തുമ്പമൺ ഭദ്രാസന വാർഷിക സമ്മേളനം 14ന്

പത്തനംതിട്ട: മലങ്കര ഓർത്തഡോക്സ് ക്രൈസ്തവ യുവജനപ്രസ്ഥാനം തുമ്പമൺ ഭദ്രാസന വാർഷിക സമ്മേളനം 14 ന് ഉച്ചക്ക് ഒന്നിന്​ വാഴമുട്ടം ഈസ്റ്റ് മാർ ബർസൗമ ഓർത്തഡോക്സ് ദേവാലയത്തിൽ നടക്കുമെന്ന്​ ഭാരവാഹികൾ വാർത്ത സമ്മേളനത്തിൽ അറിയിച്ചു. വാർഷികത്തോടനുബന്ധിച്ച പതാക ഘോഷയാത്ര ഞായറാഴ്ച ഉച്ചക്ക്​ ഒന്നിന്​ കോന്നി സെന്റ് ജോർജ് മഹാ ഇടവകയിൽനിന്നും ആരംഭിച്ച്​ സമ്മേളന നഗരിയിൽ എത്തിച്ചേരും. ഭദ്രാസന സെക്രട്ടറി റവ. ജോൺസൺ കല്ലിട്ടതിൽ കോ​റെപ്പിസ്കോപ്പ ഫ്ലാഗ്​ ഓഫ്​ ചെയ്യും. വൈദിക ട്രസ്റ്റി ഫാ. ഡോ. തോമസ് വർഗീസ് അമയിൽ പതാക ഉയർത്തും. വാർഷികത്തോടനുബന്ധിച്ച് ഒരാഴ്ചക്കാലം ഭദ്രാസനത്തിലെ വിവിധ ആതുരാലയങ്ങളിൽ ഭക്ഷണ വിതരണം നടത്തും. അഖില മലങ്കര അടിസ്ഥാനത്തിൽ ക്വിസ് മത്സരം, ഫോട്ടോഗ്രഫി മത്സര, സെൽഫി കോണ്ടെസ്റ്റ് ഉൾപ്പെടെ നിരവധി പരിപാടികൾ സംഘടിപ്പിക്കുന്നുണ്ട്. വാർത്ത സമ്മേളനത്തിൽ ഭദ്രാസന വൈസ് പ്രസിഡൻറ്​ ഫാ. എബി.ടി. സാമുവൽ, ജനറൽ സെക്രട്ടറി രെഞ്ചു.എം.ജെ, ജോയന്റ് സെക്രട്ടറി സുജിൻ ഉമ്മൻ, നിതിൻ മണക്കാട്ടു മണ്ണിൽ, അജിൽ ഡേവിഡ്, ജെറിൻ ജോയ്സ്, ലിബിൻ തങ്കച്ചൻ, ജോയൽ കോശി തോമസ്​ എന്നിവർ പ​​ങ്കെടുത്തു.