സുഭിക്ഷ ഹോട്ടൽ തുറന്നു

തിരുവല്ല: സുഭിക്ഷ കേരളം പദ്ധതിയുടെ ഭാഗമായി പെരുന്തുരുത്തി പ്ലാഞ്ചുവട് ജങ്​ഷനിൽ ആരംഭിച്ച സുഭിക്ഷ ഹോട്ടലിന്‍റെ ഉദ്ഘാടനം മാത്യു ടി. തോമസ് എം.എൽ.എ നിർവഹിച്ചു. പെരിങ്ങര ഗ്രാമപഞ്ചായത്ത് പ്രസിഡന്‍റ്​ മാത്തൻ ജോസഫ് അധ്യക്ഷത വഹിച്ചു. പുളിക്കീഴ് ബ്ലോക്ക് പഞ്ചായത്ത് പ്രസിഡന്‍റ്​ ചന്ദ്രലേഖ മുഖ്യപ്രഭാഷണം നടത്തി. ഗ്രാമപഞ്ചായത്ത് വൈസ് പ്രസിഡന്‍റ്​ ശാന്തമ്മ ആർ. നായർ, ബ്ലോക്ക് പഞ്ചായത്ത്​ അംഗങ്ങളായ സോമൻ താമരച്ചാൽ, സി.കെ. അനു, അരുന്ധതി അശോക് തുടങ്ങിയവർ സംസാരിച്ചു.