കർഷകൻ ജീവനൊടുക്കിയിട്ടും കർഷകർക്ക്​ കൈത്താങ്ങാകാതെ കൃഷിവകുപ്പ്

പ​ത്ത​നം​തി​ട്ട: ക​ടം​ക​യ​റി ക​ർ​ഷ​ക​ൻ ജീ​വ​നൊ​ടു​ക്കി​യി​ട്ടും ക​ർ​ഷ​ക​ർ​ക്ക്​ കൈ​ത്താ​ങ്ങാ​കാ​തെ കൃ​ഷി​വ​കു​പ്പ്. വേ​ന​ൽ​മ​ഴ​യു​ടെ പ്ര​തി​സ​ന്ധി​ക്കി​ടെ കൊ​യ്ത്ത് ന​ട​ന്ന പാ​ട​ങ്ങ​ളി​ൽ നെ​ല്ല് സം​ഭ​ര​ണ​ത്തി​ന്​ കൃ​ഷി​വ​കു​പ്പ്​ ഒ​ന്നും ചെ​യ്യു​ന്നി​ല്ല. സം​ഭ​ര​ണ​ത്തി​ലും വി​ള​വെ​ടു​പ്പി​ലും സ​ർ​ക്കാ​ർ സം​വി​ധാ​നം മു​ന്നി​ൽ​നി​ന്ന് ന​യി​ക്കു​ന്നി​ല്ലെ​ന്ന പ​രാ​തി ക​ർ​ഷ​ക​ർ​ക്കി​ട​യി​ൽ വ്യാ​പ​ക​മാ​ണ്.

ജി​ല്ല​യി​ൽ ഏ​റ്റ​വും കൂ​ടു​ത​ൽ നെ​ൽ​കൃ​ഷി​യു​ള്ള പെ​രി​ങ്ങ​ര പ​ഞ്ചാ​യ​ത്തി​ലെ വേ​ങ്ങ​ൽ പാ​ട​ശേ​ഖ​ര​ത്തി​ൽ ഒ​രാ​ഴ്ച​യാ​യി കൊ​യ്ത നെ​ല്ല് കൂ​ടി​ക്കി​ട​ക്കു​ന്നു. ലോ​ഡു​ക​ണ​ക്കി​ന് നെ​ല്ല് വ​രു​മി​ത്. 200 ഏ​ക്ക​റി​ല​ധി​ക​മു​ള്ള വേ​ങ്ങ​ൽ പാ​ട​ത്ത് കൊ​യ്ത്ത് തീ​രാ​റാ​യി. പാ​ട​ത്തോ​ടു​ചേ​ർ​ന്ന് ചെ​റി​യ ക​ര​പ്ര​ദേ​ശ​ങ്ങ​ളി​ലും മ​റ്റു​മാ​ണ് നെ​ല്ല്​ കൂ​ന​കൂ​ട്ടി​യി​ട്ട​ത്. കൂ​ടു​ത​ൽ ദി​വ​സം നെ​ല്ല് കി​ട​ക്കു​ന്ന​ത് മ​ഴ​യി​ൽ കി​ളി​ർ​ത്ത് ന​ശി​ക്കു​മോ​യെ​ന്ന ആ​ശ​ങ്ക​യി​ലാ​ണ്​ ക​ർ​ഷ​ക​ർ.

വേ​ന​ൽ​മ​ഴ​യി​ൽ കൃ​ഷി ന​ശി​ച്ച​തി​നെ തു​ട​ർ​ന്നാ​ണ്​ നി​ര​ണം കാ​ണാ​ത്ര പ​റ​മ്പി​ല്‍ രാ​ജീ​വ് ഒ​രാ​ഴ്ച മു​മ്പ്​ തൂ​ങ്ങി​മ​രി​ച്ച​ത്. ക​ഴി​ഞ്ഞ​വ​ര്‍ഷ​വും ഈ ​വ​ർ​ഷ​വും വ്യാ​പ​ക കൃ​ഷി​നാ​ശം ഉ​ണ്ടാ​യ​തി​നെ തു​ട​ർ​ന്ന്​ ക​ട​ബാ​ധ്യ​ത തീ​ർ​ക്കാ​ൻ നി​വൃ​ത്തി​യി​ല്ലാ​തെ​യാ​ണ്​ ജീ​വ​നൊ​ടു​ക്കി​യ​ത്. വേ​ന​ൽ മ​ഴ​യി​ൽ വെ​ള്ളം​ക​യ​റും മു​മ്പ്​ ക​ഷ്ട​പ്പെ​ട്ട്​ നെ​ല്ല്​ കൊ​യ്​​തെ​ടു​ത്ത ക​ർ​ഷ​ക​ർ​ വി​ൽ​ക്കാ​ൻ നി​വൃ​ത്തി​യി​ല്ലാ​തെ വ​ല​യു​ക​യാ​ണ്. ദു​രി​ത​ത്തി​ൽ കൈ​ത്താ​ങ്ങാ​കാ​ൻ കൃ​ഷി​വ​കു​പ്പി​ലെ ആ​രും എ​ത്തു​ന്നു​മി​ല്ല.

കൂ​ട്ടി​യി​ട്ട നെ​ല്ല് ദി​വ​സ​വും നി​ര​ത്തി വെ​യി​ൽ​കൊ​ള്ളി​ക്കു​ക​യാ​ണ് ക​ർ​ഷ​ക​ർ. ഇ​തി​ന് വ​ലി​യ കൂ​ലി​ച്ചെ​ല​വും വ​രു​ന്നു. വ​ൻ​വി​ള​വ് പ്ര​തീ​ക്ഷി​ച്ച സ്ഥാ​ന​ത്ത് മ​ഴ​യെ​ത്തി​യ​തോ​ടെ കി​ട്ടി​യ നെ​ല്ല് കൊ​യ്തെ​ടു​ക്കു​ക​യാ​യി​രു​ന്നു. പ​കു​തി​യെ​ങ്കി​ലും കി​ട്ടു​മോ​യെ​ന്ന ആ​ശ​ങ്ക നി​ല​നി​ൽ​ക്കെ​യാ​ണ്, പ്ര​തീ​ക്ഷി​ക്കാ​ത്ത കൂ​ലി​ച്ചെ​ല​വും ക​ർ​ഷ​ക​ർ നേ​രി​ടു​ന്ന​ത്.

പെ​രി​ങ്ങ​ര​യി​ൽ നെ​ല്ല് സം​ഭ​ര​ണം തു​ട​ങ്ങി​യി​ട്ടി​ല്ലെ​ന്നാ​ണ് ക​ർ​ഷ​ക​പ്ര​തി​നി​ധി​ക​ൾ പ​റ​യു​ന്ന​ത്. സി​വി​ൽ സ​പ്ലൈ​സ് ചു​മ​ത​ല​പ്പെ​ടു​ത്തു​ന്ന സ്വ​കാ​ര്യ മി​ല്ലു​കാ​രാ​ണ് സം​ഭ​ര​ണം ന​ട​ത്തു​ന്ന​ത്. കൃ​ഷി​ഭ​വ​നു​ക​ളി​ൽ ര​ജി​സ്റ്റ​ർ ചെ​യ്ത​വ​രു​ടെ പാ​ട​ത്തെ നെ​ല്ല് മാ​ത്ര​മാ​ണ് സം​ഭ​രി​ക്കു​ക. ര​ജി​സ്റ്റ​ർ ചെ​യ്യാ​ത്ത​വ​ർ സ്വ​കാ​ര്യ മി​ല്ലു​കാ​ർ​ക്ക് നേ​രി​ട്ട് ന​ൽ​കു​ക​യാ​ണ്. ഇ​ത്ത​വ​ണ സ​ർ​ക്കാ​ർ ഇ​ട​പെ​ട​ലി​ലൂ​ടെ​യു​ള്ള ഒ​രു യ​ന്ത്രം​പോ​ലും തി​രു​വ​ല്ല മേ​ഖ​ല​യി​ൽ ല​ഭ്യ​മാ​യി​ട്ടി​ല്ല.

ക​ർ​ഷ​ക​ർ​ത​ന്നെ ഇ​ട​നി​ല​ക്കാ​രെ തേ​ടി​പ്പി​ടി​ച്ച്​ യ​ന്ത്ര​ങ്ങ​ൾ എ​ത്തി​ക്കു​ക​യാ​ണ്. മ​ണി​ക്കൂ​റി​ന് 1850 രൂ​പ​വ​രെ കൊ​യ്ത്തു​യ​ന്ത്ര​ത്തി​ന് ന​ൽ​കേ​ണ്ടി​വ​രു​ന്നു. ഉ​ണ​ങ്ങി​യ നി​ല​ത്ത് ഒ​ന്ന​ര​മ​ണി​ക്കൂ​ർ​കൊ​ണ്ട് ഒ​രേ​ക്ക​ർ കൊ​യ്തെ​ടു​ക്കും. ഇ​പ്പോ​ൾ വെ​ള്ളം​ക​യ​റി​യ​തി​നാ​ൽ ര​ണ്ട​ര മ​ണി​ക്കൂ​ർ​വ​രെ​യാ​ണ് വേ​ണ്ടി​വ​രു​ന്ന​ത്.

പ്ര​ശ്നം നെ​ല്ലി​ലെ ഈ​ർ​പ്പം

കൊ​യ്ത്​ മെ​തി​ച്ച നെ​ല്ലി​ൽ ജ​ലാം​ശം കൂ​ടു​ത​ലാ​യ​തി​നാ​യാ​ണ്​ മി​ല്ലു​കാ​ർ ഏ​റ്റെ​ടു​ക്കാ​ത്ത​ത്. നെ​ല്ല്​ അ​രി​യാ​ക്കു​മ്പോ​ൾ സാ​ധാ​ര​ണ ല​ഭി​ക്കേ​ണ്ട​തി​നെ​ക്കാ​ൾ തൂ​ക്കം ഗ​ണ്യ​മാ​യി കു​റ​യും. അ​പ്പോ​ൾ മി​ല്ലു​കാ​ർ​ക്ക്​ ന​ഷ്ട​മു​ണ്ടാ​കും. ക​ർ​ഷ​ക​രു​ടെ​യും മി​ല്ലു​ട​മ​ക​ളു​ടെ​യും യോ​ഗം കൃ​ഷി​വ​കു​പ്പ്​ അ​ധി​കൃ​ത​ർ വി​ളി​ച്ചു​ചേ​ർ​ത്ത്​ പ്ര​ശ്നം പ​രി​ഹ​രി​ക്കാ​ൻ ന​ട​പ​ടി​യെ​ടു​ക്കു​ക​യാ​ണ്​ വേ​ണ്ട​ത്.

ഉ​ദ്യോ​ഗ​സ്ഥ​ർ​ക്ക്​ ത​ന്നെ പ​രി​ഹ​രി​ക്കാ​നാ​കാ​ത്ത അ​വ​സ്ഥ​യാ​ണെ​ങ്കി​ൽ മ​ന്ത്രി​ത​ല ഇ​ട​പെ​ട​ലു​ണ്ടാ​ക്ക​ണം. അ​തി​നൊ​ന്നും ഒ​രു ന​ട​പ​ടി​യു​മി​ല്ല. മ​ഴ ശ​ക്ത​മാ​യ​തി​നാ​ൽ​ നെ​ല്ല്​ ന​ന്നാ​യി ഉ​ണ​ക്കാ​ൻ ക​ർ​ഷ​ക​ർ​ക്ക്​ ക​ഴി​യു​ന്നു​മി​ല്ല. ര​ണ്ടു​ദി​വ​സം മ​ഴ കു​റ​വാ​യ​തി​ന്‍റെ പ്ര​തീ​ക്ഷ​യി​ലാ​ണ് ക​ർ​ഷ​ക​ർ. ഭാ​രം​കു​റ​ഞ്ഞ കൂ​ടു​ത​ൽ കൊ​യ്ത്തു​യ​ന്ത്ര​ങ്ങ​ൾ എ​ത്തി​ച്ച് വേ​ഗ​ത്തി​ൽ വി​ള​വെ​ടു​പ്പ് പൂ​ർ​ത്തീ​ക​രി​ക്കാ​നു​ള്ള ശ്ര​മ​വും ന​ട​ക്കു​ന്നു. അ​ഞ്ച​ടി വേ​ളൂ​ർ​മു​ണ്ട​കം, ഇ​രു​ക​ര എ​ന്നീ പാ​ട​ങ്ങ​ളും വി​ള​വെ​ടു​പ്പി​നു​ള്ള ത​യാ​റെ​ടു​പ്പി​ലാ​ണ്.

വി​ള​വെ​ടു​പ്പി​നു​മു​മ്പ് ക്ര​മീ​ക​ര​ണ​ങ്ങ​ൾ​ക്കാ​യി വ​ർ​ഷം​തോ​റും ചേ​ർ​ന്ന യോ​ഗം ഇ​ത്ത​വ​ണ ന​ട​ന്നി​ട്ടി​ല്ല. യ​ന്ത്രം എ​ങ്ങ​നെ എ​ത്തി​ക്കാം, കൂ​ലി​ച്ചെ​ല​വു​ക​ൾ എ​ങ്ങ​നെ ഏ​കീ​ക​രി​ക്കാം തു​ട​ങ്ങി​യ വി​ഷ​യ​ങ്ങ​ളാ​ണ് യോ​ഗ​ത്തി​ൽ ച​ർ​ച്ച​ക്കു​വ​രി​ക. ക​ർ​ഷ​ക​പ്ര​തി​നി​ധി​ക​ൾ, യൂ​നി​യ​ൻ പ്ര​തി​നി​ധി​ക​ൾ, ഉ​ദ്യോ​ഗ​സ്ഥ​ർ, ജ​ന​പ്ര​തി​നി​ധി​ക​ൾ എ​ന്നി​വ​രു​ൾ​പ്പെ​ട്ട യോ​ഗ​മാ​ണ് കൂ​ടി​യി​രു​ന്ന​ത്.

വി​ത​യി​റ​ക്കു​ന്ന ക​ർ​ഷ​ക​ർ ഓ​രോ​സ​മ​യ​ത്തും നേ​രി​ടു​ന്ന പ്ര​ശ്ന​ങ്ങ​ൾ​ക്ക്​ അ​വ​ർ​ക്കൊ​പ്പം​നി​ന്ന്​ പ്രാ​യോ​ഗി​ക പ​രി​ഹാ​രം കാ​ണാ​ൻ കൃ​ഷി​വ​കു​പ്പ്​ ത​യാ​റാ​കാ​ത്ത​താ​ണ്​ ക​ർ​ഷ​ക​രെ വ​ല​ക്കു​ന്ന​തെ​ന്ന്​ അ​പ്പ​ർ കു​ട്ട​നാ​ട് നെ​ൽ​ക​ർ​ഷ​ക​സം​ഘം പ്ര​സി​ഡ​ന്‍റ്​ സാം ​ഈ​പ്പ​ൻ പ​റ​ഞ്ഞു.

കൃഷിനാശം: ഹെക്ടറിന്​ 13,500 രൂപ വീതം നഷ്ടപരിഹാരം

പ​ന്ത​ളം: വേ​ന​ൽ മ​ഴ​യി​ൽ പ​ന്ത​ള​ത്ത് നെ​ൽ​കൃ​ഷി ന​ശി​ച്ച പാ​ട​ശേ​ഖ​ര​ങ്ങ​ൾ കൃ​ഷി വ​കു​പ്പ്​ ഉ​ദ്യോ​ഗ​സ്ഥ​ർ സ​ന്ദ​ർ​ശി​ച്ചു. അ​ഡീ​ഷ​ന​ൽ ഡ​യ​റ​ക്ട​ർ ജോ​ർ​ജ് അ​ല​ക്‌​സാ​ണ്ട​റും കൃ​ഷി​വ​കു​പ്പ്​ ഉ​ദ്യോ​ഗ​സ്ഥ​രു​മാ​ണ് തി​ങ്ക​ളാ​ഴ്ച രാ​വി​ലെ പ​ന്ത​ള​ത്തെ വി​വി​ധ പാ​ട​ശേ​ഖ​ര​ങ്ങ​ൾ സ​ന്ദ​ർ​ശി​ച്ച​ത്. ക​ർ​ഷ​ക​രു​ടെ ന​ഷ്ട​വും പ്ര​ശ്‌​ന​ങ്ങ​ളും സ​ർ​ക്കാ​റി​ന്​ സ​മ​ർ​പ്പി​ക്കു​മെ​ന്ന് അ​ദ്ദേ​ഹം പ​റ​ഞ്ഞു. കൃ​ഷി​മ​ന്ത്രി​യു​ടെ നി​ർ​ദേ​ശ​പ്ര​കാ​ര​മാ​ണ് ജി​ല്ല​യി​ൽ കൃ​ഷി​നാ​ശ​മു​ണ്ടാ​യ പ്ര​ദേ​ശ​ങ്ങ​ൾ സ​ന്ദ​ർ​ശി​ച്ച​ത്.

പ​ന്ത​ളം ന​ഗ​ര​സ​ഭ പ്ര​ദേ​ശ​ത്തെ​യും തു​മ്പ​മ​ൺ, പ​ന്ത​ളം തെ​ക്കേ​ക്ക​ര, കു​ള​ന​ട പ​ഞ്ചാ​യ​ത്തു​ക​ളി​ലെ​യും പാ​ട​ശേ​ഖ​ര​ങ്ങ​ളി​ൽ സ​ന്ദ​ർ​ശ​നം ന​ട​ത്തി. ഡെ​പ്യൂ​ട്ടി സ്പീ​ക്ക​ർ ചി​റ്റ​യം ഗോ​പ​കു​മാ​ർ കൃ​ഷി​നാ​ശം മ​ന്ത്രി​യു​ടെ ശ്ര​ദ്ധ​യി​ൽ​പ്പെ​ടു​ത്തി​യി​രു​ന്നു. കൃ​ഷി​യു​ടെ ന​ഷ്ടം എ​ത്ര​യു​ണ്ടെ​ന്നും കൃ​ഷി​യെ ര​ക്ഷി​ക്കാ​ൻ മാ​ർ​ഗ​മു​ണ്ടോ​യെ​ന്നും ഇ​വ​ർ പ​രി​ശോ​ധി​ച്ചു.

ക​ർ​ഷ​ക​രു​ടെ പ്ര​ശ്‌​ന​ങ്ങ​ളും പ​രി​ഹാ​ര​ങ്ങ​ളും നി​ർ​ദേ​ശ​ങ്ങ​ളും രേ​ഖ​പ്പെ​ടു​ത്തി. ന​ട​പ്പാ​ക്കേ​ണ്ട പ​ദ്ധ​തി​ക​ൾ ത​യാ​റാ​ക്കി സ​ർ​ക്കാ​റി​ലേ​ക്ക് സ​മ​ർ​പ്പി​ക്കു​മെ​ന്നും ഇ​ൻ​ഷു​ർ ചെ​യ്ത തു​ക കൂ​ടാ​തെ പ്ര​കൃ​തി​ക്ഷോ​ഭ ന​ഷ്ട​പ​രി​ഹാ​ര​മാ​യി ഹെ​ക്ട​റി​ന് 13,500 രൂ​പ ക​ർ​ഷ​ക​ർ​ക്ക് ല​ഭി​ക്കു​മെ​ന്നും അ​ഡീ​ഷ​ന​ൽ ഡ​യ​റ​ക്ട​ർ പ​റ​ഞ്ഞു.

കൃ​ഷി​മ​ന്ത്രി​യു​ടെ അ​ഡീ​ഷ​ന​ൽ പ്രൈ​വ​റ്റ് സെ​ക്ര​ട്ട​റി പി.​എ​സ് അ​നി​ൽ​കു​മാ​ർ, പ്രി​ൻ​സി​പ്പ​ൽ കൃ​ഷി ഓ​ഫി​സ​ർ എ.​ഡി. ഷീ​ല, കൃ​ഷി ഡെ​പ്യൂ​ട്ടി ഡ​യ​റ​ക്ട​ർ​മാ​രാ​യ ലൂ​യി​സ് മാ​ത്യു, ജാ​ൻ​സി കെ.​കോ​ശി, അ​സി. ഡ​യ​റ​ക്ട​ർ ആ​ർ.​എ​സ്. റീ​ജ, അ​സി. എ​ക്‌​സി​ക്യൂ​ട്ടി​വ് എ​ൻ​ജി​നീ​യ​ർ കെ. ​ജ​യ​പ്ര​കാ​ശ് ബാ​ബു, കൃ​ഷി ഓ​ഫി​സ​ർ സൗ​മ്യ ശേ​ഖ​ർ, പ​ന്ത​ളം ന​ഗ​ര​സ​ഭ വി​ക​സ​ന സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ ബെ​ന്നി മാ​ത്യു, ക​ർ​ഷ​ക​ർ എ​ന്നി​വ​രും അ​ഡീ​ഷ​ന​ൽ ഡ​യ​റ​ക്ട​ർ​ക്കൊ​പ്പം ഉ​ണ്ടാ​യി​രു​ന്നു.