അടൂര്‍ താലൂക്ക് വികസന സമിതി യോഗം

അടൂര്‍: താലൂക്ക് വികസന സമിതി യോഗം നഗരസഭ ചെയര്‍മാന്‍ ഡി. സജിയുടെ അധ്യക്ഷതയില്‍ ചേര്‍ന്നു. അടൂര്‍ താലൂക്കിലെ വിവിധ ​കൈയേറ്റങ്ങളിന്മേല്‍ നടപടികള്‍ സ്വീകരിക്കാന്‍ തീരുമാനിച്ചു. ടൗണിലെ വെള്ളക്കെട്ട്, ഓടനിര്‍മാണം, ബൈപാസിലെ റോഡ് അപകടങ്ങള്‍, അടൂര്‍ താലൂക്ക് പരിധിയിലെ ഹോട്ടലുകളിലെ ശുചിത്വം ഉറപ്പാക്കൽ തുടങ്ങിയ വിഷയങ്ങള്‍ ചര്‍ച്ച ചെയ്തു. ഗതാഗതക്കുരുക്ക് നിയന്ത്രിക്കണമെന്ന്​ പത്തനംതിട്ട: കോഴഞ്ചേരി താലൂക്ക് വികസന സമിതി യോഗം മല്ലപ്പുഴശ്ശേരി പഞ്ചായത്ത് വൈസ് പ്രസിഡന്‍റ്​ പ്രദീപ് കുമാറി‍ൻെറ അധ്യക്ഷതയില്‍ ചേര്‍ന്നു. ടൗണില്‍ അബാന്‍ മേല്‍പാലം നിര്‍മിക്കുമ്പോള്‍ ഉണ്ടാകാനിടയുള്ള ഗതാഗതക്കുരുക്ക് നിയന്ത്രിക്കാൻ ആവശ്യമായ നടപടി സ്വീകരിക്കണമെന്ന് യോഗത്തിൽ ആവശ്യമുയർന്നു. താലൂക്കിലെ വിവിധ ഭാഗങ്ങളില്‍ ജീവനും സ്വത്തിനും ഭീഷണിയായി നില്‍ക്കുന്ന മരങ്ങളുടെ ശിഖരങ്ങള്‍ അടിയന്തരമായി മുറിച്ചുമാറ്റണമെന്നും ആവശ്യ​മുയർന്നു. ചെന്നീര്‍ക്കര കെ.വിയിലേക്കുള്ള കുട്ടികളുടെ യാത്ര പ്രശ്നം പരിഹരിക്കാന്‍ കെ.എസ്.ആര്‍.ടി.സി സര്‍വിസ് ആരംഭിക്കണമെന്നും നിർദേശിച്ചു. യോഗത്തില്‍ തഹസില്‍ദാര്‍ ആര്‍.കെ. സുനില്‍, ഡെപ്യൂട്ടി തഹസില്‍ദാര്‍ നസീമ ബീവി തുടങ്ങിയവര്‍ പങ്കെടുത്തു.