അത്യാധുനിക റിഗ് മലയോര ജില്ലക്ക്​ സ്വന്തം; കര്‍ഷകര്‍ക്ക് കുഴല്‍കിണര്‍ നിര്‍മാണം ഇനി അതിവേഗം

പ​ത്ത​നം​തി​ട്ട: സം​സ്ഥാ​ന​ത്ത് അ​നു​വ​ദി​ച്ച ആ​റ്​ അ​ത്യാ​ധു​നി​ക കു​ഴ​ല്‍ കി​ണ​ര്‍ നി​ര്‍മാ​ണ യൂ​ണി​റ്റു​ക​ളി​ൽ ഒ​രെ​ണ്ണം പ​ത്ത​നം​തി​ട്ട ജി​ല്ല​ക്കും. ര​ണ്ട് വാ​ഹ​ന​ങ്ങ​ളി​ലാ​യാ​ണ് കു​ഴ​ല്‍ കി​ണ​ര്‍ യൂ​ണി​റ്റ് പ്ര​വ​ര്‍ത്തി​ക്കു​ന്ന​ത്. വാ​ഹ​നം ചെ​ല്ലു​ന്നി​ട​ത്ത് നി​ന്ന് നൂ​റു മീ​റ്റ​ര്‍ അ​ക​ലെ വ​രെ യൂ​നി​റ്റ് ഉ​പ​യോ​ഗി​ച്ച് നി​ര്‍മാ​ണ​പ്ര​വ​ര്‍ത്ത​ന​ങ്ങ​ള്‍ ന​ട​ത്താ​നാ​വും. 505 അ​ടി​യോ​ളം ആ​ഴ​ത്തി​ല്‍ റി​ഗ്ഗ് പ്ര​വ​ര്‍ത്തി​പ്പി​ക്കാ​നു​ള്ള സം​വി​ധാ​നം ഇ​തി​ലു​ണ്ട്. കാ​ര്‍ഷി​ക ആ​വ​ശ്യ​ങ്ങ​ള്‍ക്കും അ​തോ​ടൊ​പ്പം കു​ടി​വെ​ള്ള ക്ഷാ​മം നേ​രി​ടു​ന്ന പ്ര​ദേ​ശ​ങ്ങ​ളി​ല്‍ ജ​ല​സ്രോ​ത​സു​ക​ള്‍ കൂ​ടി പ്ര​യോ​ജ​ന​പ്പെ​ടു​ത്തി വേ​ഗ​ത്തി​ല്‍ കു​ഴ​ല്‍ കി​ണ​റു​ക​ള്‍ നി​ർ​മി​ക്കാ​നും പു​തി​യ യൂ​നി​റ്റു​ക​ള്‍ ഉ​പ​യോ​ഗി​ച്ച് സാ​ധി​ക്കും. കു​ഴ​ല്‍ കി​ണ​ര്‍ നി​ർ​മാ​ണ​ത്തി​നാ​യി വ​കു​പ്പി​നെ സ​മീ​പി​ക്കു​ന്ന ചെ​റു​കി​ട ക​ര്‍ഷ​ക​ര്‍ക്ക് സ​മ​യ​ബ​ന്ധി​ത​മാ​യി സേ​വ​നം ല​ഭ്യ​മാ​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് പ​ദ്ധ​തി ന​ട​പ്പാ​ക്കു​ന്ന​ത്. 12 ട്ര​ക്കു​ക​ളി​ലാ​യി ഘ​ടി​പ്പി​ച്ച ആ​റ് കു​ഴ​ല്‍ കി​ണ​ര്‍ നി​ര്‍മ്മാ​ണ യൂ​ണി​റ്റു​ക​ളാ​ണ് ഉ​ള്ള​ത്. സം​സ്ഥാ​ന സ​ര്‍ക്കാ​രി​ന്റെ ബ​ജ​റ്റ് വി​ഹി​ത​ത്തി​ല്‍ നി​ന്നും 6.74 കോ​ടി രൂ​പ ചെ​ല​വ​ഴി​ച്ചാ​ണ് അ​ധു​നി​ക സം​വി​ധാ​ന​ങ്ങ​ളു​ള്ള​തും കു​റ​ഞ്ഞ സ​മ​യ​ത്തി​ല്‍ നി​ര്‍മ്മാ​ണം പൂ​ര്‍ത്തീ​ക​രി​ക്കു​വാ​ന്‍ സാ​ധി​ക്കു​ന്ന​തു​മാ​യ റി​ഗ്ഗു​ക​ള്‍ വാ​ങ്ങി​യ​ത്. ഇ​ന്‍ഡോ​റി​ലു​ള്ള ശ്രീ​കൃ​ഷ്ണ എ​ന്‍ജി​നീ​യ​റി​ങ് ആ​ന്‍ഡ് ഹൈ​ഡ്രോ​ളി​ക് ക​മ്പ​നി​യാ​ണ് റി​ഗ്ഗു​ക​ള്‍ നി​ര്‍മ്മി​ച്ചു ന​ല്‍കി​യ​ത്.

ഉ​ദ്ഘാ​ട​നം ഇ​ന്ന്​ തു​ലാ​പ്പ​ള്ളി​യി​ൽ

റാ​ന്നി: കു​ഴ​ൽ​ക്കി​ണ​ർ നി​ർ​മാ​ണ​ണ യൂ​നി​റ്റി​ന്‍റെ ഉ​ദ്ഘാ​ട​നം വ്യാ​ഴാ​ഴ്ച വൈ​കു​ന്നേ​രം മൂ​ന്നി​ന്​ തു​ലാ​പ്പ​ള്ളി​യി​ൽ പ്ര​മോ​ദ് നാ​രാ​യ​ൺ എം.​എ​ൽ.​എ നി​ർ​വ​ഹി​ക്കും. ഒ​രു കോ​ടി​യി​ല​ധി​കം രൂ​പ​യാ​ണ് പ​ദ്ധ​തി​യു​ടെ ചി​ല​വ്. പെ​രു​നാ​ട് പ​ഞ്ചാ​യ​ത്ത്​ ഫ​ണ്ട് വി​നി​യോ​ഗി​ച്ചു തു​ലാ​പ്പ​ള്ളി ഗ​വ.​ആ​യു​ർ​വേ​ദ ഡി​സ്പെ​ൻ​സ​റി​യി​ൽ ഇ​തോ​ടൊ​പ്പം കു​ഴ​ൽ കി​ണ​റും നി​ർ​മി​ക്കു​മെ​ന്ന്​ ഭൂ​ജ​ല വ​കു​പ്പ് ഡ​യ​റ​ക്ട​ർ ബോ​ർ​ഡ് അം​ഗ​മാ​യ പ്ര​മോ​ദ് നാ​രാ​യ​ൺ എം.​എ​ൽ.​എ പ​റ​ഞ്ഞു.