നിയന്ത്രണംവിട്ട കാർ പാഞ്ഞുകയറി അഞ്ചുപേർക്ക് പരിക്ക്

നിയന്ത്രണംവിട്ട കാർ പാഞ്ഞുകയറി അഞ്ചുപേർക്ക് പരിക്ക് ​attn pta കോട്ടയം: കോട്ടയം സ്​റ്റാർ ജങ്​ഷനിൽ നിയന്ത്രണംവിട്ട കാർ പാഞ്ഞുകയറി അഞ്ചുപേർക്ക് പരിക്ക്. മൂന്നുകാർ യാത്രക്കാർക്കും രണ്ട് കാൽനടക്കാർക്കുമാണ് പരിക്ക്. ഞായറാഴ്ച വൈകീട്ട് 4.30ഓ​ടെയാണ് അപകടമുണ്ടായത്. കാർ യാത്രക്കാരായ പത്തനംതിട്ട തണ്ണിത്തോട് സ്വദേശി വിഷ്ണു (29), ഭാര്യ ആതിര (28), അമ്മ വിജയമ്മ (50), കാൽനടക്കാരായ കൊല്ലാട് സ്വദേശി രതീഷ്(33), മാർത്താണ്ഡം സ്വദേശി ദേവരാജ് (55) എന്നിവർക്കാണ് പരിക്കേറ്റത്. ഇവരെ ജില്ല ആശുപത്രിയിൽ പ്രവേശിപ്പിച്ചു. ചങ്ങനാശ്ശേരി ഭാഗത്തുനിന്ന് നഗരത്തിലേക്ക് വന്ന കാർ നിയന്ത്രണംവിട്ട റോഡരികിലെ ഓടക്ക്​ മുകളിലേക്ക്​ പാഞ്ഞുകയറി. ഇതിനിടെ കാൽനടക്കാരെ ഇടിച്ചിട്ടിരുന്നു.​