സർഗോത്സവം 28ന്​

പത്തനംതിട്ട: അടൂർ ഇ.വി കലാമണ്ഡലം സത്കല വിദ്യാപീഠം സർഗോത്സവവും ദശവത്സരാഘോഷവും ഗീതം ഓഡിറ്റോറിയത്തിൽ 28ന്​ ശനിയാഴ്ച നടക്കുമെന്ന്​ ഭാരവാഹികൾ വാർത്തസമ്മേളനത്തിൽ അറിയിച്ചു. ​വൈകീട്ട്​ മൂന്നിന്​ നടക്കുന്ന സാംസ്കാരിക സമ്മേളനം മന്ത്രി വീണ ജോർജ് ഉദ്ഘാടനം ചെയ്യും. ഡെപ്യൂട്ടി സ്പീക്കർ ചിറ്റയം ഗോപകുമാർ, ആന്‍റോ ആന്‍റണി എം.പി, പ്രഫ. കടമ്മനിട്ട വാസുദേവൻപിള്ള, കലക്ടർ ഡോ. ദിവ്യ എസ്.അയ്യർ തുടങ്ങിയവർ പങ്കെടുക്കും. കലാരംഗത്തെ സമഗ്ര സംഭാവനക്കുള്ള ഈ വർഷത്തെ ഇ.വി കലാമണ്ഡലം കലാരത്ന പുരസ്കാരം നടൻ ഉണ്ണിമുകുന്ദന് നൽകും. ദശവത്സരാഘോഷത്തി‍ൻെറ ഭാഗമായ സുവനീർ പ്രകാശനം നടക്കും. തുടർന്ന് നൃത്ത സംഗീത മെഗാ റിയാലിറ്റി ഷോ നടക്കും. വാർത്തസമ്മേളനത്തിൽ കെ.ജി. വാസുദേവൻ, ഫാ. ഗീവർഗീസ് ബ്ലാഹേത്, സൂര്യൻ, നിഷ ദിലീപ്, ദർശന സതീഷ് എന്നിവർ പ​ങ്കെടുത്തു.