ആസിഡ്​ വില കുതിക്കുന്നു; റബർ കർഷകർക്ക്​ ഇരുട്ടടി

വില വർധനക്ക്​ കാരണം കേ​ന്ദ്ര​സ​ര്‍ക്കാ​ർ നടപടികൾ

പ​ത്ത​നം​തി​ട്ട: റ​ബ​ർ സം​സ്ക​ര​ണ​ത്തി​ന്​ ഉ​പ​യോ​ഗി​ക്കു​ന്ന ഫോ​ർ​മി​ക് ആ​സി​ഡി​ന്‍റെ വ​ൻ വി​ല​വ​ർ​ധ​ന റ​ബ​ർ ക​ർ​ഷ​ക​രെ വ​ല​ക്കു​ന്നു. വി​ല​യി​ടി​വു​മൂ​ലം വ​ല​യു​ന്ന റ​ബ​ർ ക​ർ​ഷ​ക​ർ​ക്ക്​ താ​ങ്ങാ​വു​ന്ന​തി​നും അ​പ്പു​റ​ത്തേ​ക്ക്​​ ആ​സി​ഡ്​ വി​ല ഉ​യ​ർ​ന്നു.

ആ​സി​ഡി​ന്​ ഇ​ര​ട്ടി​യോ​ളം രൂ​പ​യാ​ണ് കൂ​ടി​യ​ത്. ക​ഴി​ഞ്ഞ ഡി​സം​ബ​റി​ൽ അ​ഞ്ചു​കി​ലോ ആ​സി​ഡി​ന്​ 650 രൂ​പ​യാ​യി​രു​ന്നു വി​ല. ഇ​പ്പോ​ഴ​ത് 1200 രൂ​പ​യാ​ണ്. രാ​സ​വ​ള​ങ്ങ​ൾ​ക്കും ഇ​തു​പോ​ലെ വി​ല വ​ർ​ധി​ച്ചു. യൂ​റി​യ​യു​ടെ കു​റ​വാ​ണ് വി​ല​വ​ർ​ധ​ന​വി​ന് കാ​ര​ണ​മെ​ന്ന് പ​റ​യു​ന്നു. ആ​സി​ഡി​ന്റെ വി​ല​വ​ർ​ധ​ന​വ് മ​റ്റു ചെ​ല​വു​ക​ളും കൂ​ടാ​ൻ ഇ​ട​യാ​കും.

കേ​ന്ദ്ര​സ​ര്‍ക്കാ​റി​ന്റെ നി​യ​ന്ത്ര​ണ​ത്തി​ലാ​ണ് ആ​സി​ഡി​ന്റെ​യും രാ​സ​വ​ള​ങ്ങ​ളു​ടെ​യും വി​ല നി​യ​ന്ത്ര​ണ സം​വി​ധാ​നം. കേ​ന്ദ്ര​സ​ര്‍ക്കാ​റി​ന്റെ ന​ട​പ​ടി​ക​ളാ​ണ് വി​ല​വ​ര്‍ധ​ന​വി​ന് കാ​ര​ണം.

റ​ബ​റി​ന്റെ പൊ​തു​വേ​യു​ള്ള വി​ല​യി​ടി​വി​ൽ ക​ർ​ഷ​ക​ർ ന​ട്ടം​തി​രി​യു​ന്ന​തി​നി​ട​യി​ലാ​ണ് അ​നു​ബ​ന്ധ കാ​ർ​ഷി​ക സാ​മ​​ഗ്രി​ക​ൾ​ക്ക് വി​ല കു​ത്ത​നെ ഉ​യ​ർ​ത്തു​ന്ന​ത്. ഉ​ൽ​പാ​ദ​ന​ച്ചെ​ല​വും വി​ല​യും ത​ട്ടി​ച്ചാ​ൽ കാ​ര്യ​മാ​യ വ​രു​മാ​ന​മൊ​ന്നും ക​ർ​ഷ​ക​ർ​ക്ക് ല​ഭി​ക്കു​ന്നി​ല്ല. പ​ല​തും ന​ഷ്ട​ത്തി​ലും ക​ലാ​ശി​ക്കു​ന്നു.

ഇ​ത്ത​ര​ത്തി​ൽ ന​ഷ്ട​മാ​യ നി​ര​വ​ധി തോ​ട്ട​ങ്ങ​ളാ​ണ് ടാ​പ്പി​ങ് ന​ട​ത്താ​തെ കാ​ടു​ക​യ​റി വെ​റു​തെ​യി​ട്ടി​രി​ക്കു​ന്ന​ത്. ടാ​പ്പി​ങ്ങി​നു​ശേ​ഷം സം​ഭ​രി​ക്കു​ന്ന റ​ബ​ർ​പാ​ൽ ഉ​റ​കൂ​ട്ടി ഷീ​റ്റ് ആ​ക്കാ​ൻ ഫോ​ർ​മി​ക് ആ​സി​ഡാ​ണ്​ ഉ​പ​യോ​ഗി​ക്കു​ന്ന​ത്.