നാടിന് ആവേശമായി നാരങ്ങാനത്തെ കർഷക വിപണി; ഇടനിലക്കാരില്ല, വിലയിടുന്നത്‌ വാങ്ങുന്നവർ തന്നെ

നാ​ര​ങ്ങാ​നം: കാ​ർ​ഷി​ക സം​സ്കാ​രം തി​രി​ച്ചു​പി​ടി​ക്കു​ന്ന നാ​ര​ങ്ങാ​ന​ത്തെ ക​ർ​ഷ​ക വി​പ​ണി നാ​ടി​ന് ആ​വേ​ശ​മാ​യി മാ​റു​ന്നു. നാ​ര​ങ്ങാ​നം ആ​ലു​ങ്ക​ലി​ൽ പ്ര​വ​ർ​ത്തി​ക്കു​ന്ന ക​ർ​ഷ​ക​വി​പ​ണി തു​ട​ങ്ങി​യി​ട്ട് കാ​ൽ നൂ​റ്റാ​ണ്ടാ​വു​ക​യാ​ണ്. ഞാ​യ​റാ​ഴ്​​ച​ക​ളി​ൽ ഉ​ച്ച​ക്ക്​ 12 മു​ത​ലാ​ണ്​ വി​പ​ണി ആ​രം​ഭി​ക്കു​ന്ന​ത്. കൊ​ടു​ക്ക​ൽ വാ​ങ്ങ​ലു​ക​ളു​ടെ സു​താ​ര്യ​ത​യാ​ണ്​ പ്ര​ധാ​ന പ്ര​ത്യേ​ക​ത.

വി​ള​വെ​ടു​ക്കു​ന്ന​വ​നും വാ​ങ്ങു​ന്ന​വ​നും ത​മ്മി​ലു​ള്ള സൗ​ഹൃ​ദ​വും എ​ടു​ത്ത് പ​റ​യേ​ണ്ട​താ​ണ്. നാ​ര​ങ്ങാ​ന​ത്തെ മ​ണ്ണി​ൽ വ​ള​ർ​ന്ന പ​ഴം- പ​ച്ച​ക്ക​റി, കി​ഴ​ങ്ങ്​ വ​ർ​ഗ​ങ്ങ​ളാ​ണ്​ ​കൂ​ടു​ത​ലും വി​ൽ​പ​ന​ക്ക്​​ എ​ത്തു​ന്ന​ത്. ഞാ​യ​റാ​ഴ്ച​ക​ളി​ൽ ക​ർ​ഷ​ക​ർ അ​വ​രു​ടെ വി​ള​ക​ളു​മാ​യി ഇ​വി​ടെ​യെ​ത്തും.

സ​മീ​പ പ​ഞ്ചാ​യ​ത്തു​ക​ളാ​യ ചെ​റു​കോ​ൽ, കോ​ഴ​ഞ്ചേ​രി, ഇ​ല​ന്തൂ​ർ എ​ന്നി​വി​ട​ങ്ങ​ളി​ൽ നി​ന്നെ​ല്ലാം ക​ർ​ഷ​ക​ർ സാ​ധ​ന​ങ്ങ​ളു​മാ​യി എ​ത്താ​റു​ണ്ട്. ഇ​ട​നി​ല​ക്കാ​രി​ല്ലാ​തെ ആ​ർ​ക്കു​മ​ത്‌ വാ​ങ്ങാം. വി​ല​യി​ടു​ന്ന​ത്‌ വാ​ങ്ങു​ന്ന​വ​ർ ത​ന്നെ​യാ​ണ്. സ്വാ​ശ്ര​യ ക​ർ​ഷ​ക സ​മി​തി​യു​ടെ മേ​ൽ​നോ​ട്ട​ത്തി​ലാ​ണ്​ ഇ​ത് ന​ട​ത്തു​ന്ന​ത്. വെ​ജി​റ്റ​ബി​ൾ ഫ്രൂ​ട്ട്‌​സ്​ പ്ര​മോ​ഷ​ൻ കൗ​ൺ​സി​ൽ കേ​ര​ള​യു​ടെ (വി.​എ​ഫ്‌.​പി.​സി.​കെ) നി​യ​ന്ത്ര​ണ​ത്തി​ൽ പ്ര​വ​ർ​ത്തി​ക്കു​ന്ന ജി​ല്ല​യി​ലെ ക​ർ​ഷ​ക സ​മി​തി​ക​ളി​ൽ ഒ​ന്നാ​ണി​ത്. ജി​ല്ല​യി​ൽ മൊ​ത്തം 12 വി​പ​ണി​ക​ളാ​ണ്​ ഇ​ത്ത​ര​ത്തി​ൽ പ്ര​വ​ർ​ത്തി​ക്കു​ന്ന​ത്.

വ​ർ​ഷം 85 ല​ക്ഷം രൂ​പ​യു​ടെ വി​ൽ​പ​ന ന​ട​ക്കു​ന്നു​ണ്ട്. ക​ർ​ഷ​ക​വി​പ​ണി​യി​ൽ 80 അം​ഗ​ങ്ങ​ളു​ണ്ട്. അം​ഗ​ങ്ങ​ൾ അ​ല്ലാ​ത്ത​വ​ർ​ക്കും സാ​ധ​ന​ങ്ങ​ൾ വി​ൽ​പ​ന ന​ട​ത്താം. അം​ഗ​ങ്ങ​ൾ​ക്ക്​ ഓ​ണ​ക്കാ​ല​ത്ത്​ ബോ​ണ​സും ന​ൽ​കി വ​രു​ന്നു​ണ്ട്. കാ​ർ​ഷി​ക ഉ​പ​ക​ര​ണ​ങ്ങ​ൾ സ​ബ്​​സി​ഡി നി​ര​ക്കി​ലും വി​ത​ര​ണം ചെ​യ്യു​ന്നു​ണ്ട്. സ​മി​തി​യു​ടെ പ്ര​സി​ഡ​ന്റ്‌ എം.​ജി. ഫി​ലി​പ്പോ​സാ​ണ്. ​ലേ​ലം വി​ളി​ക്ക് ​നേ​തൃ​ത്വം ന​ൽ​കു​ന്ന​ത്​ ജോ​സ്, മ​ഹേ​ഷ്​​​കു​മാ​ർ എ​ന്നി​വ​രു​മാ​ണ്.

ലേ​ലം ഒ​രു​ത​രം, ര​ണ്ടു​ത​രം....

ക​ർ​ഷ​ക​ർ കൊ​ണ്ടു​വ​രു​ന്ന ഉ​ൽ​പ്പ​ന്ന​ങ്ങ​ൾ ഓ​രോ​ന്നി​ന്‍റെ​യും തൂ​ക്ക​വും എ​ണ്ണ​വും രേ​ഖ​പ്പെ​ടു​ത്തി നി​ര​ത്തി വെ​ക്കും. ഓ​രോ ഉ​ൽ​പ്പ​ന്ന​ങ്ങ​ളി​ലും ക​ർ​ഷ​ക​ന്റെ പേ​രും വി​ള​ക​ളു​ടെ തൂ​ക്ക​വും രേ​ഖ​പ്പെ​ടു​ത്തും. ​ലേ​ലം വി​ളി​ക്കു​ന്ന​വ​ർ 500 രൂ​പ അ​ഡ്വാ​ൻ​സ്​ അ​ട​ച്ച്​ ​ലേ​ല ചീ​ട്ട്​​വാ​ങ്ങ​ണം.

വി​ള​ക​ൾ എ​ത്തി​ക്കു​ന്ന​ത്‌ നാ​ട്ടി​ലെ ക​ർ​ഷ​ക​രാ​ണെ​ങ്കി​ലും വാ​ങ്ങാ​ൻ എ​ത്തു​ന്ന​വ​രി​ൽ ദൂ​രെ നാ​ട്ടി​ൽ നി​ന്നു​ള്ള​വ​രു​മു​ണ്ട്. ഏ​ത്ത​ക്കു​ല, പാ​ള​യ​ൻ, ക​ദ​ളി, ഞാ​ലി​പ്പൂ​വ​ൻ, ചേ​ന, കാ​ച്ചി​ൽ, ചേ​മ്പ്, വി​വി​ധ ഇ​നം പ​ച്ച​ക്ക​റി​ക​ൾ, തേ​ൻ, മു​ട്ട, പു​ളി, കു​മ്പ​ള​ങ്ങ, മ​ഞ്ഞ​ൾ, ഇ​ഞ്ചി, കു​രു​മു​ള​ക് തു​ട​ങ്ങി എ​ല്ലാം ഇ​വി​ടെ കി​ട്ടും. ഓ​രോ ഇ​ന​വും തി​രി​ച്ച്‌ ‘ത​രം’ പ​റ​ഞ്ഞാ​ണ്‌ വി​ളി. വി​ള​ക​ൾ വാ​ങ്ങാ​നെ​ത്തു​ന്ന​വ​ർ അ​വ​ർ​ക്ക്‌ യോ​ജ്യ​മാ​യ വി​ല ഏ​റ്റു​വി​ളി​ക്കും. അ​തി​ന്‌ മു​ക​ളി​ൽ വി​ളി വ​രും. ലേ​ലം വി​ളി മു​റു​കി​യാ​ൽ വി​ല മു​ക​ളി​ലേ​ക്ക് പോ​കും.

അ​വ​സാ​ന​മെ​ത്തി നി​ൽ​ക്കു​ന്ന വി​ളി​ത്തു​ക​യു​ടെ പു​റ​ത്ത് മ​റ്റാ​ർ​ക്കും വി​ളി​ക്കാ​നി​ല്ലാ​തെ വ​രു​മ്പോ​ൾ ​ലേ​ലം ഉ​റ​പ്പി​ക്കും. ആ ​വി​ല വാ​ങ്ങി ക​ർ​ഷ​ക സ​മി​തി കൃ​ഷി​ക്കാ​ര​ന് ന​ൽ​കും.

ന്യാ​യ വി​ല ഉ​റ​പ്പ്​

ഇ​ടനി​ല​ക്കാ​രി​ല്ലാ​ത്തി​നാ​ൽ ന്യാ​യ​മാ​യ വി​ല ക​ർ​ഷ​ക​ന്​ ല​ഭി​ക്കും. സ​ദ്യ സീ​സ​ൺ തു​ട​ങ്ങി​യാ​ൽ പി​ന്നെ സാ​ധ​ന​ങ്ങ​ൾ വാ​ങ്ങാ​ൻ എ​ത്തു​ന്ന​വ​രു​ടെ വ​ലി​യ തി​ര​ക്കാ​ണ്.​ ആ​റ​ൻ​മു​ള വ​ള്ള​സ​ദ്യ​ക്ക്​ ആ​വ​ശ്യ​മാ​യ മി​ക്ക സാ​ധ​ന​ങ്ങ​ളും ഇ​വി​​ടെ നി​ന്നാ​ണ്​ വാ​ങ്ങു​ന്ന​ത്. നാ​ര​ങ്ങാ​നം, ക​ട​മ്മ​നി​ട്ട എ​ന്നീ ര​ണ്ട്​ ക​ര​ക​ളു​ള്ള വി​സ്തൃ​ത​മാ​യ നാ​ര​ങ്ങാ​നം പ​ഞ്ചാ​യ​ത്തി​ല്‍ റ​ബ​ര്‍ ഉ​ള്‍പ്പെ​ടെ​യു​ള്ള കൃ​ഷി​യാ​ണു​ള്ള​ത്. പ്ര​തി​വ​ര്‍ഷം ശ​രാ​ശ​രി 40 കോ​ടി രൂ​പ​യു​ടെ കാ​ര്‍ഷി​ക വി​ള​ക​ള്‍ പ​ഞ്ചാ​യ​ത്തി​ലെ ക​ര്‍ഷ​ക​ര്‍ ഉ​ത്പാ​ദി​പ്പി​ച്ചി​രു​ന്നു. എ​ന്നാ​ൽ കാ​ട്ടു​പ​ന്നി ശ​ല്യം കാ​ര​ണം കൃ​ഷി കു​റ​ഞ്ഞി​ട്ടു​ണ്ട്.