ബെയ്​ലി പാലം പത്തനംതിട്ടക്ക് സുപരിചിതം

മൂ​ന്നിടത്ത്​ ബെ​യ്​​ലി പാ​ലം തു​റ​ന്ന ഏ​ക ജി​ല്ല​

പ​ത്ത​നം​തി​ട്ട: ഉ​രു​ൾ ക​വ​ർ​ന്നെ​ടു​ത്ത വ​യ​നാ​ട്​ മേ​പ്പാ​ടി​യി​ൽ ഉ​യ​ർ​ന്ന ബെ​യ്​​ലി പാ​ലം വാ​ർ​ത്ത​ക​ളി​ൽ നി​റ​യു​മ്പോ​ൾ കേ​ര​ള​ത്തി​ൽ സൈ​ന്യം ആ​ദ്യ​മാ​യി ബെ​യ്​​ലി പാ​ലം നി​ർ​മി​ച്ച​ത് റാ​ന്നി​യി​ലെ​ന്ന്​ ഓ​രോ പ​ത്ത​നം​തി​ട്ട​ക്കാ​ര​നും അ​ഭി​മാ​ന​ത്തോ​ടെ പ​റ​യും. മൂ​ന്ന്​ പ്ര​ദേ​ശ​ങ്ങ​ളി​ൽ ബെ​യ്​​ലി പാ​ലം തു​റ​ന്ന ഏ​ക ജി​ല്ല​യും പ​ത്ത​നം​തി​ട്ട​യാ​ണ്. പു​ന​ലൂ​ർ-​മൂ​വാ​റ്റു​പു​ഴ സം​സ്ഥാ​ന​പാ​ത​യി​ൽ പ​മ്പാ​ന​ദി​ക്കു കു​റു​കെ​യാ​ണ് 1996ൽ ​ബെ​യ്​​ലി പാ​ലം വ​ന്ന​ത്.

1996 ജൂ​ലൈ 29ന് ​റാ​ന്നി വ​ലി​യ​പാ​ലം അ​പ്ര​തീ​ക്ഷി​ത​മാ​യി ത​ക​ർ​ന്നു. പ്ര​ധാ​ന പാ​ത​യി​ലെ ത​ട​സ്സം യാ​ത്രാ ത​ട​സ്സം സൃ​ഷ്ടി​ച്ചു. റാ​ന്നി​യും മ​ല​യോ​ര ജി​ല്ല​യാ​യ പ​ത്ത​നം​തി​ട്ട​യും ര​ണ്ടാ​യി വി​ഭ​ജി​ക്ക​പ്പെ​ട്ടു. ബോ​ട്ടി​ലും വ​ള്ള​ത്തി​ലു​മൊ​ക്കെ​യാ​യി ന​ദി കു​റു​കെ ക​ട​ന്നു​ള്ള യാ​ത്ര അ​പ​ക​ട​ങ്ങ​ളും ക്ഷ​ണി​ച്ചു​വ​രു​ത്തി. ശ​ബ​രി​മ​ല തീ​ർ​ഥാ​ട​ന പാ​ത​യെ​ന്ന പ​രി​ഗ​ണ​ന​യി​ലാ​ണ് റാ​ന്നി​യി​ൽ ബെ​യ്​​ലി പാ​ലം നി​ർ​മാ​ണ​ത്തി​ന്‍റെ സാ​ധ്യ​ത ആ​രാ​ഞ്ഞ​ത്.

റാ​ന്നി മു​ൻ എം.​എ​ൽ.​എ രാ​ജു എ​ബ്ര​ഹാ​മി​ന്റെ ഇ​ട​പെ​ട​ലി​ന്റെ ഫ​ല​മാ​യി അ​ന്ന​ത്തെ നാ​യ​നാ​ർ സ​ർ​ക്കാ​ർ ഉ​ട​ൻ സ്ഥി​തി വി​ല​യി​രു​ത്തി. യാ​ത്രാ സൗ​ക​ര്യം പു​നഃ​സ്ഥാ​പി​ക്കാ​നു​ള്ള ന​ട​പ​ടി സ്വീ​ക​രി​ച്ചു. ഈ ​സാ​ഹ​ച​ര്യ​ത്തി​ലാ​ണ് സം​സ്ഥാ​ന​ത്തെ ആ​ദ്യ​ത്തെ ബെ​യ്‌​ലി പാ​ലം നി​ർ​മി​ക്കാ​നു​ള്ള തീ​രു​മാ​നം കൈ​ക്കൊ​ണ്ട​ത്. ഇ​തി​നി​ടെ റാ​ന്നി വ​ലി​യ പാ​ലം ത​ക​ർ​ന്നി​ട്ട്​ ബു​ധ​നാ​ഴ്ച 28 വ​ർ​ഷം തി​ക​ഞ്ഞു.

ഏ​നാ​ത്തും വ​ന്നു ബെ​യ്​​ലി പാ​ലം

എം.​സി റോ​ഡി​ൽ പ​ത്ത​നം​തി​ട്ട-​കൊ​ല്ലം ജി​ല്ല​ക​ളെ ബ​ന്ധി​പ്പി​ക്കു​ന്ന ഏ​നാ​ത്ത് പാ​ലം ത​ക​ർ​ന്ന​തി​നെ തു​ട​ർ​ന്നു​ണ്ടാ​യ യാ​ത്ര​ക്ലേ​ശം പ​രി​ഹ​രി​ക്കു​ന്ന​തി​ന്​ ക​ല്ല​ട​യാ​റി​ന് കു​റു​കെ ബെ​യ്​​ലി പാ​ലം ഉ​യ​ർ​ന്നു. 2017 ജ​നു​വ​രി​യി​ലാ​ണ്​ ഏ​നാ​ത്തെ പാ​ല​ത്തി​ന്​ ബ​ല​ക്ഷ​യം സം​ഭ​വി​ച്ച​ത്. ഇ​ക്കാ​ല​യ​ള​വി​ൽ എം.​സി റോ​ഡി​ലെ ഗ​താ​ഗ​ത ത​ട​സ്സം ഒ​രു പ​രി​ധി​വ​രെ പ​രി​ഹ​രി​ക്കാ​ൻ ഇ​ത്​ ഉ​പ​കാ​ര​പ്പെ​ട്ടു. ചെ​റി​യ വാ​ഹ​ന​ങ്ങ​ൾ​ക്ക് മാ​ത്രം ക​ട​ന്നു പോ​കാ​ൻ സാ​ധി​ക്കു​ന്ന 55 മീ​റ്റ​ർ നീ​ള​വും 3.5 മീ​റ്റ​ർ വീ​തി​യു​മു​ള്ള ക്ലാ​സ് 18 വി​ഭാ​ഗ​ത്തി​ലു​ള്ള പാ​ല​മാ​യി​രു​ന്നു ഇ​ത്. മ​ദ്രാ​സ് എ​ൻ​ജി​നീ​യ​റി​ങ് ഗ്രൂ​പ്പി​ലെ 14ാം എ​ൻ​ജി​നീ​യ​റി​ങ് റെ​ജി​മെ​ന്റി​ന്‍റെ മേ​ൽ​നോ​ട്ട​ത്തി​ൽ 50 സൈ​നി​ക​രാ​ണ് നി​ർ​മാ​ണ പ്ര​വ​ർ​ത്ത​ന​ത്തി​ൽ ഏ​ർ​പ്പെ​ട്ട​ത്. അ​ഞ്ച് മാ​സ​ത്തോ​ളം ബെ​യ്‍ലി പാ​ല​ത്തി​ലൂ​ടെ​യാ​ണ് ചെ​റി​യ വാ​ഹ​ന​ങ്ങ​ൾ ക​ട​ന്നു പോ​യ​ത്. പി​ന്നീ​ട് പ​ഴ​യ പാ​ലം ന​വീ​ക​രി​ച്ച ശേ​ഷം ബെ​യ്‍ലി പാ​ലം പൊ​ളി​ച്ചു നീ​ക്കി.

ബെ​യ്​​ലി​യു​ടെ സ്വ​ന്തം പാ​ലം

ദു​ര​ന്ത​നി​വാ​ര​ണ​ത്തി​നും സൈ​നി​ക ആ​വ​ശ്യ​ത്തി​നും വേ​ണ്ടി​യാ​ണ് സാ​ധാ​ര​ണ​നി​ല​യി​ൽ ബെ​യ്​​ലി പാ​ലം നി​ർ​മി​ക്കു​ന്ന​ത്. മു​ൻ​കൂ​ട്ടി നി​ർ​മി​ച്ച ഗർഡുകൾ കൂ​ട്ടി​യോ​ജി​പ്പി​ച്ചാ​ണ് പാ​ലം നി​ർ​മി​ക്കു​ന്ന​ത്. ഇ​രു​മ്പു​കൊ​ണ്ട് മു​ൻ​കൂ​ട്ടി നി​ർ​മി​ച്ച ഭാ​ഗ​ങ്ങ​ൾ ഒ​രു സ്ഥ​ല​ത്തു​നി​ന്ന് മ​റ്റൊ​രു സ്ഥ​ല​ത്തേ​ക്ക് കൊ​ണ്ടു പോ​കാ​വു​ന്ന​താ​ണ്. നട്ടും ബോൾട്ടും ഉ​പ​യോ​ഗി​ച്ച് സ്പാ​നു​ക​ൾ ബ​ല​പ്പെ​ടു​ത്തും. ശേ​ഷം സ്പാ​നി​ന് മു​ക​ളി​ൽ ഇ​രു​മ്പ് പാ​ളി​ക​ൾ ഉ​റ​പ്പി​ക്കു​ന്ന​തോ​ടെ ബെ​യ്‍ലി പാ​ലം സ​ഞ്ചാ​ര​യോ​ഗ്യ​മാ​കും.

ബെ​യി​ലി പാ​ല​ത്തി​ന്റെ നി​ർ​മാ​ണ സാ​ങ്കേ​തി​ക​വി​ദ്യ 1940ൽ ​സ​ർ ഡൊ​ണാ​ൾ​ഡ് ബെ​യി​ലി എ​ന്ന ബ്രി​ട്ടീ​ഷ് എ​ൻ​ജി​നീ​യ​ർ രൂ​പ​ക​ൽ​പ​ന ചെ​യ്ത​താ​യി​രു​ന്നു. 1942ൽ ​ര​ണ്ടാം ലോ​ക​മ​ഹാ​യു​ദ്ധ​സ​മ​യ​ത്ത്, ബ്രി​ട്ടീ​ഷു​കാ​ര​നാ​യ ഡൊ​ണാ​ൾ​ഡ് ബെ​യി​ലി​യാ​ണ് ആ​ദ്യ​മാ​യി ഇ​ത്ത​ര​മൊ​രു പാ​ലം ഉ​ണ്ടാ​ക്കി​യ​ത്. അ​തു​കൊ​ണ്ടി​ത് ബെ​യ്​​ലി പാ​ല​മാ​യി. ര​ണ്ടാം ലോ​ക​യു​ദ്ധ കാ​ല​ത്ത് ഉ​ത്ത​ര ആ​ഫ്രി​ക്ക​യി​ൽ ബ്രി​ട്ടീ​ഷ് സൈ​നി​ക ആ​വ​ശ്യ​ത്തി​നാ​യാ​ണ് ഇ​തു​ണ്ടാ​ക്കി​യ​ത്. ബെ​യ്​​ലി പാ​ലം ഒ​രു താ​ൽ​ക്കാ​ലി​ക മു​ൻ കൂ​ട്ടി ത​യാ​റാ​ക്കി​യ മൊ​ഡു​ലാ​ർ പാ​ല​മാ​ണ്. ര​ണ്ടാം ലോ​ക​യു​ദ്ധ​ത്തി​നി​ട​യി​ൽ ഈ ​പാ​ല​ങ്ങ​ൾ സൈ​ന്യ​ത്തി​നു​വ​ള​രെ സ​ഹാ​യ​ക​ര​മാ​യി.

ക​ര​സേ​ന​യു​ടെ ആ​ദ്യ ബെ​യ്​ലി പാ​ലം

ക​ര​സേ​ന ആ​ദ്യ​മാ​യി നി​ർ​മി​ച്ച ബെ​യി​ലി പാ​ല​വും റാ​ന്നി​യി​ലേ​താ​യി. ഇ​ത് അ​ടി​യ​ന്ത​ര നി​ർ​മാ​ണ സാ​ങ്കേ​തി​ക​വി​ദ്യ​യു​ടെ പ്രാ​ധാ​ന്യം പ്ര​ക​ട​മാ​ക്കി​യ ഒ​രു ച​രി​ത്രം ത​ന്നെ​യാ​യി​രു​ന്നു.

പാ​ല​ത്തി​ലൂ​ടെ ബ​സു​ക​ള​ട​ക്കം വ​ലി​യ വാ​ഹ​ന​ങ്ങ​ളു​ടെ യാ​ത്ര അ​നു​വ​ദി​ച്ചി​രു​ന്നി​ല്ലെ​ങ്കി​ലും ചെ​റു​വാ​ഹ​ന​ങ്ങ​ൾ​ക്കും കാ​ൽ​ന​ട​ക്കാ​ർ​ക്കും ഇ​തു പ്ര​യോ​ജ​ന​പ്പെ​ട്ടു. 1996 ന​വം​ബ​ർ എ​ട്ടി​നാ​ണ് പാ​ലം യാ​ത്ര ആ​വ​ശ്യ​ത്തി​നാ​യി തു​റ​ന്നു കൊ​ടു​ത്ത​ത്. റാ​ന്നി​യി​ൽ പു​തി​യ പാ​ല​ത്തി​ന്‍റെ നി​ർ​മാ​ണം പൂ​ർ​ത്തീ​ക​രി​ക്കു​ന്ന​തു​വ​രെ ബെ​യ്​​ലി പാ​ലം ഉ​ണ്ടാ​യി​രു​ന്നു. അ​ന്ന് മു​ഖ്യ​മ​ന്ത്രി​യാ​യി​രു​ന്ന ഇ.​കെ. നാ​യ​നാ​ർ നേ​രി​ട്ടെ​ത്തി പാ​ലം കാ​ണു​ക​യും സൈ​നി​ക​രെ അ​ഭി​ന​ന്ദി​ക്കു​ക​യും ചെ​യ്തു.

ശ​ബ​രി​മ​ല​യി​ലും ബെ​യ്​​ലി പാ​ലം

ശ​ബ​രി​മ​ല സ​ന്നി​ധാ​ന​ത്ത് 2011 ന​വം​ബ​ർ ഏ​ഴി​ന് സൈ​ന്യം ബെ​യ്​​ലി പാ​ലം നി​ർ​മി​ച്ചി​ട്ടു​ണ്ട്. ദ​ർ​ശ​ന​ത്തി​നു​ശേ​ഷം തി​രി​കെ ക​ട​ത്തി​വി​ടു​ന്ന​തി​നു​വേ​ണ്ടി​യാ​ണ് പാ​ലം നി​ർ​മി​ച്ച​ത്.

സ​ന്നി​ധാ​ന​ത്തു​നി​ന്ന് ച​ന്ദ്രാ​ന​ന്ദ​ൻ റോ​ഡി​ലേ​ക്ക് ന​ട​പ്പ​ന്ത​ൽ വ​ഴി വ​രാ​തെ മ​ട​ങ്ങാ​നു​ള്ള പാ​ത​യാ​യി​ട്ടാ​ണ് ഇ​ത് നി​ർ​മി​ച്ച​ത്. എ​ന്നാ​ൽ, പി​ന്നീ​ട് ഉ​പ​യോ​ഗി​ക്കാ​തെ​യാ​യി. സ​ന്നി​ധാ​ന​ത്ത് നി​ർ​മി​ച്ച ബെ​യ്‌​ലി പാ​ലം ആ​ന്‍റോ ആ​ന്‍റ​ണി എം.​പി​യും മ​ദ്രാ​സ് എ​ൻ​ജി​നീ​യ​ർ ഗ്രൂ​പ് ഓ​ഫ് ഇ​ന്ത്യ​ൻ ആ​ർ​മി ക​മാ​ൻ​ഡ​ന്‍റ്​ ബ്രി​ഗേ​ഡി​യ​ർ ഗു​ർ​ദീ​പ് സി​ങ്ങും ചേ​ർ​ന്നാ​ണ്​ തു​റ​ന്ന​ത്.