പകർച്ചവ്യാധി ഭീഷണി: എങ്ങുമെത്താതെ പത്തനംതിട്ട ജില്ലയിലെ മഴക്കാലപൂർവ മുന്നൊരുക്കം

പ​ത്ത​നം​തി​ട്ട: നാ​ടെ​ങ്ങും വെ​ള്ള​ക്കെ​ട്ടും മാ​ലി​ന്യ​വും നി​റ​ഞ്ഞി​ട്ടും​ ജി​ല്ല​യി​ൽ മ​ഴ​ക്കാ​ല​പൂ​ർ​വ മു​ന്നൊ​രു​ക്കം എ​ങ്ങു​മെ​ത്തി​യി​ല്ല. ഡെ​ങ്കി​പ്പ​നി അ​ട​ക്കം പ​ക​ർ​ച്ച​വ്യ​ധി​ക​ൾ പെ​രു​കു​മ്പോ​ഴും കൊ​ട്ടി​ഗ്​​ഘോ​ഷി​ച്ച ശു​ചീ​ക​ര​ണ പ്ര​വൃ​ത്തി​ക​ൾ താ​ളം​തെ​റ്റി​യി​രി​ക്കു​ക​യാ​ണ്. മ​ലി​ന​ജ​ല​വും മാ​ലി​ന്യ​വും റോ​ഡു​ക​ളി​ൽ നി​ര​ന്നൊ​ഴു​കു​ന്നു. മ​ലി​ന​ജ​ലം കെ​ട്ടി​നി​ന്ന്​ കൊ​തു​കു​ശ​ല്ല്യം വ​ർ​ധി​ച്ചു.ജി​ല്ല ആ​സ്ഥാ​ന​ത്ത്​ റോ​ഡു​ക​ൾ വെ​ട്ടി​പ്പൊ​ളി​ച്ചി​ട്ട​തു​കാ​ര​ണം ച​ളി​ക്കു​ള​മാ​യി. ഓ​ട​ക​ളി​ലേ​ക്ക്​ വെ​ള്ളം ഒ​ഴു​കാ​ത്ത സാ​ഹ​ച​ര്യ​ത്തി​ൽ മ​ഴ​പെ​യ്താ​ൽ ന​ഗ​ര​ത്തി​ലു​ട​നീ​ളം വെ​ള്ള​ക്കെ​ട്ടാ​ണ്.

പ​ണി ന​ട​ക്കു​ന്ന പു​ന​ലൂ​ർ- മൂ​വാ​റ്റു​പു​ഴ സം​സ്ഥാ​ന പാ​ത ക​ട​ന്നു​പോ​കു​ന്ന ജി​ല്ല​യി​ലെ റാ​ന്നി, കോ​ന്നി ​ടൗ​ണു​ക​ളി​ലും സ​മാ​ന വി​ഷ​യ​ങ്ങ​ളു​ണ്ട്.ഓ​ട​ക​ളി​ൽ കെ​ട്ടി​ക്കി​ട​ക്കു​ന്ന മാ​ലി​ന്യം നീ​ക്കാ​ത്ത​ത്​ മൂ​ലം മ​ഴ​വെ​ള്ള​ത്തോ​ടൊ​പ്പം പു​റ​ത്തേ​ക്കൊ​ഴു​കി ക​ട​ക​ളി​ലേ​ക്കും മ​റ്റും എ​ത്തു​ന്ന​ത് പ​ക​ർ​ച്ച​വ്യാ​ധി ഭീ​ഷ​ണി​യും ഉ​യ​ർ​ത്തു​ന്നു.

മാ​ലി​ന്യം റോ​ഡ​രി​കി​ൽ

മാ​ലി​ന്യ നി​ർ​മാ​ർ​ജ​ന​ത്തി​നാ​യി നി​ര​വ​ധി പ​ദ്ധ​തി​ക​ളും ഹ​രി​ത​ക​ർ​മ​സേ​ന​യു​മൊ​ക്കെ ഉ​ണ്ടെ​ങ്കി​ലും മാ​ലി​ന്യം റോ​ഡ​രി​കി​ൽ ത​ന്നെ കെ​ട്ടി​ക്കി​ട​ക്കു​ക​യാ​ണ്. മാ​ലി​ന്യ​നീ​ക്കം പ​ല​യി​ട​ത്തും ഇ​പ്പോ​ഴും സാ​ധാ​ര​ണ​നി​ല​യി​ൽ ത​ന്നെ​യാ​ണ്. മ​ഴ​ക്കാ​ല​ത്തി​നു​മു​മ്പ്​ ഇ​തു നീ​ക്കാ​നും ഓ​ട​ക​ൾ ശു​ചീ​ക​രി​ക്കാ​നും പ​ദ്ധ​തി​യു​ള്ള​താ​ണ്.

മ​ഴ​ക്കാ​ല​പൂ​ർ​വ ശു​ചീ​ക​ര​ണം ഇ​പ്പോ​ഴും പ്ര​ഖ്യാ​പ​ന​ത്തി​ലൊ​തു​ങ്ങു​ക​യാ​ണ്. ഡെ​ങ്കി, എ​ലി​പ്പ​നി അ​ട​ക്ക​മു​ള്ള രോ​ഗ​ങ്ങ​ൾ ജി​ല്ല​യി​ൽ വ്യാ​പ​ക​മാ​കു​ക​യാ​ണ്. മു​ൻ​വ​ർ​ഷ​ങ്ങ​ളി​ൽ​നി​ന്നെ​ല്ലാം വ്യ​ത്യ​സ്ത​മാ​യ രീ​തി​യി​ലാ​ണ് ഇ​ത്ത​വ​ണ ഡെ​ങ്കി​യു​ടെ വ്യാ​പ​നം. മ​ലി​ന​ജ​ല​ത്തി​ലൂ​ടെ ച​വി​ട്ടി​യാ​ണ് സ്കൂ​ൾ കു​ട്ടി​ക​ള​ട​ക്കം യാ​ത്ര ചെ​യ്യേ​ണ്ടി​വ​രു​ന്ന​ത്. എ​ലി​പ്പ​നി​യും ച​ർ​മ​രോ​ഗ​ങ്ങ​ളും ഇ​തി​ലൂ​ടെ പ​ക​രാ​നി​ട​യു​ണ്ട്.

റോ​ഡ്, പൈ​പ്പ് പ​ണി​ക​ൾ ത​ട​സ്സം

മ​ഴ​ക്കാ​ല​ത്തി​നു മു​മ്പ്​ റോ​ഡു​ക​ളും ഓ​ട​ക​ളും ശു​ചീ​ക​രി​ക്കാ​ൻ വൈ​കി​യ​തി​ന്​ കാ​ര​ണം ജ​ല അ​തോ​റി​റ്റി​യു​ടെ ​പൈ​പ്പ്​ മാ​റ്റി​യി​ട​ൽ പ്ര​വൃ​ത്തി​ക​ളാ​ണെ​ന്നാ​ണ്​ വി​ശ​ദീ​ക​ര​ണം. മ​ഴ​ക്കാ​ല​ത്തി​നു​മു​മ്പ്​ പൂ​ർ​ത്തീ​ക​രി​ക്കേ​ണ്ട പ​ണി ഇ​പ്പോ​ഴും ഇ​ഴ​യു​ക​യാ​ണ്. ഇ​തു​കാ​ര​ണ​മു​ള്ള ബു​ദ്ധി​മു​ട്ടു​ക​ൾ ഏ​റെ​യാ​ണ്. വ്യാ​പാ​രി​ക​ൾ, വാ​ഹ​ന യാ​ത്രി​ക​ർ, കാ​ൽ​ന​ട​ക്കാ​ർ ഇ​വ​രെ​ല്ലാം ഇ​തി​ന്‍റെ ദു​രി​തം അ​നു​ഭ​വി​ക്കു​ന്നു​ണ്ട്. ഓ​ട​ക​ളു​ടെ ശു​ചീ​ക​ര​ണ​വും ന​ട​ന്നി​ല്ല. ഓ​ട​ക്കു​മീ​തെ സ്ലാ​ബി​ല്ലാ​ത്ത​തു​കാ​ര​ണം ക​ഴി​ഞ്ഞ​ദി​വ​സം വീ​ട്ട​മ്മ അ​പ​ക​ട​ത്തി​ൽ​പെ​ട്ടി​രു​ന്നു. മ​ഴ​യി​ൽ റോ​ഡും ഓ​ട​യും ത​മ്മി​ൽ തി​രി​ച്ച​റി​യാ​നാ​കാ​ത്ത​വി​ധം പ​ല​യി​ട​ത്തും മു​ങ്ങി​പ്പോ​കു​ന്നു​ണ്ട്.

സ്ലാ​ബി​ല്ലാ​ത്ത ഓ​ട​ക​ൾ ഇ​തോ​ടെ യാ​ത്ര​ക്കാ​ർ​ക്ക് വീ​ണ്ടും ഭീ​ഷ​ണി​യാ​യി. പ​ത്ത​നം​തി​ട്ട-​ക​ട​മ്മ​നി​ട്ട റോ​ഡി​ൽ മേ​ലെ​വെ​ട്ടി​പ്രം വ​രെ മാ​സ​ങ്ങ​ൾ​ക്കു മു​മ്പോ ടാ​റി​ങ്ങി​നാ​യി പൊ​ളി​ച്ചെ​ങ്കി​ലും പ​ണി​ക​ളെ​ങ്ങും എ​ത്തി​യി​ല്ല. ഓ​ട​യി​ല്ലാ​ത്ത​ത്​ കാ​ര​ണം ഈ ​റോ​ഡി​ലും വെ​ള്ള​ക്കെ​ട്ട്​ പ​തി​വാ​യി. സ്റ്റേ​ഡി​യം ജ​ങ്​​ഷ​നി​ൽ​നി​ന്ന് ന​ഗ​ര​ത്തി​ലേ​ക്കു​ള്ള വ​ൺ​വേ റോ​ഡും ത​ക​ർ​ന്നു​കി​ട​ക്കു​ക​യാ​ണ്. അ​ബാ​ൻ മേ​ൽ​പാ​ല​ത്തി​ന്റെ തൂ​ണു​ക​ളു​ടെ നി​ർ​മാ​ണം ന​ട​ക്കു​ന്ന റി​ങ്​ റോ​ഡി​ലും വെ​ള്ള​ക്കെ​ട്ടും മാ​ലി​ന്യ​വും ത​ല​വേ​ദ​ന​യാ​ണ്.

മ​ന്ത്രി​മാ​രു​ടെ ശാ​സ​ന​യും വി​ലപ്പോയില്ല

അ​ധ്യ​യ​ന​വ​ർ​ഷം ആ​രം​ഭി​ക്കു​ന്ന​തി​ന്​ മു​ന്നോ​ടി​യാ​യി പ​ത്ത​നം​തി​ട്ട​യി​ലെ റോ​ഡു​ക​ളു​ടെ വ​ശ​ങ്ങ​ളി​ലു​ള്ള മ​ൺ​കൂ​ന​ക​ൾ നീ​ക്കം​ചെ​യ്ത്​ പൊ​തു​ജ​ന​ങ്ങ​ൾ​ക്കു​ള്ള അ​പ​ക​ട​സാ​ധ്യ​ത ഒ​ഴി​വാ​ക്ക​ണ​മെ​ന്ന് ജ​ല​വി​ഭ​വ വ​കു​പ്പി​നോ​ട് ന​ഗ​ര​സ​ഭ ആ​വ​ശ്യ​പ്പെ​ട്ടി​രു​ന്നു. ജ​ല​വി​ഭ​വ വ​കു​പ്പി​ന്റെ അ​നാ​സ്ഥ​മൂ​ലം ന​ഗ​ര​സ​ഭ ആ​രോ​പ​ണം നേ​രി​ടേ​ണ്ടി​വ​രു​ന്ന​താ​യി കൗ​ൺ​സി​ൽ യോ​ഗ​ത്തി​ലും പ​രാ​തി ഉ​യ​ർ​ന്നി​രു​ന്നു. മേ​യ് 31ന​കം നി​ർ​മാ​ണ ജോ​ലി പൂ​ർ​ത്തീ​ക​രി​ക്ക​ണ​മെ​ന്ന് വ​കു​പ്പ് മ​ന്ത്രി അ​ന്ത്യ​ശാ​സ​നം ന​ൽ​കി​യി​രു​ന്നു.

മ​ൺ​കൂ​ന​ക​ൾ നീ​ക്കം​ചെ​യ്ത് വെ​റ്റ്മി​ക്‌​സ് ഉ​പ​യോ​ഗി​ച്ച് റോ​ഡു​ക​ൾ ഗ​താ​ഗ​ത​യോ​ഗ്യ​മാ​ക്കാ​ൻ ക​രാ​ർ വ്യ​വ​സ്ഥ പ്ര​കാ​രം ക​മ്പ​നി​ക്ക് ബാ​ധ്യ​ത​യു​ള്ള​താ​ണ്. മ​ന്ത്രി വീ​ണ ജോ​ർ​ജ് ഇ​തു​മാ​യി ബ​ന്ധ​പ്പെ​ട്ട് പ്ര​ത്യേ​ക യോ​ഗം വി​ളി​ച്ച് ബ​ന്ധ​പ്പെ​ട്ട​വ​ർ​ക്ക്​ നി​ർ​ദേ​ശം ന​ൽ​കി​യ​താ​ണ്. യോ​ഗ​ങ്ങ​ളി​ൽ തീ​രു​മാ​ന​ങ്ങ​ളു​ണ്ടാ​കു​ന്ന​ത​ല്ലാ​തെ ന​ട​പ​ടി മു​മ്പോ​ട്ടു​നീ​ങ്ങി​യി​ട്ടി​ല്ല.

നി​ർ​മാ​ണ​ത്തി​ൽ അ​ശാ​സ്ത്രീ​യ​ത

കോ​ന്നി മു​ത​ൽ ക​ല​ഞ്ഞൂ​ർ വ​രെ​യു​ള്ള ഭാ​ഗ​ത്ത് പി.​എം റോ​ഡ് നി​ർ​മാ​ണ​ത്തി​ലെ അ​ശാ​സ്ത്രീ​യ​ത​യാ​ണ് വെ​ള്ള​ക്കെ​ട്ടി​ന്​ കാ​ര​ണ​മാ​കു​ന്ന​ത്. പ്ര​വൃ​ത്തി ന​ട​ന്നു​കൊ​ണ്ടി​രി​ക്കെ ഓ​ട നി​ർ​മാ​ണ​ത്തി​ലെ അ​ശാ​സ്ത്രീ​യ​ത ചൂ​ണ്ടി​ക്കാ​ട്ടി​യി​രു​ന്നു. ഇ​തു പ​രി​ഹ​രി​ക്കാ​ൻ ക​രാ​ർ ക​മ്പ​നി​യോ കെ.​എ​സ്.​ടി.​പി​യോ ത​യാ​റാ​യി​ട്ടി​ല്ല. മ​ഴ​പെ​യ്ത​തോ​ടെ കെ​ട്ടി​ക്കി​ട​ക്കു​ന്ന വെ​ള്ളം റോ​ഡ​രി​കി​ലെ ക​ട​ക​ളി​ലേ​ക്ക് ഒ​ഴു​കി​യി​റ​ങ്ങു​ക​യാ​ണ്. ഇ​തു​മൂ​ല​മു​ണ്ടാ​കു​ന്ന ന​ഷ്ടം ഏ​റെ​യാ​ണ്.