ആചാരപ്പെരുമയില്‍ ആറന്മുളയിൽ അഷ്​ടമിരോഹിണി വള്ളസദ്യ

പ​ത്ത​നം​തി​ട്ട: ആ​ചാ​ര​പ്പെ​രു​മ​യി​ല്‍ ആ​റ​ന്മു​ള പാ​ര്‍ഥ​സാ​ര​ഥി ക്ഷേ​ത്ര​ത്തി​ൽ അ​ഷ്​​ട​മി​രോ​ഹി​ണി വ​ള്ള​സ​ദ്യ ന​ട​ന്നു. കോ​വി​ഡ് നി​യ​ന്ത്ര​ണ​ങ്ങ​ള്‍ പാ​ലി​ച്ചാ​യി​രു​ന്നു ച​രി​ത്ര​പ്ര​സി​ദ്ധ​മാ​യ വ​ള്ള​സ​ദ്യ.

52 പ​ള്ളി​യോ​ട​ങ്ങ​ൾ​വ​രെ എ​ത്തു​ന്ന സ്​​ഥാ​ന​ത്ത്​ കീ​ഴ്‌​വ​ന്മ​ഴി, മാ​രാ​മ​ണ്‍, കോ​ഴ​ഞ്ചേ​രി എ​ന്നീ മൂ​ന്ന് പ​ള്ളി​യോ​ട​ങ്ങ​ള്‍ക്കാ​യി സ​ദ്യ പ​രി​മി​ത​പ്പെ​ടു​ത്തി​യി​രു​ന്നു.

യ​ഥാ​ക്ര​മം ക്ഷേ​ത്ര പ​രി​സ​ര​ത്തെ ഇ​ട​ശ്ശേ​രി​മ​ല എ​ൻ.​എ​സ്.​എ​സ്​ ക​ര​യോ​ഗ മ​ന്ദി​രം, പാ​ഞ്ച​ജ​ന്യം ഓ​ഡി​റ്റോ​റി​യം, വി​നാ​യ​ക ഓ​ഡി​റ്റോ​റി​യം എ​ന്നി​വി​ട​ങ്ങ​ളി​ലാ​യാ​ണ്​ വ​ള്ള​സ​ദ്യ ഒ​രു​ക്കി​യ​ത്. ആ​ദ്യം എ​ത്തി​യ​ത് കോ​ഴ​ഞ്ചേ​രി പ​ള്ളി​യോ​ട​മാ​യി​രു​ന്നു. തു​ട​ര്‍ന്ന് കീ​ഴ്‌​വ​ന്മ​ഴി​യും മാ​രാ​മ​ണും എ​ത്തി. പ​ള്ളി​യോ​ട സേ​വാ​സം​ഘം ഭാ​ര​വാ​ഹി​ക​ളു​ടെ നേ​തൃ​ത്വ​ത്തി​ല്‍ പ​ള്ളി​യോ​ട ക​ര​ക്കാ​രെ വെ​റ്റ, പു​ക​യി​ല ന​ല്‍കി സ്വീ​ക​രി​ച്ചു.

ഉ​ച്ച​പൂ​ജ​ക്ക്​ ശേ​ഷം 12 മ​ണി​യോ​ടെ ക്ഷേ​ത്ര​ത്തി​ലെ ഗ​ജ മ​ണ്ഡ​പ​ത്തി​ല്‍ തി​രു​വി​താം​കൂ​ര്‍ ദേ​വ​സ്വം ബോ​ര്‍ഡ് പ്ര​സി​ഡ​ൻ​റ്​ അ​ഡ്വ. എ​ന്‍. വാ​സു ദീ​പം കൊ​ളു​ത്തി വ​ള്ള​സ​ദ്യ ഉ​ദ്ഘാ​ട​നം ചെ​യ്തു. മ​ന്ത്രി വീ​ണാ ജോ​ര്‍ജ് മു​ഖ്യാ​തി​ഥി​യാ​യി​രു​ന്നു. പാ​ഞ്ച​ജ​ന്യം സു​വ​നീ​ര്‍ പ്ര​മോ​ദ് നാ​രാ​യ​ണ​ന്‍ എം.​എ​ൽ.​എ ക്ക്​ ​ന​ല്‍കി ജി​ല്ല പ​ഞ്ചാ​യ​ത്ത് പ്ര​സി​ഡ​ൻ​റ്​ അ​ഡ്വ. ഓ​മ​ല്ലൂ​ര്‍ ശ​ങ്ക​ര​ന്‍ പ്ര​കാ​ശ​നം ചെ​യ്തു. പ​ള്ളി​യോ​ട സേ​വാ​സം​ഘം പ്ര​സി​ഡ​ൻ​റ്​ കെ.​എ​സ്. രാ​ജ​ന്‍ അ​ധ്യ​ക്ഷ​ത വ​ഹി​ച്ചു.

ന​യ​മ്പു​ക​ളും മു​ത്തു​ക്കു​ട​യും ഏ​ന്തി വ​ഞ്ചി​പ്പാ​ട്ടി​െൻറ ഘ​ന ഗാം​ഭീ​ര്യ​മാ​ര്‍ന്ന ശ​ബ്​​ദം മു​ഴ​ങ്ങി​യ അ​ന്ത​രീ​ക്ഷ​ത്തി​ല്‍ ക്ഷേ​ത്ര​ത്തി​ന് പ്ര​ദ​ക്ഷി​ണം ​െവ​ച്ച ക​ര​ക്കാ​ര്‍ നി​ശ്ച​യി​ച്ച സ്ഥ​ല​ങ്ങ​ളി​ല്‍ വ​ള്ള​സ​ദ്യ​ക്ക്​ ഇ​രു​ന്നു.

പൊ​ന്‍പ്ര​കാ​ശം ചൊ​രി​യു​ന്ന വി​ള​ക്ക​ത്ത് വി​ള​മ്പ​ണം എ​ന്ന് പാ​ടി​യ​തോ​ടെ ദീ​പം കൊ​ളു​ത്തി തൂ​ശ​നി​ല​യി​ട്ട് വി​ഭ​വ​ങ്ങ​ള്‍ വി​ള​മ്പി തു​ട​ങ്ങി. വ​ള്ള​സ​ദ്യ​ക്ക്​ ശേ​ഷം കൊ​ടി​മ​ര ചു​വ​ട്ടി​ല്‍ പ​റ ത​ളി​ച്ച് ച​ട​ങ്ങ് പൂ​ര്‍ത്തി​യാ​ക്കി മൂ​ന്ന​ര​യോ​ടെ പ​ള്ളി​യോ​ട​ങ്ങ​ള്‍ മ​ട​ങ്ങി.

ക​ല​ക്ട​ര്‍ ദി​വ്യ എ​സ്. അ​യ്യ​ര്‍, ജി​ല്ല പ​ഞ്ചാ​യ​ത്ത് ആ​രോ​ഗ്യ - വി​ദ്യാ​ഭ്യാ​സ സ്​​റ്റാ​ന്‍ഡി​ങ്​ ക​മ്മി​റ്റി ചെ​യ​ര്‍മാ​ന്‍ ആ​ര്‍. അ​ജ​യ​കു​മാ​ര്‍, പ​ള്ളി​യോ​ട സേ​വാ​സം​ഘം സെ​ക്ര​ട്ട​റി പാ​ര്‍ഥ​സാ​ര​ഥി ആ​ര്‍. പി​ള്ള, മു​ന്‍ ദേ​വ​സ്വം ബോ​ര്‍ഡ് പ്ര​സി​ഡ​ൻ​റ്​ എ. ​പ​ത്മ​കു​മാ​ര്‍, മു​ൻ എം.​എ​ൽ.​എ മാ​ലേ​ത്ത് സ​ര​ളാ​ദേ​വി തു​ട​ങ്ങി​യ​വ​രും പ​ങ്കെ​ടു​ത്തു.