വാർഷിക പൊതുയോഗം റാന്നി ബ്ലോക്ക് പഞ്ചായത്ത് പ്രസിഡന്റ് കെ.എസ്​. ഗോപി ഉദ്ഘാടനം ചെയ്തു. സാമ്പത്തികമായി പിന്നാക്കം നിൽക്കുന്ന സമിതി അംഗങ്ങൾക്കുള്ള വിവിധ സഹായങ്ങളുടെ വിതരണം റാന്നി ഡിവിഷനൽ ഫോറസ്റ്റ് ഓഫിസർ പി.കെ. ജയകുമാർ ശർമ നിർവഹിച്ചു. ഗ്രാമപഞ്ചായത്ത്​ അംഗം സന്ധ്യ അനിൽ, കരികുളം ഡെപ്യൂട്ടി റേഞ്ച്​ ഫോറസ്റ്റ് ഓഫിസർ എസ്. സുധീഷ്​കുമാർ തുടങ്ങിയവർ സംസാരിച്ചു. പാലിയേറ്റിവ് കെയർ യൂനിറ്റ് തുറന്നു അയിരൂർ: കോയിപ്രം ബ്ലോക്ക് പഞ്ചായത്തിന്റെ സഹായത്തോടെ കാഞ്ഞീറ്റുകര സാമൂഹികാരോഗ്യ കേന്ദ്രത്തിൽ പാലിയേറ്റിവ് കെയർ സെക്കൻഡറി യൂനിറ്റ് ആരംഭിച്ചു. ബ്ലോക്ക് പഞ്ചായത്ത് പ്രസിഡന്റ് ശോശാമ്മ ജോസഫ് ഉദ്ഘാടനം നിര്വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് ഉണ്ണി പ്ലാച്ചേരി അധ്യക്ഷത വഹിച്ചു. റോഡ് ഉദ്ഘാടനംചെയ്തു അത്തിക്കയം: നാറാണംമൂഴി ബ്ലോക്ക് ഡിവിഷനിൽനിന്ന്​ അഞ്ചുലക്ഷം രൂപ അനുവദിച്ചു. ഗതാഗതയോഗ്യമാക്കിയ വലിയകുളം-തട്ടുപ്പാറ റോഡ് ബ്ലോക്ക് പഞ്ചായത്ത് അംഗം ഗ്രേസി തോമസ്​ ഉദ്ഘാടനം ചെയ്തു. ഗ്രാമപഞ്ചായത്ത്​ അംഗം സുനിൽ ചെല്ലപ്പൻ അധ്യക്ഷത വഹിച്ചു.