നിരീക്ഷണ കാമറ കാടുകയറി നശിക്കുന്നു

തിരുവല്ല: മാലിന്യനിക്ഷേപം തടയുന്നതിനായി തിരുവല്ല നഗരസഭ സ്ഥാപിച്ച നിരീക്ഷണ കാമറ കാടുകയറി നശിക്കുന്നു.റെയിൽവേ സ്‌റ്റേഷൻ റോഡിൽ പതിവായിരുന്ന മാലിന്യനിക്ഷേപം തടയുന്നതിനായി ആറുമാസം മുമ്പ് സ്ഥാപിച്ച കാമറയാണ് കാടുമൂടിയത്.

സ്ഥാപിച്ചിരുന്ന ഇരുമ്പ് തൂണിലടക്കം കാട്ടുവള്ളികൾ പടർന്നുകയറി. കാഴ്ച മറക്കുന്ന തരത്തിൽ കാട് മൂടിയതോടെ ഇടക്ക്​ ശമനമുണ്ടായിരുന്ന മാലിന്യ നിക്ഷേപം റോഡിൽ വീണ്ടും ശക്തമായി.