വടശ്ശേരിക്കരയിൽ രണ്ടിടത്ത് മോഷണശ്രമം

വടശ്ശേരിക്കര: വടശ്ശേരിക്കര ടൗണിലെ രണ്ടിടത്ത് ശനിയാഴ്ച രാത്രി മോഷണശ്രമം. ഇന്ത്യൻ ഓയിൽ പമ്പിന് എതിർവശത്തെ ശ്രീനിലയത്തിൽ ശ്രീധരൻ നായരുടെ സ്റ്റേഷനറി കടയിൽ മോഷണശ്രമം നടന്നു. കടയുടെ ഇരുമ്പ് ഗ്രിൽ പൊളിച്ച് അകത്തുകടന്ന മോഷ്ടാവ് ഷട്ടറിന്റെ പൂട്ട് പൊളിക്കാൻ ശ്രമിച്ചെങ്കിലും സാധിച്ചില്ല. സാധന സാമഗ്രികൾ വലിച്ചുവാരി ഇട്ടിട്ടുണ്ട്.

വടശ്ശേരിക്കര ചെറുകാവ് ക്ഷേത്രത്തിന് സമീപമുള്ള കടയിലും രാത്രി മോഷണശ്രമം നടന്നെങ്കിലും. സാധനങ്ങളൊന്നും നഷ്ടപ്പെട്ടിട്ടില്ല. കടയുടമകൾ പെരുനാട് പൊലീസിൽ പരാതി നൽകി.