അടൂര്‍-മണ്ണടി റോഡ് നിര്‍മാണം: 20.72 ലക്ഷത്തിന്‍റെ ഒത്തുകളി; പൊതുമരാമത്ത്​ എൻജിനീയർക്ക്​ സസ്​പെൻഷൻ

പ​ത്ത​നം​തി​ട്ട: അ​ടൂ​ര്‍-​മ​ണ്ണ​ടി റോ​ഡ് നി​ര്‍മാ​ണ​ത്തി​ൽ ക​രാ​റു​കാ​ര​നും പൊ​തു​മ​രാ​മ​ത്ത് വ​കു​പ്പ് ഉ​ദ്യോ​ഗ​സ്ഥ​രും ഒ​ത്തു​ക​ളി​ച്ചെ​ന്ന വി​ജി​ല​ന്‍സ് ക​ണ്ടെ​ത്ത​ലി​ന്റെ അ​ടി​സ്ഥാ​ന​ത്തി​ല്‍ ന​ട​പ​ടി. പൊ​തു​മ​രാ​മ​ത്ത് അ​സി. എ​ക്‌​സി​ക്യൂ​ട്ടി​വ് എ​ന്‍ജി​നീ​യ​ര്‍ ബി. ​ബി​നു​വി​നെ സ​സ്‌​പെ​ന്‍ഡ് ചെ​യ്തു. വി​ജി​ല​ന്‍സ് ഡ​യ​റ​ക്ട​റു​ടെ റി​പ്പോ​ര്‍ട്ട് പ്ര​കാ​രം പൊ​തു​മ​രാ​മ​ത്ത് സെ​ക്ര​ട്ട​റി​യാ​ണ് എ​ന്‍ജി​നീ​യ​ർ​ക്കെ​തി​രെ ന​ട​പ​ടി സ്വീ​ക​രി​ച്ച്​ ഉ​ത്ത​ര​വി​റ​ക്കി​യ​ത്. അ​ടൂ​ര്‍-​വെ​ള്ള​ക്കു​ള​ങ്ങ​ര-​മ​ണ്ണ​ടി റോ​ഡ് നി​ര്‍മാ​ണ​ത്തി​ല്‍ 20.72 ല​ക്ഷം രൂ​പ​യു​ടെ ക്ര​മ​ക്കേ​ട് ന​ട​ന്ന​താ​യി നേ​ര​ത്തേ വി​ജി​ല​ന്‍സ് ക​ണ്ടെ​ത്തി​യി​രു​ന്നു.

പ​ത്ത​നം​തി​ട്ട വി​ജി​ല​ന്‍സ് ഡി​വൈ.​എ​സ്.​പി​യു​ടെ നേ​തൃ​ത്വ​ത്തി​ല്‍ ന​ട​ന്ന അ​ന്വേ​ഷ​ണ​ത്തി​ലാ​ണ് ക​രാ​റു​കാ​ര​നും ഉ​ദ്യോ​ഗ​സ്ഥ​രും ത​മ്മി​ലെ ക​ള്ള​ക്ക​ളി​ക​ള്‍ വെ​ളി​ച്ച​ത്താ​യ​ത്. ക​രാ​റു​കാ​ര​നാ​യ രാ​ജി മാ​ത്യു, പി.​ഡ​ബ്ല്യു.​ഡി പ​ന്ത​ളം മു​ന്‍ അ​സി.​എ​ന്‍ജി​നീ​യ​ര്‍ എം.​ആ​ര്‍. മ​നു​കു​മാ​ര്‍, അ​ടൂ​ര്‍ മു​ന്‍ അ​സി. എ​ക്സി. എ​ന്‍ജി​നീ​യ​ര്‍ ബി. ​ബി​നു എ​ന്നി​വ​ര്‍ ചേ​ര്‍ന്ന്​ ന​ട​ത്തി​യ ക്ര​മ​ക്കേ​ടു​ക​ളി​ലൂ​ടെ പൊ​തു​ഖ​ജ​നാ​വി​ന് ന​ഷ്ട​മു​ണ്ടാ​യെ​ന്നാ​യി​രു​ന്നു ക​ണ്ടെ​ത്ത​ല്‍. ഇ​തേ​തു​ട​ര്‍ന്ന് വി​ജി​ല​ന്‍സ് ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ര്‍ക്കും ക​രാ​റു​കാ​ര്‍ക്കു​മെ​തി​രെ കേ​സ് ര​ജി​സ്റ്റ​ര്‍ ചെ​യ്താ​ണ്​ തു​ട​ര​ന്വേ​ഷ​ണം പ്ര​ഖ്യാ​പി​ച്ച​ത്.

അ​സം​സ്കൃ​ത വ​സ്തു​ക്ക​ൾ കു​റ​വ്​

അ​ടൂ​ര്‍-​മ​ണ്ണ​ടി റോ​ഡ് നി​ര്‍മാ​ണം ന​ട​ന്ന​ത് 2021-22 കാ​ല​യ​ള​വി​ലാ​ണ്. കോ​ട്ട​യം സ്വ​ദേ​ശി രാ​ജി മാ​ത്യു​വി​ന്റെ ഉ​ട​മ​സ്ഥ​ത​യി​ലു​ള്ള ക​മ്പ​നി​യാ​ണ് ക​രാ​ര്‍ ഏ​റ്റെ​ടു​ത്ത​ത്​. മെ​റ്റ​ല്‍, മ​ണ​ല്‍, ടാ​ര്‍ എ​ന്നി​വ വേ​ണ്ട​ത്ര അ​ള​വി​ല്‍ ഉ​പ​യോ​ഗി​ക്കാ​തെ​യാ​ണ് നി​ര്‍മാ​ണം ന​ട​ന്ന​തെ​ന്ന് അ​ന്വേ​ഷ​ണ​ത്തി​ല്‍ വ്യ​ക്ത​മാ​യി. സം​സ്ഥാ​ന വ്യാ​പ​ക​മാ​യി ഈ ​കാ​ല​യ​ള​വി​ല്‍ ന​ട​ന്ന നി​ര്‍മാ​ണ പ്ര​വ​ര്‍ത്ത​നം സം​ബ​ന്ധി​ച്ച് അ​ന്വേ​ഷ​ണം ന​ട​ത്ത​ണ​മെ​ന്ന സ​ര്‍ക്കാ​ര്‍ നി​ർ​ദേ​ശ​ത്തെ തു​ട​ര്‍ന്നാ​ണ് അ​ടൂ​ര്‍-​മ​ണ്ണ​ടി റോ​ഡിന്‍റെ നി​ര്‍മാ​ണം പ​ത്ത​നം​തി​ട്ട വി​ജി​ല​ന്‍സ് അ​ന്വേ​ഷി​ച്ച​ത്. വെ​ട്ടി​പ്പ് ന​ട​ന്ന​താ​യി വ്യ​ക്ത​മാ​യ​തി​നെ തു​ട​ര്‍ന്നാ​ണ് വി​ജി​ല​ന്‍സ് ഡി​വൈ.​എ​സ്.​പി ഹ​രി വി​ദ്യാ​ധ​ര​ന്റെ നേ​തൃ​ത്വ​ത്തി​ല്‍ അ​ന്വേ​ഷ​ണം ശ​ക്ത​മാ​ക്കി​യ​ത്.