നിരവധി ക്രിമിനൽ കേസുകളിലെ പ്രതി കരുതൽ തടങ്കലിൽ
text_fieldsസ്റ്റോയ് വർഗീസ്
പത്തനംതിട്ട: നിരവധി ക്രിമിനൽ കേസുകളിൽ പ്രതിയും അറിയപ്പെടുന്ന റൗഡിയും, റൗഡി ഹിസ്റ്ററി ഷീറ്റ് നിലവിലുള്ളയാളുമായ യുവാവിനെ പൊലീസ് കരുതൽ തടങ്കലിലാക്കി. തിരുവല്ല കുളക്കാട് യമുന നഗറിൽ ദർശന വീട്ടിൽ സ്റ്റോയ് വർഗീസിനെയാണ് (26) കലക്ടറുടെ ഉത്തരവ് പ്രകാരം കരുതൽ തടങ്കലിലാക്കിയത്.
2020 മുതൽ ഇതുവരെ ഏഴ് ക്രിമിനൽ കേസുകൾ ഇയാളുടെ പേരിലുണ്ട്. തിരുവല്ല സ്റ്റേഷന് പുറമെ, കോട്ടയം ജില്ലയിലെ തൃക്കൊടിത്താനം, ആലപ്പുഴ ജില്ലയിലെ ചെങ്ങന്നൂർ എന്നിവടങ്ങളിലും കേസുകളുണ്ട്. അടിപിടി, വീടുകയറി ആക്രമണം, സംഘം ചേർന്നുള്ള ആക്രമണം, മാരകായുധങ്ങളുമായുള്ള ആക്രമണം, കൊലപാതകശ്രമം, പിടിച്ചുപറി, സ്ത്രീകളെ ഭീഷണിപ്പെടുത്തൽ, ഗുണ്ടാപിരിവ് തുടങ്ങിയ ഗുരുതര കുറ്റകൃത്യങ്ങളിൽപ്പെട്ടയാളാണ്.
ഇയാളുടെ സഹോദരൻ സ്റ്റാൻ വർഗീസും നിരവധി ക്രിമിനൽ കേസുകളിൽ പ്രതിയാണ്. ഡി.ഐ.ജിയുടെ ഉത്തരവുപ്രകാരം ഇയാൾ നാടുകടത്തിയിരിക്കുകയാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.