കാർ കത്തിനശിച്ചു

കോഴഞ്ചേരി: കീഴുകരയിൽ ഓടിക്കൊണ്ടിരുന്ന കാർ പൂർണമായും കത്തിനശിച്ചു. ചെറുകോൽ പുരയിടത്തിൽ സാമുവേൽ ദാനിയേലി‍ൻെറ കാറിനാണ് തീപിടിച്ചത്. തിങ്കളാഴ്ച രാവിലെ 10.30ന് കീഴുകര കത്തോലിക്ക പള്ളിക്ക് സമീപത്തായിരുന്നു സംഭവം. കോഴഞ്ചേരി സെന്‍റ്​ തോമസ് മാർത്തോമ പള്ളി ജീവനക്കാരനായ സാമുവേൽ പള്ളിയിലേക്ക് വരുകയായിരുന്നു. ബോണറ്റിൽനിന്ന് പുക ഉയരുന്നതുകണ്ട് കാർ നിർത്തി പുറത്തിറങ്ങി നോക്കിയ സമയത്താണ് കാർ കത്തിയത്. വിവരമറിഞ്ഞ്​ പത്തനംതിട്ടയിൽനിന്ന്​ അഗ്നിരക്ഷാസേനയും ആറന്മുള പൊലീസും സ്ഥലത്തെത്തി. photo. കീഴുകരയിൽ കത്തിനശിച്ച കാർ