55​ എസ്.ബി അക്കൗണ്ടില്‍ തിരിമറി; പഴകുളം സര്‍വിസ് സഹകരണ ബാങ്കില്‍ നടന്നത് വ്യാപക ക്രമക്കേടുകള്‍

ബാ​ങ്കി​ന്‍റെ ആ​സ്ഥാ​ന ഓ​ഫീ​സി​ലും മി​ത്ര​പു​രം, അ​ടൂ​ര്‍ ഹൈ​സ്‌​കൂ​ള്‍ ജ​ങ്ഷ​ന്‍ ശാ​ഖ​ക​ളി​ലും ന​ട​ന്ന വ്യാ​പ​ക ത​ട്ടി​പ്പി​ലൂ​ടെ കോ​ടി​ക​ളു​ടെ ബാ​ധ്യ​ത​യാ​ണ് ബാ​ങ്കി​ന് ഉ​ണ്ടാ​യ​ത്

അ​ടൂ​ര്‍: പ​ഴ​കു​ളം പി.​ടി 64 ന​മ്പ​ര്‍ സ​ര്‍വി​സ് സ​ഹ​ക​ര​ണ ബാ​ങ്കി​ന്‍റെ ഹെ​ഡ് ഓ​ഫീ​സ് മേ​ലൂ​ടും ശാ​ഖ​ക​ളാ​യ മി​ത്ര​പു​രം, ഹൈ​സ്‌​കൂ​ള്‍ ജം​ഗ്ഷ​ന്‍ എ​ന്നി​വി​ട​ങ്ങ​ളി​ലാ​യി ന​ട​ന്ന​ത് വ്യാ​പ​ക ക്ര​മ​ക്കേ​ടെ​ന്ന്​ സ​ഹ​ക​ര​ണ നി​യ​മം 65ാം വ​കു​പ്പ് പ്ര​കാ​രം ന​ട​ന്ന അ​ന്വേ​ഷ​ണ റി​പ്പോ​ര്‍ട്ടി​ല്‍ പ​രാ​മ​ര്‍ശം.

രാ​ഷ്ട്രീ​യ​സ​മ്മ​ര്‍ദം മൂ​ലം ഏ​റെ​ക്കാ​ലം വെ​ളി​ച്ചം കാ​ണാ​തി​രു​ന്ന റി​പ്പോ​ര്‍ട്ടാ​ണ്​ ഇ​പ്പോ​ള്‍ പു​റ​ത്തു​വ​ന്ന​ത്. ബാ​ങ്കി​ല്‍ ന​ട​ന്ന എ​ല്ലാ​ത്ത​രം ത​ട്ടി​പ്പു​ക​ളും അ​ക്ക​മി​ട്ടു​നി​ര​ത്തു​ന്ന​താ​ണ് അ​ടൂ​ര്‍ അ​സി. ര​ജി​സ്ട്രാ​ര്‍ (ജ​ന​റ​ല്‍) ഓ​ഫീ​സി​ലെ യൂ​ണി​റ്റ് ഇ​ന്‍സ്പെ​ക്ട​ര്‍ ബി. ​സി​നു സ​മ​ര്‍പ്പി​ച്ച റി​പ്പോ​ര്‍ട്ട്.

അ​ക്കൗ​ണ്ട് ഉ​ട​മ​ക​ള്‍ അ​റി​യാ​തെ​യു​ള്ള ഓ​വ​ര്‍ ഡ്രോ​വ​ല്‍, സ്ഥി​ര നി​ക്ഷേ​പ​ത്തി​ല്‍ നി​ന്നു​ള്ള വാ​യ്പ, ജീ​വ​ന​ക്കാ​രു​ടെ കു​ടും​ബാം​ഗ​ങ്ങ​ളു​ടെ പേ​രി​ല്‍ എ​ടു​ത്ത ല​ക്ഷ​ക്ക​ണ​ക്കി​ന് രൂ​പ​യു​ടെ വാ​യ്പ തി​രി​ച്ച​ട​ക്കാ​തി​രി​ക്കു​ക എ​ന്നി​ങ്ങ​നെ വി​വി​ധ​ങ്ങ​ളാ​യ ക്ര​മ​ക്കേ​ടു​ക​ളാ​ണ് അ​ക്ക​മി​ട്ട് നി​ര​ത്തി​യി​രി​ക്കു​ന്ന​ത്.

ബാ​ങ്കി​ന്‍റെ ആ​സ്ഥാ​ന ഓ​ഫീ​സി​ലും മി​ത്ര​പു​രം, അ​ടൂ​ര്‍ ഹൈ​സ്‌​കൂ​ള്‍ ജ​ങ്ഷ​ന്‍ ശാ​ഖ​ക​ളി​ലും ന​ട​ന്ന വ്യാ​പ​ക ത​ട്ടി​പ്പി​ലൂ​ടെ കോ​ടി​ക​ളു​ടെ ബാ​ധ്യ​ത​യാ​ണ് ബാ​ങ്കി​ന് ഉ​ണ്ടാ​യ​ത്. 2016 ഏ​പ്രി​ല്‍ ഒ​ന്നു​മു​ത​ല്‍ 2020 ആ​ഗ​സ്റ്റ് 20 വ​രെ കാ​ല​യ​ള​വി​ലെ ല​ഭ്യ​മാ​യ രേ​ഖ​ക​ള്‍ മാ​ത്ര​മാ​ണ് പ​രി​ശോ​ധ​ന​ക്ക്​ വി​ധേ​യ​മാ​ക്കി​യ​ത്. ജീ​വ​ന​ക്കാ​രും ഭ​ര​ണ സ​മി​തി അം​ഗ​ങ്ങ​ളും ത​ങ്ങ​ളു​ടെ ബ​ന്ധു​ക്ക​ളു​ടെ പേ​രി​ലെ​ടു​ത്ത വാ​യ്പ​ക​ളൊ​ന്നും ത​ന്നെ തി​രി​ച്ച​ട​ച്ചി​ട്ടി​ല്ല.

മി​ത്ര​പു​രം ശാ​ഖ​യി​ലെ ജീ​വ​ന​ക്കാ​ര​നും സാ​മ്പ​ത്തി​ക ക്ര​മ​ക്കേ​ടി​ന്റെ പേ​രി​ല്‍ പി​ന്നീ​ട് പി​രി​ച്ചു വി​ടു​ക​യും ചെ​യ്ത ഗി​രീ​ഷ് കൃ​ഷ്ണ​ന്‍, ഹൈ​സ്‌​കൂ​ള്‍ ജ​ങ്ഷ​ന്‍ ശാ​ഖ​യി​ല്‍ നി​ന്ന് സ​സ്പെ​ന്‍ഡ് ചെ​യ്യ​പ്പെ​ട്ട മാ​നേ​ജ​ര്‍ എ​സ്. ഷീ​ല, പ്യൂ​ണ്‍ മു​കേ​ഷ് ഗോ​പി​നാ​ഥ്, സെ​ക്ര​ട്ട​റി ഇ​ന്‍ ചാ​ര്‍ജ് കെ. ​പ്ര​സ​ന്ന​കു​മാ​ര്‍ എ​ന്നി​വ​ര്‍ ബ​ന്ധു​ക്ക​ളു​ടെ പേ​രി​ല്‍ ചി​ട്ടി, വാ​യ്പ ഇ​ന​ത്തി​ല്‍ വ​ന്‍ തു​ക​ക​ള്‍ കൈ​പ്പ​റ്റി​യി​ട്ടു​ണ്ട്.

ഇ​തൊ​ന്നും യ​ഥാ​സ​മ​യം തി​രി​ച്ച​ട​ച്ചി​ട്ടി​ല്ല. ഹൈ​സ്‌​കൂ​ള്‍ ജ​ങ്ഷ​ന്‍ ശാ​ഖാ മാ​നേ​ജ​ര്‍ ആ​യി​രു​ന്ന എ​സ്. ഷീ​ല​യു​ടെ ഭ​ര്‍ത്താ​വ് ജ​യ​കു​മാ​റി​ന്‍റെ പേ​രി​ല്‍ ചി​ട്ടി, വി​വി​ധ വാ​യ്പ എ​ന്നി​വ​യു​ടെ ബാ​ധ്യ​ത 10,8100 രൂ​പ​യാ​ണ്. ഹൈ​സ്‌​കൂ​ള്‍ ജ​ങ്ഷ​ന്‍ ശാ​ഖ​യി​ലെ പ്യൂ​ണ്‍ മു​കേ​ഷ് ഗോ​പി​നാ​ഥ്, മാ​താ​വ് രാ​ധ​മ്മ, സു​ഹൃ​ത്തും ബ​ന്ധു​വു​മാ​യ ര​ഞ്ജി​ത്ത്, മു​കേ​ഷി​ന്‍റെ ഭാ​ര്യ ചി​പ്പി മോ​ഹ​ന്‍, ഭാ​ര്യാ​മാ​താ​വ് ഗീ​താ മോ​ഹ​ന്‍, ജ്യേ​ഷ്ഠ​ഭാ​ര്യ ആ​ശ ഉ​മേ​ഷ് എ​ന്നി​വ​രു​ടെ പേ​രി​ല്‍ ചി​ട്ടി, വി​വി​ധ ത​രം വാ​യ്പ എ​ന്നി​വ​യി​ലൂ​ടെ ഉ​ണ്ടാ​ക്കി​യ ബാ​ധ്യ​ത ല​ക്ഷ​ങ്ങ​ളാ​ണ്.

രാ​ധ​മ്മ-14,30,782, ര​ഞ്ജി​ത്ത്- 12,44,965, ചി​പ്പി മോ​ഹ​ന്‍- 65,000, ആ​ശ ഉ​മേ​ഷ്- 87,000, ഗീ​ത​മോ​ഹ​ന്‍- 2,92,500 എ​ന്നി​ങ്ങ​നെ​യാ​ണ് ബാ​ധ്യ​ത. ആ​കെ 32,20,747 രൂ​പ വ​രും. മി​ത്ര​പു​രം ശാ​ഖ​യി​ല്‍ സീ​നി​യ​ര്‍ ക്ലാ​ര്‍ക്കാ​യി സേ​വ​നം അ​നു​ഷ്ഠി​ച്ചി​രു​ന്ന ഗി​രീ​ഷ് കൃ​ഷ്ണ​ന്‍, മാ​താ​വ് ഇ​ന്ദി​ര ഗോ​പാ​ല​കൃ​ഷ്ണ​ന്‍, പി​താ​വ് ഗോ​പാ​ല​കൃ​ഷ്ണ​പി​ള്ള, ഭാ​ര്യാ​മാ​താ​വ് ഷൈ​ല​ജ എ​ന്നി​വ​രു​ടെ പേ​രി​ല്‍ വാ​യ്പ എ​ടു​ത്തും ചി​ട്ടി പി​ടി​ച്ചു​മു​ണ്ടാ​ക്കി​യ ബാ​ധ്യ​ത 33,51,644 രൂ​പ​യു​ടേ​താ​ണ്.

സെ​ക്ര​ട്ട​റി ഇ​ന്‍ ചാ​ര്‍ജ് പ്ര​സ​ന്ന​കു​മാ​ര്‍, ഭാ​ര്യ ജി​നു പ്ര​സ​ന്ന​ന്‍, മാ​താ​വ് സ​രോ​ജി​നി, മ​ക​ന്‍ കെ.​പി. ഷൈ​ന്‍ എ​ന്നി​വ​രു​ടെ പേ​രി​ല്‍ ഉ​ണ്ടാ​ക്കി​യി​ട്ടു​ള്ള ആ​കെ ബാ​ധ്യ​ത 23,13,863 രൂ​പ​യാ​ണ്. ഇ​ങ്ങ​നെ ജീ​വ​ന​ക്കാ​ര്‍ക്ക് മാ​ത്രം ബാ​ങ്കി​ലു​ള്ള ബാ​ധ്യ​ത 98.67 ല​ക്ഷം രു​പ​യു​ടേ​താ​ണ്. അ​ടൂ​ര്‍ ഹൈ​സ്‌​കൂ​ള്‍ ജ​ങ്ഷ​ന്‍ ശാ​ഖ​യി​ല്‍ 55 സേ​വി​ങ്സ് ബാ​ങ്ക് നി​ക്ഷേ​പ​ങ്ങ​ളി​ലാ​ണ് ക്ര​മ​ക്കേ​ട് ന​ട​ന്ന​ത്.

നി​ക്ഷേ​പ​ക​രു​ടെ അ​റി​വോ സ​മ്മ​ത​മോ കൂ​ടാ​തെ ചെ​ക്കും വൗ​ച്ച​റും ച​മ​ച്ച് 36,57,552 രൂ​പ അ​പ​ഹ​രി​ച്ചു. മി​ത്ര​പു​രം ശാ​ഖ​യി​ല്‍ സീ​നി​യ​ര്‍ ക്ലാ​ര്‍ക്കാ​യി​രു​ന്ന ഗീ​രീ​ഷ് കൃ​ഷ്ണ​നും സ​മാ​ന ത​ട്ടി​പ്പ് ന​ട​ത്തി​യി​ട്ടു​ണ്ട്. ക്ര​മ​ക്കേ​ടിനെ കുറിച്ച്​ അ​റി​യാ​മാ​യി​രു​ന്ന ജൂ​നി​യ​ര്‍ ക്ലാ​ര്‍ക്ക് ധ​ന്യ അ​ക്കാ​ര്യം വേ​ണ്ട​പ്പെ​ട്ട​വ​രെ അ​റി​യി​ച്ചു​മി​ല്ല.

സ്ഥി​ര​നി​ക്ഷേ​പ​ത്തി​ല്‍ നി​ന്ന് നി​ക്ഷേ​പ​ക​ര്‍ അ​റി​യാ​തെ വ്യാ​ജ​രേ​ഖ ച​മ​ച്ച് വാ​യ്പ എ​ടു​ത്തു​വെ​ന്ന​താ​ണ് മ​റ്റൊ​രു ത​ട്ടി​പ്പ്. ഹൈ​സ്‌​കൂ​ള്‍ ജ​ങ്ഷ​ന്‍ ശാ​ഖ​യി​ലെ പ്യൂ​ണ്‍ മു​കേ​ഷ് ഗോ​പി​നാ​ഥാ​ണ് ഇ​ത്ത​ര​ത്തി​ൽ ത​ട്ടി​പ്പ് ന​ട​ത്തി​യ​ത്. ത​ന്റെ ഒ​പ്പു​ക​ള്‍ വ്യാ​ജ​മാ​യി ഇ​ട്ടാ​ണ് മു​കേ​ഷ് ക്ര​മ​ക്കേ​ട് ന​ട​ത്തി​യ​തെ​ന്ന് മാ​നേ​ജ​ര്‍ ഷീ​ല മൊ​ഴി ന​ല്‍കി. മു​ത​ലും പ​ലി​ശ​യും ഉ​ള്‍പ്പെ​ടെ 29,54,538 രൂ​പ മു​കേ​ഷും ഷീ​ല​യും തു​ല്യ​മാ​യി അ​ട​യ്ക്കാ​ന്‍ റി​പ്പോ​ര്‍ട്ടി​ല്‍ നി​ര്‍ദേ​ശി​ച്ചി​ട്ടു​ണ്ട്.

ത​ട്ടി​പ്പു​മാ​യി ബ​ന്ധ​പ്പെ​ട്ട് ഹൈ​സ്‌​കൂ​ള്‍ ജ​ങ്ഷ​ന്‍ മാ​നേ​ജ​ര്‍ ഷീ​ല, പ്യൂ​ണ്‍ മു​കേ​ഷ് ഗോ​പി​നാ​ഥ് എ​ന്നി​വ​രെ പ്ര​തി​ക​ളാ​ക്കി അ​ടൂ​ര്‍ പൊ​ലീ​സ് കേ​സ് ര​ജി​സ്റ്റ​ര്‍ ചെ​യ്തി​ട്ടു​ണ്ട്. ത​ട്ടി​പ്പി​ന്റെ ഉ​ത്ത​ര​വാ​ദി​ത്തം മു​ഴു​വ​ന്‍ മു​കേ​ഷ് ഏ​റ്റെ​ടു​ത്തി​ട്ടു​ണ്ട്. ഇ​യാ​ളെ പൊ​ലീ​സ് അ​റ​സ്റ്റ് ചെ​യ്തി​രു​ന്നു.