വികസനം വഴിതൊടാതെ അത്തിക്കയം-കുടമുരുട്ടി റോഡ്

വ​ട​ശ്ശേ​രി​ക്ക​ര: അ​ര​നൂ​റ്റാ​ണ്ടി​ലേ​റെ​യാ​യി വി​ക​സ​നം ക​ട​ന്നു​ചെ​ല്ലാ​തെ അ​ത്തി​ക്ക​യം-​കു​ട​മു​രു​ട്ടി റോ​ഡ്. പ​തി​റ്റാ​ണ്ടു​ക​ൾ​ക്ക് മു​മ്പേ ടാ​ർ ചെ​യ്ത പെ​രു​നാ​ട്-​പെ​രു​ന്തേ​ന​രു​വി റോ​ഡി​ലെ അ​ത്തി​ക്ക​യം മു​ത​ൽ കു​ട​മു​രു​ട്ടി​വ​രെ​യു​ള്ള ഭാ​ഗ​മാ​ണ് കു​പ്പി​ക്ക​ഴു​ത്തു​പോ​ലെ ഇ​ടു​ങ്ങി​യ വ​ള​വു​ക​ളും തി​രി​വു​ക​ളു​മാ​യി അ​പ​ക​ടാ​വ​സ്ഥ​യി​ൽ തു​ട​രു​ന്ന​ത്.

അ​ഞ്ചു പ​തി​റ്റാ​ണ്ടു​മു​മ്പ്​ തോ​ണി​ക്ക​ട​വു​വ​രെ മാ​ത്രമാണ്​ ടാ​ർ ചെ​യ്തിരുന്നത്​. പെ​രു​നാ​ട്-​പെ​രു​ന്തേ​ന​രു​വി റോ​ഡ് 30 വ​ർ​ഷം മു​മ്പാ​ണ് എ​ട്ടു​മീ​റ്റ​ർ വീ​തി​യി​ൽ കു​ട​മു​രു​ട്ടി​വ​രെ​യും പി​ന്നീ​ട് ച​ണ്ണ​വ​രെ​യും ടാ​ർ ചെ​യ്യു​ന്ന​ത്. അ​തി​നും വ​ർ​ഷ​ങ്ങ​ൾ​ക്കു മു​മ്പ്​ ഉ​ന്ന​ത്താ​നി​യി​ലും വ​ന്നി​രി​പ്പ​ൻ​മൂ​ഴി​യി​ലും ഓ​രോ ക​ലു​ങ്കു​ക​ൾ പ​ണി​യു​ക​യും പി​ന്നീ​ട് റോ​ഡി​ന്റെ വ​ശ​ങ്ങ​ളി​ൽ ചി​ല ക​രി​ങ്ക​ൽ​ക്കെ​ട്ടു​ക​ൾ നി​ർ​മി​ക്കു​ക​യും ചെ​യ്തി​രു​ന്നു. ജ​ന​സാ​ന്ദ്ര​ത​യും വാ​ഹ​ന​ങ്ങ​ളു​ടെ എ​ണ്ണ​വും ഏ​റെ വ​ർ​ധി​ച്ചി​ട്ടും ജി​ല്ല​യി​ലെ പ്ര​ധാ​ന വി​നോ​ദ​സ​ഞ്ചാ​ര കേ​ന്ദ്ര​മാ​യ പെ​രു​ന്തേ​ന​രു​വി​യി​ലേ​ക്കു ക​ട​ന്നു​പോ​കു​ന്ന ഈ ​റോ​ഡി​ൽ ഒ​രു പ്ര​വ​ർ​ത്ത​ന​വും ന​ട​ന്നി​ട്ടി​ല്ല.

അ​ര​നൂ​റ്റാ​ണ്ടി​നു​ള്ളി​ൽ വി​ക​സി​പ്പി​ക്കാ​നു​ള്ള ഒ​രു ശ്ര​മ​ങ്ങ​ളും പൊ​തു​മ​രാ​മ​ത്ത്​ വ​കു​പ്പി​ന്റെ ഭാ​ഗ​ത്തു​നി​ന്നോ ജ​ന​പ്ര​തി​നി​ധി​ക​ളു​ടെ ഭാ​ഗ​ത്തു​നി​ന്നോ ഉ​ണ്ടാ​യി​ട്ടി​ല്ല. ഈ ​കാ​ല​യ​ള​വി​നു​ള്ളി​ൽ ത്രി​ത​ല പ​ഞ്ചാ​യ​ത്തു​ക​ളി​ൽ​നി​ന്നും എം.​പി എം.​എ​ൽ.​എ ഫ​ണ്ടു​ക​ളി​ൽ നി​ന്നും സ​മീ​പ​പ്ര​ദേ​ശ​ങ്ങ​ളി​ലെ റോ​ഡു​ക​ൾ​ക്ക് ഒ​ന്നി​ല​ധി​കം ത​വ​ണ ഫ​ണ്ട് അ​നു​വ​ദി​ച്ചി​ട്ടും പെ​രു​നാ​ട്-​പെ​രു​ന്തേ​ന​രു​വി റോ​ഡി​നെ ത​ഴ​യു​ക​യാ​യി​രു​ന്നു.

എ​ല്ലാ സീ​സ​ണു​ക​ളി​ലും നൂ​റു​ക​ണ​ക്കി​ന് വി​നോ​ദ​സ​ഞ്ചാ​രി​ക​ളെ​ത്തു​ന്നു​ണ്ട്​ പെ​രു​ന്തേ​ന​രു​വി​യി​ലേ​ക്ക്.പ്ര​ള​യ​നാ​ന്ത​ര വി​ക​സ​ന​ത്തി​ന്റെ ഭാ​ഗ​മാ​യി താ​ലൂ​ക്കി​ലെ ജ​ന​സാ​ന്ദ്ര​ത കു​റ​ഞ്ഞ മേഖലകളിലെ റോ​ഡു​ക​ൾ​പോ​ലും വ​ൻ​തു​ക മു​ട​ക്കി വി​ക​സി​പ്പി​ക്കാ​ൻ തീ​രു​മാ​നി​ച്ചി​ട്ടും ഇ​വി​ടു​ത്ത​ക്കാ​ർ​ക്ക്​ പു​റം​ലോ​ക​വു​മാ​യി ബ​ന്ധ​പ്പെ​ടാ​ൻ ആ​കെ​യു​ള്ള മാ​ർ​ഗ​മാ​യ കു​ട​മു​രു​ട്ടി-​അ​ത്തി​ക്ക​യം റോ​ഡ് വി​ക​സി​പ്പി​ക്കാ​ൻ ന​ട​പ​ടി​യു​ണ്ടാ​യി​ല്ല. ഒ​രേ സ​മ​യം ര​ണ്ടു വാ​ഹ​ന​ങ്ങ​ൾ നേ​ർ​ക്കു​നേ​ർ വ​ന്നാ​ൽ സൈ​ഡ് കൊ​ടു​ക്കാ​ൻ​പോ​ലും വീ​തി​യി​ല്ലാ​ത്ത ഈ ​റോ​ഡി​നെ ആ​ശ്ര​യി​ച്ചു നൂ​റു​ക​ണ​ക്കി​ന് കു​ടും​ബ​ങ്ങ​ൾ ക​ഴി​യു​ന്നു​ണ്ട്