സ്കൂ​ൾ അ​ടി​ച്ചു​ത​ക​ർ​ത്ത പൂർവ വി​ദ്യാ​ർ​ഥി​ക്ക് ത​ട​വ്​

പ​ത്ത​നം​തി​ട്ട: ക​ല​ഞ്ഞൂ​ർ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ൽ അ​തി​ക്ര​മി​ച്ചു​ക​ട​ന്ന് ക്ലാ​സ് മു​റി​യും മ​റ്റും അ​ടി​ച്ചു ത​ക​ർ​ത്ത കേ​സി​ൽ പൂർവ വി​ദ്യാ​ർ​ഥി​ക്ക് ഒ​രു വ​ർ​ഷം ത​ട​വും 10,000 രൂ​പ പി​ഴ​യും ശി​ക്ഷ.

ക​ല​ഞ്ഞൂ​ർ കൊ​ന്നേ​ല​യ്യം ഈ​ട്ടി​വി​ള​യി​ൽ വ​ട​ക്കേ​വീ​ട്ടി​ൽ പ്ര​വീ​ണിനെ​യാ​ണ് (20)​ പ​ത്ത​നം​തി​ട്ട ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്‌​ട്രേ​റ്റ് കാ​ർ​ത്തി​ക പ്ര​സാ​ദ്​ ശി​ക്ഷി​ച്ച​ത്. ക​ഴി​ഞ്ഞ​വ​ർ​ഷം ന​വം​ബ​ർ 24 പു​ല​ർ​ച്ച 1.30 ന്​ ​ക്ലാ​സ് മു​റി​യി​ലെ​യും എ​ൻ.​സി.​സി, എ​ൻ.​എ​സ്.​എ​സ് ഓ​ഫി​സു​ക​ളു​ടെ​യും ജ​ന​ൽ ചി​ല്ല​ക​ൾ അ​ടി​ച്ചു​ത​ക​ർ​ത്തു. സ്കൂ​ളി​ന് സ​മീ​പ​മു​ള്ള ബേ​ക്ക​റി​യി​ലെ​യും മ​റ്റും സി​സി ടി.​വി​ക​ളും ഗ്ലാ​സും ന​ശി​പ്പി​ച്ചു.

ക​ല​ഞ്ഞൂ​ർ ക്ഷേ​ത്ര​ത്തി​ന് സ​മീ​പം പാ​ർ​ക്ക് ചെ​യ്ത കാ​റി​ന്റെ ചി​ല്ലും ത​ക​ർ​ന്നു. കൂ​ട​ൽ പൊ​ലീ​സ് സ്ഥ​ല​ത്തെ​ത്തി ശ്ര​മ​ക​ര​മാ​യാ​ണ് പ്ര​തി​യെ കീ​ഴ​ട​ക്കി​യ​ത്. എ​സ്.​ഐ ഷെ​മി മോ​ൾ കേ​സെ​ടു​ത്ത് അ​ന്വേ​ഷ​ണം ന​ട​ത്തു​ക​യും കു​റ്റ​പ​ത്രം സ​മ​ർ​പ്പി​ക്കു​ക​യു​മാ​യി​രു​ന്നു. പ്രോ​സി​ക്യൂ​ഷ​ന് വേ​ണ്ടി അ​സി​സ്റ്റ​ന്റ് പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ. എം.​ആ​ർ രാ​ജ്മോ​ഹ​ൻ ഹാ​ജ​രാ​യി.