16 പച്ചത്തുരുത്തുകൾ കൂടി

പത്തനംതിട്ട: ഹരിതകേരളം മിഷ‍ൻെറ പച്ചത്തുരുത്ത് പദ്ധതി പ്രകാരം ജില്ലയില്‍ ഈ വര്‍ഷം ജൈവ വൈവിധ്യത്തി‍ൻെറ അതിജീവനത്തിനായി ഒരേക്കറില്‍ 16 പച്ചത്തുരുത്തുകൾ പുതുതായി ആരംഭിക്കും. ഹരിതകേരളം മിഷ‍ൻെറ ഏകോപനത്തില്‍ തദ്ദേശ സ്ഥാപനങ്ങള്‍, തൊഴിലുറപ്പ് പദ്ധതി, വനംവകുപ്പ്​ എന്നിവയുടെ സഹകരണത്തോടെയാണ്​ പച്ചത്തുരുത്തുകള്‍ തയാറാക്കുന്നത്​. നിലവിലെ പച്ചത്തുരുത്തുകളുടെ നവീകരണവും നടത്തുന്നുണ്ട്. ജില്ലതല ഉദ്ഘാടനം ഞായറാഴ്ച വൈകീട്ട് നാലിന് ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ ഏനാത്ത് സാംസ്‌കാരിക നിലയത്തിന് സമീപത്തെ അഞ്ച് സെന്‍റ്​ സ്ഥലത്ത് നിര്‍വഹിക്കും.